1 Korintus 14:3 - En Taar Weru a nunuwu' é Tontemboan

³ Taan sa si esa tou awéano kamang tatambér eng kumua in taar i Amang Kasuruan, ipakuana en itu a sé tou e méé ing kaketeran, méé kaincayaan wo sumina'u iséra, wo ka'i mibor iséra.

1 Korintus 14:3 ပူးပေါင်းရင်းမြစ်များ

Lukas 3:18

Taniituo si Yohanes makua in Abar Kaaruien andumoro' i Yesus Kristus a sé tou keli mapaké ing keli sina'u.

Kisah Para Rasul 13:15

Kekawus i maca in ukum Torat wo ing kitap é nabi, sé kikiiten am balé paapo'an itu rumu'du' tou eng kumua a si Paulus wo si Barnabas tana'i, “Poo-poow, sa awéan ai camu e méé sina'u eng kumeter im paémanen é tou anio', icuao mai!”

Kisah Para Rasul 14:22

An tampa-tampa itu, si Paulus wo si Barnabas kumeter in até é tou maéman wo sumina'u iséra wosama' le'tek am paémanen. Wo icua i Paulus wo si Barnabas, “Sa kita masalé' mamuali tou i Amang Kasuruan si Kumawasa tanu Kolano, kita musti meta'up ing keli kawenduan.”

Kisah Para Rasul 15:32

Si Yudas wo si Silas itu nabi, niéma' éra sé tou maéman an Antiokhia maibor wo ka'i kumeter in até éra.

Kisah Para Rasul 4:36

Taniitu ka'i si Yusuf taranak i Lewi si tumou an Siprus. Sia pengatowan é ruru'du'an ‘Barnabas’, eng kaangéanna ‘tou mengawéé ing kaketeran a sé tou walina’.

Kisah Para Rasul 9:31

Wo pakasa sé jamaat an Yudea, ang Galilea wo an Samaria menonou meelu-eluran. Wo em paémanen éra maketer wo séra menonou masiri' si Amang Kasuruan, wo séra ka'i makaawes eng kakeli ampa'paan tinawang wo paiboren i Roh Le'nas.

Roma 12:8

Sa eng kamang aitambér i Amang Kasuruan ai cita e masina'u sé tou walina wosama' em paémanen éra makaketer, tawoieno mangé en itu ang karapi i mauli-ulit. Sa eng kamang aitambér i Amang Kasuruan ai cita e mamuali tou masalé' mengawéténg ing kasiyaan a sé kakélé tou, musti émaanta en itu ang karapi in lekep en até. Sa eng kamang aitambér i Amang Kasuruan ai cita mamuali kikiiten, kita ka'i musti mamuali kikiiten si re'dem. Wo sa eng kamang aitambér i Amang Kasuruan ai cita e mengaturu' ing kaupusan a sé tou walina sé sumangkumai ing kawenduan, musti émaanta en itu ang karapi in arui en até.

Roma 14:19

Ampa'paano in itu mayoo kita rumaméji mengaéma' andumoro' ing kaeluran wo membém-béan angé ing kaketeran im paémanen si esa wo si esa.

Roma 15:2

Taan kita si esa wo si esa musti mengaarui in até é kakéléta in tou torona ing kalooranna, wosama' em paémanenna a si Amang Kasuruan makaketer.

1 Korintus 10:23

Poo-poow, awéan sé tou makua in tana'i, “Sapake' sé icasalé'ta ro'na émaanta.” En itu wutul, taan ra'ica pakasa sé icasalé'ta itu awéan en torona. “Ro'na émaanta sapake' sé icasalé'ta” taan ra'ica pakasa sé icasalé'ta itu ro'na méé ing kaketeran in até é tou.

1 Korintus 14:12

Tanu siituo ka'i kamu in esa, kamu irumaméjio makéré ing kamang tatambér i Roh Le'nas. Taan eng kumataré-taré kamu musti rumaméji maké ing kamang tatambér itu e méé ing kaketeran im paémanen a sé jamaat.

1 Korintus 14:17

Mandé ka'i en sombayang makua i makapulu'sama' a si Amang Kasuruan sé aicua miow itu loor keli, taan sé pakua miow itu ra'ica méé kaketeran am paémanen éra ampa'paan sé pengakua miow ra'ica kaangéan éra.

1 Korintus 14:26

Anaé é poo-poow, sapa eng kaangéan im pakasa in itu? An tutuw iow mali'us mewali-wali i maapo', awéan sé tou makantar ing kakantaren marayo si Amang Kasuruan, awéan sé tou masusui, awéan sé tou makua i nunuwu' i Amang Kasuruan, awéan sé tou maroma' mapaké i nunuwu' i roh, wo awéan ka'i sé matutur ing kaangéan i nunuwu' i roh itu. Musti émaan iow pakasa en itu en sumusui wo torona ing kalooran iow im baya.

1 Korintus 14:31

Wo in taniitu, kamu im baya si esa wo si esa ro'na kumua i nunuwu' i Amang Kasuruan wosama' pakasa en tou an jamaat ro'na susuian wo em paémanen éra ka'i makaketer.

1 Korintus 8:1

Poo-poowku, intarépé' icasalé'ku icua ai camu andumoro' ing kakanen iparagés a sé opo-opo'. Awéan sé tou makua in tana'i: “Kita im baya sé maéman makaileko andumoro' in itu.” Eng kakailekan tanu siitu mengaéma' icamu makatirayo, taan en upus ro'na méé ing kaketeran a sé tou walina.

2 Korintus 1:4

Sia mengaibor icami am pakasa ing kawenduan ami. Sia maibor taniitu wosama' kami ro'na mibor sé tou walina an sapake' eng kawenduan éra, ang karapi im paiboran si tinerima ami asi Amang Kasuruan.

2 Korintus 2:7

Anaé, intarépé' wéano mio' sia kaampungan wo kaincayaan, wosama' sia ra'ica talos mawendu wo ra'ica katalaan in arapan.

Efesus 4:29

Tioo awéan nunuwu' sé ra'ica loor kumesot am ba'ba' miow. Taan manuwu'o mangé i nunuwu' sé loor eng kumeter in até é tou walina an tutuw im paperlun éra. E nunuwu' tanu siitu méé oka ing kamang a sé tou sé mengalinga in itu.

Efesus 6:22

Siituo imangémai sia ru'du'ku mangé ai camu, wosama' kailekan iow en abar andumoro' icami wo ka'i sia mibor in até miow.

Kolose 4:8

Sia airu'du'ku mangé ai camu wosama' kailekan iow en abar in an andumoro' sé mamuali ai cami, wosama' ka'i sia mibor in até miow.

1 Tesalonika 2:11

Kailekan iow sapaoka kamu im baya pasérén ami tanuoka si amang maséré sé toyaangna in esa. Pasina'uen ami kamu wo pawéan ami kaketeran en até miow.

1 Tesalonika 2:3

An tutuw ami makua in Abar Kaaruien itu, kami ra'ica masusui in sususuien sé mengasélé'kow. Kami ra'ica mengawasa-wasa in léwo' wo ra'ica kiim mengauwak sé tou.

1 Tesalonika 3:2

wo si Timotius poowta an esa paémanen, yutus ami mangé ai camu. Sia itu kara-karapita matawoi a si Amang Kasuruan e mengakua in Abar Kaaruien andumoro' i Yesus Kristus. Yutus ami si Timotius maangé e méé ing kaketeran an até miow wosama' em paémanen iow a si Yesus makaketer.

1 Tesalonika 4:1

Poo-poow, aisusuio ami ai camu tambisa em peri mengaarui in até i Casuruan, wo kamu wutu-wutul menonouo tanu siitu. Wo intarépé' pangileken ami ai camu ang karapi ing kawasa i Apo' Yesus, wosama' kamu rumaméjipé' mangé menonou mengaarui si Amang Kasuruan.

1 Tesalonika 4:18

Ampa'paan in itu, musti isisil iow angé sumawel en sususuien anio' a sé tou walina wosama' kamu ro'na mengkeng-keteran in até.

2 Tesalonika 3:12

Sé tou taniitu, pokéian wo sina'uenta maké i ngaran i Apo' Yesus Kristus, wosama' séra menawo-nawoi ang karapi in elur wo in taniitu séra mangéréo ing kakanen in esa.

1 Timotius 1:4

Wo icua mangé ka'i ai séra wosama' ra'io toro mengasisil in sisisilen sé asalo niéma' é tou wo sisisilen andumoro' é apo-apo' sé aipatic taloso lambot. Pakasa en itu asaloke' méma' ing kaperéndéran wo ra'ica tumawang sé tou kumiit ing kasalé'an i Amang Kasuruan e makéré ing kalowiran.

1 Timotius 4:13

An tutuw ko mengento-ngento' yaku maai, lume'te-le'teko mangé ko maca ing Kitap Le'nas torona é tou am bitu. Pokéian wo susuiano mangé sumama-sama' séra wosama' séra makaketer em paémanen.

2 Timotius 4:2

icuamuo mangé en Taar i Casuruan a sé tou, loor kuma'pa ra'ica loor en orasna, ko musti tu'tul e mengua-ngua in Taar itu. Sina'ueno mangé sé tou mengaéma' ing kameséaan, romaan angé séra ang karapi wuta ing katalesenan an tutuw ko mengasusui iséra.

Titus 1:9

Séra ka'i musti tou wutu-wutul makiit in sususuien wutul si sususuien aisusuio ai séra. Wo in taniitu kawooan éra maké in sususuien wutul itu en sumina'u sé tou wo ka'i makawoo rumondor im bewerot é tou sé masundur in sususuien itu.

Titus 2:15

Éi Titus, musti isusuimu waya en itu a sé tou maéman. Sina'uen angé séra wosama' émaan éra waya en itu wo romaanmu sé tou mengaéma' ing kaséaan. An tutuw ko mengasusui, mengasina'u wo mengaroma', émaanmu waya en itu maké ing kawasa i Casuruan wosama' ko pasiri-siriin wo pengalingan é tou. Tioo iwayamu sé tou maepes im beren ai co.

Titus 2:6

Taniitu ka'i wo sé mangalitou, sina'uen angé séra wosama' makakawoo tuméir in owak am baya-waya.

Titus 2:9

Musti sina'uenmu ka'i sé ata wosama' séra le'tek a sé tuang éra am baya-waya wo marui in até i tuang éra wo ra'ica toro masangkal a si tuang éra.

Ibrani 10:25

Tioo kita tumayang am pengali'usan i mengaapo', tanu ing kanaramen im paémaan é piraan tou. Taan mayoo taré kita mare'de-re'dem mengali'us mewali-wali i maapo' wosama' membém-béan angé ing kaketeran am paémanen, ampa'paan kailekanta en endo si Apo' Yesus maai sumawel makatawio.

Ibrani 13:22

Poo-poow, pekiupusenku ai camu wéanio' rékén sumama-sama' sé aisina'uku si aipatic an surat anio', ampa'paan ra'ica talos lambot.

Ibrani 3:13

Taan aweso taré kamu mensin-sina'uan angé susur in endo, ang kauré ro'napé' patuulen ‘endo anio'’. Wo in taniitu ra'ica wana ai camu eng kumeté oka in até ampa'paan kinauwakan ing kamesé-meséaanna.

1 Petrus 5:12

En surat kolek anio' aipaticku ai camu wo sinémbongan i Silas, si nianggapkuo poowku an esa paémanen. Sia itu le'tek am paémanen wo ro'na papercayan. Aipaticku en surat anio' en sumina'u wo méé kaincayaan ai camu wosama' ro'na percayan iow sapaoka sé aipaticku anio' uli-ulit abar wutul andumoro' ing kamang aitambér i Amang Kasuruan ai camu. Wo eng kamang itu musti timboian iow i mauli-ulit.

Yudas 1:20

Taan kamu é poo-poow sé icaupusku, wanguneno mangé eng katouan iow imengatuur asi paémanen iow si lume'na-le'nas. Wo sumombayango mangé maké ing kawasa i Roh Le'nas.