1 Korintus 13:6 - En Taar Weru a nunuwu' é Tontemboan

⁶ Sia ra'ica arui sa sé tou walina mengaéma' ing kaléwo'an, taan sia arui sa sé tou mengaéma' im butul an dior i Casuruan.

1 Korintus 13:6 ပူးပေါင်းရင်းမြစ်များ

Matius 18:13

Wo sa si domba itu kinéréannao, en ulitna icua-Ku mangé ai camu, eng kaaruianna asi esa domba itu lumébémai wo ing kaaruianna a sé siow ngapulu' siow dombana sé ra'ica icatala itu.

Lukas 22:5

Arui keli séra en luminga im pawasa-wasan i Yudas wo séra meroma' wo puséén éra e méé roit ai sia.

Roma 1:32

Kailekan éra, sa kumiit in ukum i Amang Kasuruan sé tou mengaéma' in tanu siitu patus ukumen patén. Taan séra mengaéma'ke' taré andumoro' in itu wo ka'i paénan érake' taré sé tou walina sé maéma' in tanu siitu.

Roma 12:9

Mengaupus angé sé kakélé tou ang karapi in lekep en até. Tumayango mangé ang kaléwo-léwo'an, wo mengéma-ngéma'o mangé sé loor.

Filipi 1:18

Taan ra'ica sapa-sapa! Ampa'paan mandé ka'i tambisa, en Abar Kaaruien aicuao éra a sé tou. Pakua éra en Abar itu ang karapi im pawasan ra'ica loor kuma'pa im pawasan i lekep en até, em penting keli si Kristus ipakuao a sé tou. Siituo e méma' in atéku arui. Wo ka'i yaku kasake' arui,

Filipi 1:4

Wo susurku in sumombayang torona icamu im baya, ipasombayangku ang karapi in arui en até.

Filipi 3:18

Icuaku in taniitu, ampa'paan awéan e mangémai akar en atéku wendu keli. Tanu sé makakeli-kelio aicuaku ai camu ang karapi i maamé', ita'néiku ai camu sapaoka intarépé' keli tou imangaku séra makiit si Kristus, taan séra ra'ica menonou makiit in sususuien i Kristus si maté ang kayu salip en tumu'bus ing kamesé-meséaanta!

2 Tesalonika 2:12

Niéma' i Amang Kasuruan in taniitu wosama' pakasa sé tou sé ra'ica kiim maéman in abar wutul andumoro' i Apo' Yesus wo masalé'ke' maéma' in léwo', séra itu ukumen.

2 Yohanes 1:4

Yaku arui keli ampa'paan kinailekankuo sapaoka awéané' sé toyaang i inang e menonou makiit in sususuien wutul, meputé wo si aiperénta i Amang ai cita.