1 Korintus 2:14 - En Taar Weru a nunuwu' é Tontemboan

¹⁴ Si tou ra'- ica pengaakinen i Roh i Amang Kasuruan, ra'ica mengaterima sé ipakua i Roh i Amang Kasuruan, ampa'paan paanggapenna sé ipakua i Roh itu ra'ica wana torona. Wo en itu ra'ica kaangéanna, ampa'paan wayake' si tou makaanu i Roh i Amang Kasuruan e ro'na makaangé andumoro' in itu.

1 Korintus 2:14 ပူးပေါင်းရင်းမြစ်များ

Matius 16:23

Wo si Yesus suméléng wo kumua a si Petrus, “Tumayango ko é sétang! Icoo si esaan watu masangkil Yaku, ampa'paan ico ra'ica mawerot in sapa em paweroten i Amang Kasuruan, taan sapa em paweroten é tou.”

Yohanes 10:20

“Sia rinasuko i sétang wo imanganga'o! Kéitu réén lingan iow Sia?”

Yohanes 12:37

Mandé ka'i kelio eng kakaya'kaan niéma' i Yesus an dior é tou Yahudi, taan Sia ra'ica émanen éra.

Yohanes 14:17

Si Matawang ituo si Roh Le'nas si mengawali icamu a si sususuien wutul andumoro' si Amang Kasuruan. Sé tou ang kayo'baan ra'ica tumerima Sia, ampa'paan séra ra'ica isuméré Sia wo ra'ica makatuus Sia. Taan kamu makatuus Sia ampa'paan Sia mewali-wali wo icamu intarépé', wo Sia mento' oka an untep in até miow i esa wo si esa.

Yohanes 14:26

Taan si Matawang si yutus oka mai i Amang-Ku ai camu en sumawel Yaku, Siao si Roh Le'nas. Sa Sia maai, isusui-Na oka em baya-waya ai camu wo ita'néi-Na ai camu im baya sé aicua-Kuo ai camu.

Yohanes 15:26

Taan yutus-Ku oka ai camu si Matawang asi Amang owo. Siao si Roh Le'nas si maali icamu asi sususuien wutul andumoro' i Amang Kasuruan. An tutuw-Na i maai, Sia méé oka ing kasairian andumoro' Yaku.

Yohanes 5:44

Kamu maéré-éréke' i rarayo asé kakélé miow, wo ra'ica rumaméji mangéré i rarayo asi Amang Kasuruan si wayake' in esa. Sa taniitu, tambisa réén ro'na percayan iow Aku?

Yohanes 8:43

Kéitu réén ra'ica kaangéan iow sé ipakua-Ku? Ampa'paan ra'ica kiim iow luminga in sususuien-Ku.

Kisah Para Rasul 16:14

Esaan angé ai séra, sé iluminga icami mapaar, awéan esa wéwéné makangaran Lidia. Sia ang kota Tiatira owo, sia mawangkér ing kaéng pares. Si Lidia anio' tou ra'ica Yahudi taan sia mengaapo' a si Amang Kasuruan. Wo an tutuw i Paulus mapaar andumoro' si Yesus, en aténa winuka' i Amang Kasuruan akar tinerimana sapa em ipakua i Paulus.

Kisah Para Rasul 17:18

Ang kota Atena awéan golongan Epikuros wo golongan Stoa. Sé tou pinter asé reru itu meindo-indoan roma' wo si Paulus, awéan e makua, “Sapa réén eng kailekan i tou anio'? Eng kailekanna waya im pira taan keli nuwu'.” Wo sé walina ka'i makua, “Si tou anio' makua wona' andumoro' é opo-opo' é bangsa walina.” Icua éra in taniitu ampa'paan si Paulus mengakua andumoro' i Yesus wo andumoro' Sia si tinou sumawel am papaté.

Kisah Para Rasul 17:32

An tutuw iluminga sapaoka sé tou imatéo ro'na touen sumawel wo sia aiséro'ke' é piraan tou ai séra. Taan sé walina makua, “Kawisa oka mangé lingan ami en aicuamu tarépé'.”

Kisah Para Rasul 18:15

Taan sa en itu asaloke' i meindo-indoan roma' andumoro' i nunuwu', i ngara-ngaran, kuma'pa in atoran-atoran an ukum in agama miow, icamuo in esa e murus sia. Ra'ica icasalé'ku mamuali akim am perkara miow.”

Kisah Para Rasul 25:19

Séra asaloke' meindo-indoan roma' wo isia andumoro' in agama éra wo andumoro' si esa tou makangaran Yesus. Si Tou itu kiné imatéo, taan icua i Paulus si Tou itu itumou sumawel.

1 Korintus 1:18

En abar andumoro' i Kristus imaté ang kayu salip itu nianggap ra'ica wana torona é tou sé maangé am papaté. Taan kita sé makéré ing kalowiran i Amang Kasuruan, en abar andumoro' im papaté i Kristus itu, siituo en tumuru' si Amang Kasuruan makakawasa.

1 Korintus 1:21

Ampa'paan mandé tambisa eng kapinteran é tou ang kayo'baan, ra'ica makawoo makatuus si Amang Kasuruan sa asalo maké ing kapinteran in esa. Taan ampa'paan ing kapinteran i Amang Kasuruan, pinusé'-Nao en lumowir sé tou maéman ai Sia kumiit in abar ipakua-kua ami. En abar itu, paanggapen é tou ra'ica maéman a si Yesus, abar ra'ica wana torona.

1 Korintus 1:23

Taan kami anio' asalo makua in abar andumoro' i Kristus si maté ang kayu salip. En abar andumoro' i Kristus itu, asaloke' mamuali watu pasangkilan a sé tou Yahudi, akar séra ra'ica maéman a si Kristus. Wo sé tou ra'ica Yahudi, paweroten éra en abar itu abar ra'ica wana torona.

1 Korintus 1:25

Mandé sé niéma' i Amang Kasuruan itu paanggapen é tou ra'ica wana torona, taan sé niéma' i Amang Kasuruan itu en lébépé' pinter asé sapa sé paanggapen é tou itu. Wo mandé sé niéma' i Amang Kasuruan itu paweroten é tou ra'ica wana kawasa, taan sé niéma' i Amang Kasuruan itu en lébépé' wangko' eng kawasana wo sé ro'na émaan é tou.

1 Korintus 15:44

An tutuw aicubur, en owak itu owak asi cayo'baan owo. Taan an tutuw tinou sumawel, en owak itu owak an sorga owo. Awéan owak ang kayo'baan owo, awéan ka'i owak an sorga owo.

1 Korintus 15:46

En owakta intarépé', owak asi cayo'baan owo. Touen oka sumawel i Amang Kasuruan kita, wo kita makéré in owak asi Roh Le'nas owo.

1 Korintus 2:12

Wo e roh ai cita ra'ica aiwéé ing kayo'baan anio', taan e Roh si asi Amang Kasuruan owo wosama' kakailekanta pakasa sé loor sé aitambér i Amang Kasuruan ai cita.

1 Korintus 3:1

Poo-poowku, an tutuwku mewali-wali wo icamu, yaku maroma' ra'ica meputé an tutuwku maroma' a sé tou eng katouanna kinawasao i Roh i Amang Kasuruan. En ulitna aku maroma' ai camu meputé wo aku maroma' a sé tou menonou makiité' ing kasalé'an ing kayo'baan, ampa'paan em paémanen iow a si Kristus meputépé' wo si toyaang teké' susupé' em paelepen.

Yakobus 3:15

Sa eng kapinteran iow tanuke' siitu, eng kapinteran itu ra'ica asi Amang Kasuruan owo taan asi cayo'baan anio' owo, ang kasalé'an in owak owo wo asé sétang owo.

1 Yohanes 2:20

Taan tinerimao miow e Roh Le'nas asi Yesus Kristus owo, ampa'paan in itu kamu im baya makaileko in sususuien wutul.

1 Yohanes 2:27

Wo andumoro' icamu in esa, si Casuruan imééo mai i Roh Le'nas eng kumawasa icamu wo akar intarépé' e Roh Le'nas itu awéané' ai camu. Anaé kamu ra'io sangali susuian é tou walina, ampa'paan kamu penusu-nusuian i Roh Le'nas andumoro' im pakasa in itu. Wo sapa en aisusui-Na itu wutul wo ra'ica towo. Tinerimao miow en sususuien itu ai Sia, ampa'paan in itu kamu musti menonou angé meesa wo si Kristus.

1 Yohanes 5:20

Kailekanta ka'i sa si Toyaang i Amang Kasuruan imayo wo mééo ing kakailekan ai cita wosama' katuusanta si Amang Kasuruan si Wutul. Wo kita menonou meesao wo si Amang Kasuruan si Wutul itu, ampa'paan kita esa wo si Toyaang-Na Yesus Kristus. Si Yesus itu Kasuruan si Wutul wo Siake' e méma' sé tou ro'na menonou akar ing kauré-uré.

Yudas 1:19

Séra ituo sé mengaéma' sé tou maéman mengkaréndéran akar i mentanéan. An owak éra ra'ica wana Roh Le'nas wo séra menonou makiitke' ing kasalé'an ing kayo'baan.