1 Korintus 15:56 - En Taar Weru a nunuwu' é Tontemboan

⁵⁶ Eng kiki'ci' im papaté siituo eng kamesé-meséaan wo eng kawasa ing kamesé-meséaan siituo en ukum Torat.

1 Korintus 15:56 ပူးပေါင်းရင်းမြစ်များ

Yohanes 8:21

Icua ka'i i Yesus a sé kikiiten é agama Yahudi, “Ra'io uré ka'i itela'u-Kuo kamu, wo Yaku paéré-érén oka miow. Taan kamu maté oka ang karapi in da'ica wana kaampungan ang kamesé-meséaan iow. Kamu ra'ica icaangé an tampa angéan-Ku.”

Yohanes 8:24

Ampa'paano in itu icua-Ku, kamu maté oka ang karapi in da'ica wana kaampungan ang kamesé-meséan iow. Ampa'paan sa ra'ica percayan iow Yakuo Sia, kamu maté oka ang karapi in da'ica wana kaampungan ang kamesé-meséaan iow.”

Roma 4:15

En ukum Torat itu makawalike' sé tou in ukumen i Amang Kasuruan, ampa'paan ra'ica kawooan éra méma' in itu. Taan sa woo en ukum Torat ra'ica iwéé i Amang Kasuruan, ra'ica wana tou e mengaéma' ing kameséaan.

Roma 5:15

Taan e niéma' éra in dua ra'ica puté, ampa'paan eng kamang aitambér i Amang Kasuruan en lébé wangko' mai sa ipeputé wo ing kasiwakan ing kameséaan i Adam. Eng kameséaan i esa tou méma' keli en tou imaté, taan eng kamang aitambér i Amang Kasuruan méma' keli en tou malowir. Eng kalowiran itu asalo aitambér-Na wo torona é pakasa sé tou ampa'paano i esa tou Siao si Yesus Kristus.

Roma 5:17

Anaé, ampa'paan ing kamesé-meséaan i esa tou siao si Adam, akar pakasa sé tou patus maté. Taan e niéma' i esa tou Siao si Yesus Kristus, uli-ulit en lébé wangko' mai. Ampa'paano Sia, sé tou tinambéranai i Amang Kasuruan in upus-Na lumepe-lepet wo nianggap-Na wutul an dior-Na. Séra sé maéman a si Yesus Kristus itu, menonou oka akar ing kauré-uré wo kumawasa ing kayo'baan ampa'paano Sia.

Roma 5:20

En ukum Torat itu aiwéé mai i Amang Kasuruan a sé tou wo eng kasiwakana eng kamesé-meséaan é tou makaawes eng kakeli ampa'paan séra ra'ica le'tek maéma' in ukum itu. Taan mandé eng kamesé-meséaan makaawes eng kakeli, en upus aitambér i Amang Kasuruan makalepe-lepet eng kakeli.

Roma 6:23

Ampa'paan em buéna i mengéma-ngéma' ing kamesé-meséaan, makéré oka ukuman icatané a si Amang Kasuruan akar ing kauré-uré. Taan eng kamang aitambér i Amang Kasuruan, siituo eng katouan akar ing kauré-uré. Wo eng kamang aitambér-Na itu tinerimata ampa'paan si Kristus Yesus, Apo'ta.

Ibrani 9:27

Kaputé in tou aitantuo mai i Amang Kasuruan wayake' i makasa maté wo kumawus in itu akimen.