1 Korintus 14:16 - En Taar Weru a nunuwu' é Tontemboan

¹⁶ Ampa'paan sa kamu kumua makapulu'sama' a si Amang Kasuruan asalo mapaké i nunuwu' i roh a roh miow in esa, wo sé tou am bitu ra'ica makailek ing kaangéan i nunuwu' i roh miow itu, tantu ra'ica kiim éra kumua ‘ulit’ ampa'paan ra'ica kailekan éra eng kaangéan sé ipakua miow.

1 Korintus 14:16 ပူးပေါင်းရင်းမြစ်များ

Matius 15:36

Kekawus in itu indon-Na sé pitu roti wo sé sera' itu wo kumua makapulu'sama' wo te'bi-te'biin-Na wo yéké-Na a sé murit-Na wo yéké ka'i é murit-Na a sé tou keli.

Matius 28:20

Wo susuiano mangé séra wosama' émaan éra waya sé aiperénta-Ku ai camu. Pena'né-na'néieno mangé, Yaku kasake' ang karapi miow akar ing kaka'puan ing kayo'baan.”

Matius 6:13

Wo tioo woo iwali kami muntep am pangepé'an, taan iwekaro mai kami ang kawasa i léwo'. [Ampa'paan si Amango e makaanu ing kakolanoan wo ing kawasa, wo iparangka-rangka' akar ing kauré-uré. Ulit.’]

Markus 16:20

Kumawus ako in itu, sé murit i Yesus mangé am bisa-wisa wo mangé kumua in Abar Kaaruien andumoro' i Yesus Kristus, wo si Casuruan tumawoi mewali-wali wo tumawang iséra akar ro'na méma' in tuu-tuus kakaya'kaan, en tumuru' sapaoka en taar aicua éra itu ulit.

Yohanes 21:25

Wo keliané' ka'i en andumoro' im balina sé niéma' i Yesus. Taan sa pakasa e niéma' i Yesus itu ipatic maesa-esa, pawerotenku ra'ica kawooan ing kayo'baan e mamuat pakasa eng kitap si musti ipatic itu.

Yohanes 7:15

Sé kikiiten é agama Yahudi mangaya-ngaya'ka' luminga in sususuien i Yesus wo icua éra, “Tambisa si Tou anio' taniitu eng kakeli eng kakailekan andumoro' ing Kitap Le'nas? Si Tou anio' ra'ica sumicola tanu icita.”

Kisah Para Rasul 4:13

Wo sé tou isumidang im perkara itu mangaya'ka' an tutuw suméré si Petrus wo si Yohanes brani keli, ampa'paan kailekan éra sapaoka sé rua tou itu tou biasa wo ra'ica sumicola, wo kailekan éra sé rua tou itu makiit si Yesus.

1 Korintus 11:24

wo kumua i makapulu'sama' a si Amang Kasuruan. Wo te'bi-te'biin-Na e roti itu, icua-Na, “Si anioo en owak-Ku si aisarakan torona miow. Émaano mangé en anio' en tuma'néi Yaku!”

1 Korintus 14:14

Ampa'paan sa aku masombayang mapaké i nunuwu' i roh, e rohku ulit masombayang, taan e ngaasku ra'ica icumiit.

1 Korintus 14:2

Wo si tou maroma' mapaké i nunuwu' i Roh, sia itu ra'ica maroma' a sé tou taan maroma' a si Amang Kasuruan. Ra'ica wana esa tou ka'i e ro'na makaangé in sapa sé ipakuana, ampa'paan e Roh Le'nas méma' sia ro'na makua en andumoro' si ra'ica kailekan é tou.

1 Korintus 16:24

En upusku mewali-wali wo icamu im baya am paesaan wo si Kristus Yesus.

2 Korintus 1:20

Ampa'paan pakasa en janji i Amang Kasuruan, linekepo i Apo' Yesus. Ampa'paan in ituo icuata, “Ulit” a si Amang Kasuruan ampa'paan i Yesus Kristus. Wo icami méma' taniitu wosama' si Amang Kasuruan iparayo wo pasiriin.

Wahyu 22:20

Sia en icumua a yaku andumoro' im pakasa in anio', icua-Na, “Én, Yaku makala'us oka maai!” Ulit, mayoo, é Apo' Yesus!

Wahyu 5:14

Wo sé epat mahluk itu kumua, “Ulit!” Wo sé matu'a itu ka'i kumundu wo kumuru in sumiri'.

Wahyu 7:12

Wo icua éra, “Ulit! Irayoo mangé si Amang Kasuruan! Toronake' Sia e rarayo wo en sisiri', eng kapinteran, wo i makapulu'sama', siri', kakawasaan, wo kaketeran akar ing kauré-uré! Ulit.”