1 Korintus 16:11 - En Taar Weru a nunuwu' é Tontemboan

¹¹ Anaé, tioo awéan tou kumo'kos sia. Wo sa sia imaréngo mai a yaku, tawangeno mangé sia wosama' sia maréngai ang karapi in lowir. Entoonku sia maai ang karapi é poo-poow walina.

1 Korintus 16:11 ပူးပေါင်းရင်းမြစ်များ

Lukas 10:16

Wo icua ka'i i Yesus a sé tou sé makiit Sia, “Si séi en luminga icamu sia luminga Yaku. Wo si séi eng kumélong icamu sia kumélong Yaku. Wo si tou kumélong Yaku, sia ka'i kumélongo si Amang Kasuruan si mutusai Yaku.”

Kisah Para Rasul 15:3

Wo séra iwali é tou maéman an Antiokhia akar ang kesot ing kota. Séra lumala'us im bawayaan lumangkoi im Fenisia wo in Samaria. An sangkum itu, ipakua éra ka'i sapaoka sé tou ra'ica Yahudi an tampa walina mape'diso wo maémano a si Yesus. En abar itu méé kaaruian a sé tou maéman am bitu.

Kisah Para Rasul 15:33

Am bitu séra in dua imento' uré toyo'. Kumawus in itu, séra niénano é tou maéman an Antiokhia e maréng sumawel ang karapi in sama' an Yerusalem a sé tou irumu'du' iséra. [

1 Korintus 16:10

Sa si Timotius maai ai camu, sungkulen iow sia ang karapi in sama' wosama' sia ra'ica mendam i maindé' an tutuwna mewali-wali wo icamu. Ampa'paan sia maselewir in tawoien i Casuruan, kaputéku.

1 Korintus 16:6

Wo ang Korintus, aku mento' oka ang karapi miow ra'ica uré kuma'pa ang kauréke' in oras ing kautingan. Kumawus in itu ro'na tawangen iow aku en lumala'us im bawayaanku maangé an tampa walina.

2 Korintus 1:16

En ulitna yaku mawasa maangé woo ai camu am bawayaanku an sangkum i Makedonia, wo an tutuwku maré- ngo mai, tumuli oka ai camu, wosama' kamu ro'na sumémbong a yaku lumala'us im bawayaan maangé an Yudea.

1 Tesalonika 4:8

Ampa'paan in itu, si séike' si ra'ica kiim tumerima in sususuien anio', sia itu ra'ica asaloke' kumélong sé tou, taan kumélongo si Amang Kasuruan si mééo mai i Roh Le'nas ai camu.

1 Timotius 4:12

Tioo iwayamu sé tou maepes im beren ai co ampa'paan ko wo'basé'. Taan émaano mangé en owakmu mamuali paandéan an uner é tou maéman, am pakanuwu'mu, am perimu, ang kaupusanmu a sé tou walina, ang kale'tekanmu wo ang kale'nasanmu a si Casuruan.

Titus 2:15

Éi Titus, musti isusuimu waya en itu a sé tou maéman. Sina'uen angé séra wosama' émaan éra waya en itu wo romaanmu sé tou mengaéma' ing kaséaan. An tutuw ko mengasusui, mengasina'u wo mengaroma', émaanmu waya en itu maké ing kawasa i Casuruan wosama' ko pasiri-siriin wo pengalingan é tou. Tioo iwayamu sé tou maepes im beren ai co.

3 Yohanes 1:6

Sé poo-poow itu imaréngo mai sumawel wo aicuao éra a sé jamaat am bia'i andumoro' in upusmu. Lébé loor ka'i sa tawa- ngenmu séra lumala'us im bawayaan éra ang karapi imengaéma' ing kasalé'an i Amang Kasuruan.