1 Korintus 16:1 - En Taar Weru a nunuwu' é Tontemboan

¹ Intarépé', en icuaku andumoro' in doit pali'usen si casalé' miow iwéé a sé tou le'nas an Yerusalem. Icasalé'ku wosama' kamu kumiit sapa sé aituru'kuo a sé jamaat ang Galatia.

1 Korintus 16:1 ပူးပေါင်းရင်းမြစ်များ

Kisah Para Rasul 11:28

Esaan ai séra si makangaran Agabus pinaké i Roh Le'nas. Sia tumulung wo kumua, “Mai oka en témpona am pakasa ing kayo'baan tenan oka ing kaareman wangko'.” Wo eng kamamualian itu mamuali ka'i an jaman i Klaudius.

Kisah Para Rasul 11:30

Kumawusai séra sumuun roit, wo ru'du' éra si Barnabas wo si Saulus e maali in doit itu a sé penatua an Yudea.

Kisah Para Rasul 16:6

Si Paulus wo sé karapina asaloke' ilumangkoi am Frigia wo ang Galatia, ampa'paan pinéro i Roh Le'nas séra eng kumua in Abar Kaaruien andumoro' i Yesus Kristus an sangkum in Asia.

Kisah Para Rasul 18:23

Wo sia mento' am bitu piraan ngando. Wo sia mangé asi esa tampa wo mangé an tampa walina an sangkum ing Galatia wo em Frigia. An tampa-tampa itu, paketerenna en até é tou maéman.

Kisah Para Rasul 24:17

Ampa'paan piraano ngata'un aku an tampa walina, yaku maréngai an Yerusalem e mai méé roit ipatawang a si bangsaku Yahudi sé menonou ang kalengéian wo ka'i méé raragésan a si Amang Kasuruan am Balé Le'nas.

Kisah Para Rasul 9:13

Isowat i Ananias, “O Tuang, pinalingakuo asé tou keli andumoro' sia. Keliano sé tou le'nas-Mu an Yerusalem sé niokoina.

Kisah Para Rasul 9:41

Timboian i Petrus eng kamana wo atasanna in tumulung. Wo towan i Petrus sé tou le'nas itu wo sé wéwéné balu, ituru'na ai séra sa si Tabita tinouna sumawel.

Roma 12:13

Tawangeno mangé sé tou le'nas sa awéan em paperlun éra, wo tatapke' materima sé tou sé masalé' lumosér am balé miow.

1 Korintus 11:34

Sa awéan tou maarem, sia musti kuman owo am baléna. Sa émaan iow tanu siitu, em paesaan iow ra'ica makawali mai ukuman asi Amang Kasuruan. Andumoro' sé walina, elurenku oka sa aku maai.

1 Korintus 16:15

Poo-poow, tantu katuusano miow si Stefanus wo sé pamaléna. Séra itu, sé tou kataré-taré mape'dis wo maémano a si Yesus an Akhaya. Wo séra imééo in owak an tawoien en sumelewir sé tou le'nas.

1 Korintus 4:17

Ampa'paan in ituo yutusku mangé si Timotius ai camu ampa'paan sia itu niéma'kuo tanu toyaangku in esa wo icaupusku, sia ka'i le'tek a si Casuruan. Mangéna oka ita'néi sumawel ai camu andumoro' tambisa eng katouanku makiit a si Kristus Yesus. Eng katouanku itu ipenusu-nusuikuo a sé jamaat am pakasa in tampa.

Galatia 1:2

Aicirimku en surat anio' a sé jamaat ang Galatia. Yaku wo pakasa sé poo-poow maéman am bia'i ka'i méé in siri' ai camu.

Galatia 2:10

Wo séra asalo tumaar ai cami wosama' kasake' in tumawang sé tou lengéi. En itu uli-ulit icasalé'ku émaan.

Filemon 1:5

ampa'paan liningakuo en abar andumoro' im paémanenmu a si Apo' Yesus wo andumoro' in upusmu a sé pakasa é tou le'nas.

Filemon 1:7

Poowku Filemon, ico mengaupuso sé tou le'nas akar séra kinaiborano in upusmu. Ampa'paano in itu yaku arui keli.

Ibrani 6:10

Ampa'paan si Amang Kasuruan itu ra'ica marapit, ra'ica ilupa-Na sapa sé tinawoio miow torona Sia. Wo ra'ica ilupa-Na ka'i eng kaupusan ipaturu' miow ai Sia an tutuw iow matawang sé tou le'nas indior akar intarépé'.

1 Yohanes 3:17

Sa awéan tou en lumébé mai eng kasiyaanna wo sérénna si poowna menonou ang kawenduan taan ra'ica kiimna in tumawang, tambisa sia makua sia mengaupus si Amang Kasuruan?