1 Korintus 15:57 - En Taar Weru a nunuwu' é Tontemboan

⁵⁷ Taan makapulu'sama' a si Amang Kasuruan, ampa'paan niéma'-Na mai kita imuntung sumundur im papaté ampa'paano i Apo'ta, Yesus Kristus.

1 Korintus 15:57 ပူးပေါင်းရင်းမြစ်များ

Yohanes 16:33

Icua-Ku waya en itu ai camu, wosama' kéréan iow eng kaeluran ampa'paan meesao ang karapi-Ku. Ang kayo'baan anio' ipeta'up oka miow eng kawenduan, taan kete-ketereno mangé en até miow, ampa'paan kinala-Kuo waya eng kawasa ing kayo'baan anio'.”

Kisah Para Rasul 27:35

Kekawus sia kumua in taniitu, sia mindo roti wo kumua mangé makapulu'sama' a si Amang Kasuruan an dior éra waya. Te'bi-te'biinna e roti wo tumo'tolo kuman.

Roma 7:25

Makapulu'sama' a si Amang Kasuruan ampa'paan Siao en lumowir yaku ampa'paano i Yesus Kristus Apo'ta. Anaé tana'i, en atéku masalé' kumiit in ukum i Amang Kasuruan, taan en owakku pakakawasané' ing kamesé-meséaan.

Roma 8:37

Taan mandé pakasa en itu sangkumenta, kita tantu uli-ulit muntung ampa'paan si Kristus imupuso icita.

1 Korintus 15:51

Wéé mio' sumama-sama' an dékén! Awéan sé icaenepé' en aicuaku ai camu: ra'ica pakasa icita e maté, taan en owakta im baya mawalina.

2 Korintus 1:11

Pekiupusen ami ai camu atasanai in sombayang wosama' si Amang Kasuruan tumawang icami. Wo in taniitu sowaten i Amang Kasuruan en somba-sombayang akar keli en tou kumua makapulu'sama' a si Amang Kasuruan ampa'paan ing kamang sé tinerima ami wo ampa'paan in sombayang é tou keli.

2 Korintus 2:14

Taan makapulu'sama' a si Amang Kasuruan. Sia maaki- akin icami akar imuntung ampa'paan i Kristus. Pakén i Amang Kasuruan icami wosama' sé tou am bisa-wisa makatuus si Kristus. Anaé, em paselewir ami tanu im bou manam si pengakawouan am bisa-wisa.

2 Korintus 9:15

Mayoo kita kumua i makapulu'sama' a si Amang Kasuruan ampa'paan ra'io icakua en aiwéé-Na itu.

Efesus 5:20

Mengua-nguao mangé i makapulu'sama' am baya-waya a si Amang Kasuruan, Amangta, ang karapi i ngaran i Yesus Kristus Apo'ta.

Ibrani 2:14

Sé tou patuulen i Yesus toya-toyaang itu, séra asaloke' tou si ro'na maté. Anaé, si Yesus imamuali tou wo menonou meputé wo sé tou, wosama' em papaté ro'na sangkumen-Na kaputé in tou. Wo ampa'paano im papaté-Na itu, ro'na kalan-Na si kikiiten é sétang si makakawasa im papaté.

Wahyu 12:11

Wo sé poo-poowta an esa paémanen itu kumala sia ang karapi in enda' i Toyaang i Domba wo ampa'paan sé nunuwu' ing kasairian éra. Séra ra'io mengaupus in owak éra in esa mandé ka'i meta'up im papaté.

Wahyu 21:4

Wo pisin-Na oka waya en dano im beren éra, wo ra'io wana ka'i em papaté. Ra'io wana ka'i e mala'lu kuma'pa e maamé' kuma'pa eng kawenduan, ampa'paan am baya-waya sé uré itu lumangkoio.”