1 Korintus 14:12 - En Taar Weru a nunuwu' é Tontemboan

¹² Tanu siituo ka'i kamu in esa, kamu irumaméjio makéré ing kamang tatambér i Roh Le'nas. Taan eng kumataré-taré kamu musti rumaméji maké ing kamang tatambér itu e méé ing kaketeran im paémanen a sé jamaat.

1 Korintus 14:12 ပူးပေါင်းရင်းမြစ်များ

Roma 14:19

Ampa'paano in itu mayoo kita rumaméji mengaéma' andumoro' ing kaeluran wo membém-béan angé ing kaketeran im paémanen si esa wo si esa.

1 Korintus 12:31

Ampa'paan in itu, rumaméjio mauli-ulit wosama' e Roh i Amang Kasuruan méé mai ing kamang tatambér si uli-ulit awéan wééna ai camu. Intarépé' icuaku oka ai camu en lalan lumoo-loor torona miow.

1 Korintus 12:7

Kita esa wo si esa winéano mai kamang aitambér i Roh e méma' sapa sé awéan en torona a sé pakasa in tou.

1 Korintus 14:1

Poo-poow, musti raméjin iow mengaupus a sé tou walina. Musti raméjin iow ka'i makéré ing kamang tatambér asi Roh Le'nas owo, eng kataré-taré kamang tatambér makua in taar i Amang Kasuruan.

1 Korintus 14:13

Ampa'paan in ituo, si tou maroma' mapaké i nunuwu' i Roh, sia musti sumombayang a si Amang Kasuruan wosama' sia ro'na tambéranai ing kamang makua ing kaangéan i nunuwu' i Roh itu.

1 Korintus 14:26

Anaé é poo-poow, sapa eng kaangéan im pakasa in itu? An tutuw iow mali'us mewali-wali i maapo', awéan sé tou makantar ing kakantaren marayo si Amang Kasuruan, awéan sé tou masusui, awéan sé tou makua i nunuwu' i Amang Kasuruan, awéan sé tou maroma' mapaké i nunuwu' i roh, wo awéan ka'i sé matutur ing kaangéan i nunuwu' i roh itu. Musti émaan iow pakasa en itu en sumusui wo torona ing kalooran iow im baya.

1 Korintus 14:5

Arui aku sa kamu im baya ro'na manuwu' a nunuwu' i Roh. Taan lébépé' loor ka'i sa kamu ro'na makua i nunuwu' i Amang Kasuruan. Ampa'paan si tou makua i nunuwu' i Amang Kasuruan en lébépé' awéan katoronaan wopé'taré si tou maroma' mapaké i nunuwu' i Roh si ra'ica kaangéan é jamaat. Taan sa si tou maroma' mapaké i nunuwu' i Roh wo ituturna sapa eng kaangéan i nunuwu' itu, en itu awéan katoronaan a sé jamaat.

Titus 2:14

Aiwéé-Nao en owak-Na mamuali raragés en tumu'bus waya ing kaléwo-léwo'anta wo émaan-Na kita mamuali tou-Na le'nas wo re'dem mengaéma' in loor.