1 Korintus 15:10 - En Taar Weru a nunuwu' é Tontemboan

¹⁰ Taan ampa'paan in upus si aitambér i Amang Kasuruan, yaku ro'na mamuali ruru'du'an tanu intarépé'. Wo en upus si aitambér i Amang Kasuruan itu uli-ulit awéan wuéna. Sé tinawoiku lumébé mai asé im pakasa é ruru'du'an. En itu ra'ica ampa'paan ing kaketeranku in esa, taan ampa'paano in upus aitambér i Amang Kasuruan mewali-wali wo yaku.

1 Korintus 15:10 ပူးပေါင်းရင်းမြစ်များ

Matius 10:20

Ampa'paan ra'ica icamu in esa e rumoma' taan si Roh i Amang an até miow e rumoma'.

Matius 25:16

Si ata tinokéan in lima talenta makala'us mangé e mangkér, wo en untungna lima talenta.

Roma 11:1

Wuéienku, aicélongo réén i Amang Kasuruan sé tou Israel? Tantu ra'ica! Yaku in esa tou Israel, taranak i Abraham, an suku i Benyamin.

Roma 12:3

Ampa'paano si Amang Kasuruan itumambéro mai in upus-Na a yaku e mamuali ruru'du'an-Na, ampa'paan in ituo sina'uenku kamu im baya tana'i: Tioo kamu mengawerot andumoro' sé ilumébé mai asi patus paweroten iow. Taan weroteno mangé eng kawooan in owak iow sé isumoma, iciit im paémanen si aiwéé i Amang Kasuruan ai camu asi esa wo si esa.

1 Korintus 15:11

Anaé, asi séike' owo en tinerimaan iow in Abar Kaaruien andumoro' i Yesus Kristus itu, a yaku kuma'pa asé ruru'du'an walina owo, en itu ra'ica sapa-sapa. Em penting en Abar Kaaruien itu aicuao ami ai camu wo ampa'paan in itu kamu maéman.

1 Korintus 15:2

Sa kamu tumimboi mauli-ulit a si Abar Kaaruien si aicuakuo itu, kamu linowiro i Amang Kasuruan. Taan sa kamu ra'ica matimboi mauli-ulit asi Abar Kaaruien itu, em paémanen iow ra'ica wana torona.

1 Korintus 3:10

Si Amang Kasuruan tumambéro mai in upus-Na a yaku akar aku si tou e makailek wutul im bangunan tumuliro im pandasi enté', wo sé tou walina mawangun am bawo im pandasi itu. Taan si esa wo si esa tou musti méé rékén sumama-sama' tumambisa sia mangun am bawo im pandasi patuuran itu.

1 Korintus 3:6

Yaku Paulus musew in lulumbo, si Apolos inumaam, taan si Amang Kasuruan in esa e méma' mai in tinanem itu tumou.

1 Korintus 4:7

Si séi réén iméma' icamu lumébémai wo sé tou walina? Awéan réén sé mamualio anu miow wo ra'ica asi Amang Kasuruan owo? Pakasa sé anu miow itu asi Amang Kasuruan owo, sa taniitu kéitu réén kamu marayo-rayo in owak tanuoka kéndo' sé mamualio anu miow itu ra'ica aiwéé i Amang Kasuruan?

2 Korintus 12:11

Yaku rumayoo in owakku in esa tanuoka sé tou bodok. Taan kamuo sé ilumesé' akar aku méma' tanu siitu. En ulitna icamuo si musti mengarayo yaku tanu siitu. Ampa'paan mandé ka'i aku anio' ipakua é tou ra'ica makailek in sapa-sapa, taan am baya-waya yaku ra'ica kaindoan é ruru'du'an wangko' itu.

2 Korintus 3:5

Kami ra'ica wana alasan eng kumua sapaoka kawooan ami méma' in tawoien anio', taan si Amang Kasuruan i méé mai icami makawoo.

2 Korintus 6:1

Ampa'paan kami matawoi mewali-wali wo si Amang Kasuruan, pekiupusen ami imauli-ulit ai camu wosama' tioo paepesen iow im beren en upus aitambér i Amang Kasuruan si tinerimao miow itu.

Galatia 2:8

Ampa'paan Sia si mééo ing kaketeran a si Petrus e mamuali ruru'du'an eng kumua in Abar Kaaruien andumoro' i Yesus a sé tou Yahudi, Sia ka'i e mééo ing kaketeran a yaku mamuali ruru'du'an eng kumua in Abar Kaaruien a sé tou ra'ica Yahudi.

Filipi 2:13

Kamu ro'na menonou tanu siitu ampa'paan si Amang Kasuruan in esao si matawoi an até miow, akar kamu ro'na menonou kiit ing kasalé'an-Na wo ro'na imaéma' sé icasalé'-Na.

Filipi 4:13

Ang kaadaan in sapake' eng kinasangkumanku, susa kuma'pa arui, kawooanku i muléng ampa'paan i Kristus si cumeter yaku.

1 Tesalonika 5:12

Poo-poow, pangileken ami ai camu wosama' pasiriin angé sé tou an uner iow sé matawoi mauli-ulit torona i Casuruan. Séra mengaakin icamu wo masina'u icamu kumiit ing kasalé'an i Casuruan.

1 Timotius 4:10

Siituo imangémai kita rumaméji mauli-ulit re'dem mengaselewir a si Amang Kasuruan. Kita méma' in taniitu ampa'paan kita asaloke' mamangén a si Amang Kasuruan si menonou. Sia itu si méé mai ing kalowiran a sé pakasa in tou, lébé-lébépé' ka'i a sé tou maéman.