1 Korintus 2:1 - En Taar Weru a nunuwu' é Tontemboan

¹ Poo-poowku, indior an tutuwku imai ai camu, ipakuaku andumoro' sé pawasa-wasan i Amang Kasuruan si ra'ipé' kailekan é tou walina. Asi témpo itu, sé pakuaku itu ra'ica mapaké nunuwu' rangka' kuma'pa nunuwu' ing kapinteran in tou.

1 Korintus 2:1 ပူးပေါင်းရင်းမြစ်များ

Kisah Para Rasul 20:21

Pengua-nguaku a sé tou Yahudi wo a sé tou ra'ica Yahudi wosama' séra mape'dis wo kumiit a si Amang Kasuruan wo séra musti maéman a si Apo' Yesus.

Kisah Para Rasul 22:18

Kaséréanku si Apo' Yesus, makua a yaku tana'i, ‘Mario-rioro itela'u en Yerusalem anio', ampa'paan séra ra'ica masalé' tumerima in sapa en aisairimu andumoro' Yaku.’

Roma 16:18

Ampa'paan sé tou tanu siitu ra'ica matawoi sumelewir si Kristus Apo'ta, taan séra matawoi asalo makiit ing kasalé'an éra in esa. Séra maroma' mapaké i roroma' matawér wo nunuwu' sé manam palingan, akar séra imuwako sé tou sama' en até.

Roma 16:25

Irayoo mangé si Amang Kasuruan! Siao e ro'na méma' im paémanen iow makaketer tanu en aituru' an Abar Kaaruien andumoro' i Yesus Kristus si pakua-kuaku. En Abar Kaaruien itu pengakuaku kiit in aituru' i Amang Kasuruan si paene-enep-Na tumo'tolai indior.

1 Korintus 1:17

Ampa'paan aku ra'ica airu'du' i Kristus e mengabaptis taan airu'du'ke' ing kumua in Abar Kaaruien. Wo en Abar Kaaruien ipakuaku itu, ra'ica mapaké ing kapinteranku maroma'. Niéma'ku tanu siitu wosama' eng kawasa im papaté i Kristus ang kayu salip ra'ica mara'i-ra'i.

1 Korintus 1:6

En itu mamuali tuus sapaoka kamu masiya'o am paémanen ampa'paan niéma'o mai i Amang Kasuruan en abar andumoro' i Kristus uli-ulit an atéo miow.

1 Korintus 2:13

Wo in taniitu, sa kami makua andumoro' sé ipakua i Roh Le'nas a sé tou sé pengaakinen i Roh i Amang Kasuruan, kami makua ra'ica mapaké i nunuwu' ing kapinteran in tou, taan mapaké i nunuwu' si aisusui i Roh i Amang Kasuruan.

1 Korintus 2:4

An tutuw aku maroma' wo makua in Abar Kaaruien ai camu, yaku ra'ica mapaké nunuwu' ing kapinteran in tou im percayan iow, taan aku mapercaya a si kawasa i Roh Le'nas.

1 Korintus 2:7

Sé ipakua ami itu kapinteran asi Amang Kasuruan owo. Eng kapinteran itu ra'ipé' kailekan é tou wo aicaenepé', taan en itu tinu'tulo i Amang Kasuruan an tutuw eng kayo'baan anio' ra'ipé' niéma' wosama' kéréanta em bagéan asi rarayo wo in sisiri'-Na.

2 Korintus 10:10

Ampa'paan awéan e makua “E nunuwu' i Paulus an surat-suratna repet keli wo uter, taan sa sia an unerta em perina ra'ica tanu si an surat wo e nunuwu'na ra'ica wana en torona.”

2 Korintus 11:6

Mandé ka'i aku ra'ica pinter maroma', taan andumoro' ing kakailekan yaku ra'ica tou bodok. Aituru'o ami en itu ai camu am pakasa in témpo wo am baya-waya.

2 Tesalonika 1:10

Pakasa en itu mamuali oka an tutuw i Apo' Yesus imayo sumawel. Sia maai oka wo irayo é tou le'nas-Na wo siriin waya é tou maéman. Kamu ka'i icauntep ai séra ampa'paan kamu maémano in abar si aicuao ami.

1 Timotius 1:11

En sususuien wutul itu aipatic an Abar Kaaruien andumoro' i Yesus Kristus, si asi Amang Kasuruan wangko' owo si patus parayo. Wo en Abar Kaaruien itu aitokéo a yaku en icua.

2 Timotius 1:8

Anaé, ico ra'ica toro malawi' masairi in andumoro' i Apo'ta Yesus. Ico ka'i ra'ica toro malawi' mangaku sa aku karapimu ampa'paan aku intarépé' am bui. Yaku am bui ampa'paan maselewir a si Yesus Kristus. Ico ka'i musti sumangkum in okoi tanu yaku ampa'paan mengakua in Abar Kaaruien andumoro' i Yesus Kristus. An tutuw ko sumangkum in okoi, tantu si Amang Kasuruan méé mai kaketeran ai co.

1 Yohanes 4:14

Wo sinéréo ami in esa wo sinairi ami sa si Amang imutuso si Toyaang-Na mai lumowir ing kayo'baan anio'.

Wahyu 1:2

Wo si Yohanes méé ka'i ing kasairian andumoro' im pakasa sé sinéréna, siituo sé andumoro' in Taar i Amang Kasuruan wo ka'i sé andumoro' ing kasairian i Yesus Kristus.

Wahyu 1:9

Yaku si Yohanes poow an esa paémanen si mewali-wali wo icamu mendamai in okoi ampa'paan makiit si Yesus. Terimanta oka mewali-wali em bagéanta ang Kakolanoan-Na, wo talesen mangento-ngento' si Yesus maai sumawel. Wo yaku aisingkir angé am pulou Patmos ampa'paan mengakua in Taar i Amang Kasuruan wo me- ngasairi andumoro' sapa si aicua i Yesus.

Wahyu 19:10

Wo aku kumundu an dior ing kécéi i malaékat itu en sumiri' sia, taan icuana a yaku, “Tioo ko méma' taniitu a yaku! Ampa'paan yaku asaloke' ata i Amang Kasuruan kaputému wo kaputé é poo-poowmu an esa paémanen sé masairi andumoro' i Yesus. Apoono mangé si Amang Kasuruan, ampa'paan eng kasairian i Yesus ituo e méma' sé tou mengakua in Taar i Amang Kasuruan.”