1 Korintus 2:8 - En Taar Weru a nunuwu' é Tontemboan

⁸ Wo ra'ica wana esa tou asé makatimboi ing kakawasaan asi kayo'baan anio' e makailek andumoro' ing kapinteran itu. Sa eng kapinteran itu kailekan éra, ra'ica aisalip éra si Apo' Yesus si parayo-rayo wo pasiri-siriin itu.

1 Korintus 2:8 ပူးပေါင်းရင်းမြစ်များ

Matius 11:25

An tutuw itu si Yesus sumombayang, “O Amang Kasuruan si makakawasa in langit wo ing kayo'baan! Yaku kumua i makapulu'sama' ampa'paan ra'ica aituru' i Amang pakasa sé andumoro' in itu a sé tou sé mengapaké ing kapinteran wo a sé tou pandéi, taan aituru' i Amang a sé tou en aténa tanu toyaangé' teké'.

Matius 13:22

En lulumbo sé rumongkor an unér in dukut tutunéan en itu meputé wo sé tou ilumingao in taar, taan séra maindé-indé'ke' andumoro' ing katouan éra ang kayo'baan wo asaloke' maéré-éré ing kasiyaan. Pakasa en itu méma' iséra ra'ica iméé rékén asi taar itu akar ra'ica imua'.

Lukas 23:34

Wo si Yesus sumombayang, “O Amang, ampunganai séra, ampa'paan ra'ica kailekan éra sapa em pengaémaan éra.” Wo pewéténgen éra eng karai i Yesus ang kerapi in lumotréi.

Yohanes 16:3

Émaan éra oka en itu ai camu, ampa'paan si Amang-Ku wo Yaku ka'i wutu-wutul ra'ica katuusan éra.

Yohanes 7:48

Awéan réén esaan asé kikiiten é agama Yahudi kuma'pa tou Farisi si mercaya ai Sia?

Yohanes 8:19

Wo icua éra ai Sia, “Am bisa réén si Amang-Mu?” Isowat i Yesus ai séra, “Kamu ra'ica makatuus Yaku, wo ka'i ra'ica makatuus si Amang-Ku. Sa kamu makatuus Yaku, tantu katuusan ka'i miow si Amang-Ku.”

Kisah Para Rasul 13:27

Sé tou maento' an Yerusalem wo ka'i sé kikiiten éra ra'ica makatuus si Yesus, ampa'paan in ituo séra meesa wosama' Sia ukuman patén. Anaé, linekepo éra sapa sé ipakua é nabi andumoro' Sia si pemaca-macan iow susur in endo Sabat.

Kisah Para Rasul 7:2

Wo isowat i Stefanus, “Éi poo-poow wo tuang-tuang, linganai en icuaku. Indior, si apo'ta Abraham an tutuw sia ra'ipé' maento' an Haran, sia maento' a Mesopotamia. Am bitu, si Amang Kasuruan si parayo-rayo wo pasiri-siriin mapaturu' in owak-Na ai sia,

1 Korintus 1:20

Sa taniitu, sapa en torona é tou awéan kapinteran? Wo sapa en toronana sé tou makailek wutul in Torat? Wo sapa en torona sé tou pandéi ang kayo'baan anio' sé masalé' masundur i nunuwu' é tou walina? En ulitna aituru'o i Amang Kasuruan sapaoka eng kapinteran é tou pandéi itu ra'ica wana torona.

1 Korintus 2:6

Mandé ka'i in taniitu, sa kami makua a sé tou sé uli-ulit maémano, kami makua andumoro' ing kapinteran. Eng kapinteran itu ra'ica asi kayo'baan owo, ra'ica ka'i asé tou owo sé makatimboi ing kakawasaan ang kayo'baan anio', si kakawasaan maka'pu oka.

2 Korintus 3:14

Indior sé tou Israel, em pakawerot éra kinatutuwano. Wo akar asi endo anio' em pakawerot éra kinatutuwané', ra'ica kaangéan éra sa maca ing kitap-kitap andumoro' im taar uré itu. Icita ro'na kumua sapaoka em bewerot éra pakatutuwané' ing kaéng. Eng kaéng itu ro'na imawuka' an tutuw éra maéman a si Kristus.

Efesus 1:17

Wo pekiupusenku a si Amang Kasuruan, Amang i Apo'ta Yesus Kristus, si Amang iparayo-rayo wo pasiri-siriin, wosama' iwéé-Na mai e roh kapinteran wo tumuru' in andumoro' Sia wosama' Sia wutu-wutul katuusan iow.

Efesus 4:18

Em bewerot éra imariréimbengo, wo séra menonou tayang wo si Amang Kasuruan, ampa'paan séra bodok wo en até éra keté.

1 Timotius 1:13

Indior aku maojat si Apo' Yesus. Paokoienku wo paséro'ku ka'i sé tou maéman ai Sia. Mandé in taniitu, aituru'-Na eng kaupusan-Na a yaku ampa'paan aku ra'ipé' maéman ai Sia si Toyaang i Amang Kasuruan wo ra'ica kailekanku sapa e niéma'ku.

Yakobus 2:1

Poo-poowku! Icita anio' tou maémano a si Yesus Kristus, Apo'ta si parayo-rayo wo pasiri-siriin. Tioo kamu masisirke' in tou asalo maséré ing kasiyaan.