1 Korintus 15:31 - En Taar Weru a nunuwu' é Tontemboan

³¹ Poo-poowku, susur in éndo aku mensaruan wo im papaté, ampa'paan aku marayo ing katouan iow ampa'paan kamu maémano a si Kristus Yesus Apo'ta.

1 Korintus 15:31 ပူးပေါင်းရင်းမြစ်များ

Kisah Para Rasul 20:23

Taan am bisa-wisa kota si niangéankuo, e Roh Le'nas icumuao a yaku sa an Yerusalem aku meta'up ing kawenduan wo yuntep ka'i am bui.

Roma 8:36

Tanu sé aipatic ang Kitap Le'nas in tana'i: “Ampa'paano Ico, susur in endo kami mengasaru im papaté, kami pengaémaan tanu sé domba im pokoleno.”

2 Korintus 1:12

Kami marayo, sapaoka eng katouan ami asi cayo'baan anio', linangkoio ami ang karapi in lekep en até wo rondor en até. Kami menonou tanu siitu wuntulke' im paesaan wo icamu. Siituo eng kasairian in até weresi ami. Niéma' ami en itu, ra'ica ang karapi ing kapinteran é tou, taan ang karapi in upus aitambér i Amang Kasuruan.

2 Korintus 11:23

Wo ipakua éra sapaoka séra sé tou maselewir si Kristus. Yaku maroma' tanuoka tou nganga', yaku mengaselewir asi Kristus ilumébé mai ai séra. Yaku matawoi ilumébé mai wo ing kare'dem éra, makakeli-keli ipauntep am bui, makakeli-keli pengaokoien, wo makakeli-keli matawio imaté.

2 Korintus 2:14

Taan makapulu'sama' a si Amang Kasuruan. Sia maaki- akin icami akar imuntung ampa'paan i Kristus. Pakén i Amang Kasuruan icami wosama' sé tou am bisa-wisa makatuus si Kristus. Anaé, em paselewir ami tanu im bou manam si pengakawouan am bisa-wisa.

Filipi 3:3

Taan icitao sé tou wutu-wutul sinunat, ra'ica iséra. Ampa'paan icitao sé tou mengaapo' a si Amang Kasuruan si pakaakinen i Roh-Na, wo mengatirayo ampa'paan meesa wo si Kristus Yesus, wo ra'ica mengamangén a si sapa sé kaséréan tanumai atoran in sunat.

1 Tesalonika 2:19

Kami maangé ai camu, ampa'paan icamuke' e mamuali arapan wo kaaru-aruian ami. Anaé, sa si Yesus Apo'ta itu imayo sumawel tantu kita sumaru Sia wo icamuo itu e mamuali kaaru-aruian ami an dior-Na.

1 Tesalonika 3:9

Kami wutu-wutul arui ampa'paan kamu kasake' maéman a si Amang Kasuruan. Ampa'paan in ituo kami kumua i makapulu'sama' ai Sia ampa'paan ing kaaruian ami itu.