1 Korintus 14:1 - En Taar Weru a nunuwu' é Tontemboan

¹ Poo-poow, musti raméjin iow mengaupus a sé tou walina. Musti raméjin iow ka'i makéré ing kamang tatambér asi Roh Le'nas owo, eng kataré-taré kamang tatambér makua in taar i Amang Kasuruan.

1 Korintus 14:1 ပူးပေါင်းရင်းမြစ်များ

Roma 12:6

Taniituo ka'i kita makaanu membam-balinaan kamang si aitambér i Amang Kasuruan iciit in upus aitambér-Na ai cita. Sa eng kamang aitambér-Na ai cita itu e makua i nunuwu'-Na a sé tou, musti icuata en Taar-Na itu kiit im paémanenta ai Sia.

Roma 14:19

Ampa'paano in itu mayoo kita rumaméji mengaéma' andumoro' ing kaeluran wo membém-béan angé ing kaketeran im paémanen si esa wo si esa.

Roma 9:30

Anaé, ro'na icuata in tana'i: Sé tou walina sé ra'ica Yahudi ra'ica rumaméji nianggap wutul i Amang Kasuruan, taan séra nianggap-Na wutul ampa'paan séra maéman a si Yesus.

1 Korintus 12:1

Poo-poow, intarépé' icasalé'ku kumua andumoro' ing kamang sé aitambér i Roh Le'nas. Icasalé'ku kailekan iow ang karapi im butul sé andumoro' in itu.

1 Korintus 12:31

Ampa'paan in itu, rumaméjio mauli-ulit wosama' e Roh i Amang Kasuruan méé mai ing kamang tatambér si uli-ulit awéan wééna ai camu. Intarépé' icuaku oka ai camu en lalan lumoo-loor torona miow.

1 Korintus 13:13

Anaé, intarépé' awéan telu hal si kasake' émaanta: maéman, mengaarap wo meupu-upusan. Taan si penting keli asé telu itu meupu-upusan.

1 Korintus 13:2

Mandé ka'i aku tinambéranai ing kamang eng kumua in taar i Amang Kasuruan, makailek im pakasa sé paene-enep, makaanuo waya ing kakailekan, wo makaanu im paémanen lumeke-lekep e ro'na méra ing kuntung, taan sa aku ra'ica mengaupus sé tou walina, yaku uli-ulit ra'ica wana torona.

1 Korintus 14:22

Anaé tana'i: Sa awéan tou tinambéranai ing kamang maroma' mapaké i nunuwu' i roh, en itu tanu tuus ing kawasa i Amang Kasuruan a sé tou sé ra'ica maéman, ra'ica a sé tou maéman. Taan awéan tou tinambéranai ing kamang makua i nunuwu' i Amang Kasuruan, en itu tanu tuus ing kawasa i Amang Kasuruan a sé tou maéman, ra'ica a sé tou sé ra'ica maéman.

1 Korintus 14:37

Sa awéan tou makapendam makaanu ing kamang tatambér mamuali nabi kuma'pa tatambér walina i Roh, musti kakailekanna sapaoka sé aipaticku anio' uli-ulit perénta i Apo' Yesus.

1 Korintus 14:39

Ampa'paano in itu é poo-poowku, rumaméjio mauli-ulit wosama' kamu ro'na tambéranai ing kamang makua i nunuwu' i Amang Kasuruan, wo tioo pengapéron sé tou tinambéranai ing kamang maroma' i nunuwu' i roh.

1 Korintus 16:14

Wo émaan iow pakasa en tawoien ang karapi ing kaupusan.

Efesus 1:3

Irayoo mangé si Amang Kasuruan, Amang i Apo'ta Yesus Kristus! Si Amang Kasuruan itumambéro mai ai cita pakasa ing kamang sé an sorga owo, ampa'paan kita meesao wo si Kristus.

1 Tesalonika 5:20

Wo tioo pengaepesen iow im beren e nunuwu' i Casuruan sé aicuao é nabi ai camu.

1 Timotius 4:14

An tutuw sé penatua an jamaat maro ing kama ai co e mutus ico, séra makéréo i nunuwu' asi Casuruan owo. Wo e nunuwu' itu andumoro' ing kamang aitambér-Na ai co. Anaé, pakéno mangé sumama-sama' en tatambér si aiwéé i Roh Le'nas itu.

1 Timotius 5:10

wo kailekan ka'i é tou sapaoka sia matawoi in loor tanumai: pengaurusenna in sama' sé toyaangna, pengasungkulenna in sama' sé tou mengaai am baléna, pengaselewiranna in sama' sé tou maéman wo pengatawangenna sé tou ang kasusaan wo mengéma-ngéma' in loor a sé pakasa in tou.

1 Timotius 6:11

Taan ko é Timotius, ico tou i Amang Kasuruan, tumayango mangé ko asé pakasa ing kaléwo-léwo'an. Rumaméjio mangé ko kumiit sé anio': tioo mengarapit, mengaapo' mangé makiit ing kasalé'an-Na, le'tek maéman a si Yesus, mengaupus sé kakélé tou, talesen mengasaru ing kasusaan wo ko'kos en até.

2 Timotius 2:22

Ampa'paan ituo, tumayango mangé ko asé kasalé-salé'an sé manaram pengaémaan é tou wo'bas. Taan ko rumaméji mangé mengaéma' in tana'i: Ra'ica mengarapit, lume'tek angé a si Casuruan, mengaupus angé sé kakélé in tou wo menonou angé elur wo sé kakélé tou. Émaano mangé waya en itu mewali-wali wo sé pakasa in tou sé maémano a si Casuruan ang karapi in até weresi.

Ibrani 12:14

Rumaméjio menonou meelu-eluran ang karapi é pakasa in tou, wo rumaméji ka'i menonou le'nas. Ampa'paan sa si tou ra'ica menonou le'nas, sia ra'ica suméré si Amang Kasuruan sa.

2 Petrus 1:7

Wo menonou le'tek a si Amang Kasuruan musti awesan iow ka'i ang karapi i mengaupus a sé poo-poow esa paémanen. Wo asi mengaupus a sé poo-poow esa paémanen musti awesan iow ka'i ang karapi i mengaupus sé kakélé in tou.

3 Yohanes 1:11

Poowku Gayus si icaupusku. Tioo ko mengaandé andumoro' sapa si léwo', taan mengaandé mangé sapa si loor. Si séi e mengaéma' in loor, sia itu asi Amang Kasuruan owo. Taan si séi e mengaéma' in léwo', sia ra'ipé' makatuus si Amang Kasuruan.