1 Korintus 15:7 - En Taar Weru a nunuwu' é Tontemboan

⁷ Kumawus in itu ka'i, Sia mangé mapaturu' a si Yakobus wo mangé ka'i mapaturu' a sé im pakasa é ruru'du'an.

1 Korintus 15:7 ပူးပေါင်းရင်းမြစ်များ

Lukas 24:33

Asi témpo ituke' séra in dua makala'us tumulung wo maréng angé sumawel an Yerusalem. A mangé mbitu séra in dua meta'up wo sé sangapulu' esa murit i Yesus sé ang karoro'an i mali'u-li'us wo sé tou maémano walina.

Lukas 24:36

Ang karoro'an éra i memaa-maar andumoro' im pakasa eng kinamamualian itu, tumarépé'anke'mai si Yesus tumulung an uner éra wo icua-Na, “Siri' ang kaeluran torona miow!”

Lukas 24:50

Wo iwali i Yesus sé murit-Na mangé ang kesot ing kota matawio in doong Betania. Asi tampa itu Sia mangkai ing kama-Na wo kumamang iséra.

Kisah Para Rasul 12:17

Taan séinan i Petrus ing kama wosama' séra menes. Kumawus in itu isisilna ai séra tambisa si Casuruan makawali sia kumesot am bui. Wo icuana ai séra, “Icuao mangé pakasa en anio' a si Yakobus wo a sé poo-poowta walina sé maémano.” Wo sia kumesot am bitu wo mangé an tampa walina.