1 Korintus 16:7 - En Taar Weru a nunuwu' é Tontemboan

⁷ Ampa'paan ra'ica kiimku sa aku maangé suméré icamu tanuke' itumuli. Arapenku woo sa icasalé' i Casuruan, yaku ro'na mento' uré-uréan toyo' ang karapi miow.

1 Korintus 16:7 ပူးပေါင်းရင်းမြစ်များ

Matius 3:15

Wo isowat i Yesus ai sia, “Mandéo ico e maptis Yaku. Wo in taniitu niéma'tao eng kasalé'an i Amang Kasuruan.” Kelinga in itu, kiitan i Yohanes en aicua i Yesus.

Kisah Para Rasul 18:21

Mandé ka'i taniitu, cuana, “Sa énan i Amang Kasuruan, tantu aku maréng oka mai sumawel ai camu.” Kumawus in itu, itela'una en Efesus.

Roma 1:10

Uréo aku masalé' maangé ai camu, ampa'paan in ituo aku mekiupus a si Amang Kasuruan, sa woo wéan-Na mai kaloasan aku intarépé' e maangé ai camu.

1 Korintus 4:19

Taan sa icasalé' i Casuruan, aku makala'us oka mai ai camu. Sa yaku mayo ai camu, yaku ra'ica mai mangéré sapa sé ipakua é tou tirayo itu taan pangérénku oka sa séra awéan kawasa asi Casuruan owo kuma'pa ra'ica.

2 Korintus 1:15

Ampa'paan im paémanen ituo, asi kataré aku imawasao maangé ing karua ai camu wosama' kéréan iow en upus tatambér makarua lumepet.

Yakobus 4:15

En ulitna musti icua miow tanu si anio', “Sa icasalé' i Casuruan, kami ro'na menonou wo méma' in anio' kuma'pa in itu.”