1 Korintus 13:12 - En Taar Weru a nunuwu' é Tontemboan

¹² Intarépé', si Amang Kasuruan ra'ipé' katuusanta wutul, kaputé kita makaséré an cermin cumewuro, taan maai oka en témpona katuusanta oka Sia ang karapi im butul tanu kita menséréan en amo. Wo intarépé' andumoro' Sia ra'ipé' talos katuusanku, taan katuusanku oka Sia ang karapi i makakii-kiit, kaputé aku in esa wutul katuusan-Na.

1 Korintus 13:12 ပူးပေါင်းရင်းမြစ်များ

Matius 18:10

“Ta'néien iow sumama-sama'! Tioo paepesen iow im beren sé toyaang teké' anio', ampa'paan itu icua-Ku mangé ai camu, séra itu awéan malaékat makatéir sé tatap mengapaar a si Amang-Ku an sorga. [

Matius 5:8

Pakakamangen sé tou le'nas en aténa, ampa'paan séra suméré oka si Amang Kasuruan.

Yohanes 10:15

meputé si Amang makatuus Yaku wo ka'i si Amang katuusan-Ku. Wo isarakan-Ku en owak-Ku a sé domba-Ku.

Roma 8:18

Émanenku sapaoka eng kawenduan pasangkumenta intarépé', ra'ica ro'na ipeputé wo i rarayo wo in sisiri' si iwéé oka ai cita asi endo mengangai.

1 Korintus 13:11

An tutuwku in toyaangé', em pakanuwu'ku tanupé' im pakanuwu' é toyaang, em papendamenku tanupé' sé toyaang, em pakawerotku tanupé' sé toyaang. Taan an tutuwku imawangkoo, itela'uku em peri in toyaangé' itu.

1 Korintus 8:3

Taan sa si tou mengaupus si Amang Kasuruan, tantu sia katuusan oka i Amang Kasuruan.

2 Korintus 3:18

Intarépé' en amota im baya ra'io pakatutuwan ing kaéng wo icita masendot in télang i Casuruan. Wo ampa'paano in itu icita peroba-roban mamuali tanu Sia, menguré-uré icita makatélango. Eng katélang itu asi Casuruan owo, Siao e Roh.

2 Korintus 5:7

Icami menonou kumiit im paémanen ami a si Kristus, ra'ica kumiit sapa si kinaséréan ami,

Filipi 3:12

Yaku ra'ica kumua sapaoka eng katouanku mamualio kaputé ing katouan i Kristus Yesus kuma'pa eng katouanku makakii-kiito. Taan aku tatap rumaméji wosama' aku ro'na menonou kaputé ing katouan-Na ampa'paan yaku sinisir-Nao mamuali anu-Na.

Yakobus 1:23

Si tou asaloke' iluminga in Taar i Casuruan taan ra'ica pengaémaanna, sia itu tanuoka si tou ruma'da ing giona an dior in cermin,

1 Yohanes 3:2

Poo-poow sé icaupusku, intarépé' kita toya-toyaang i Amang Kasuruan, taan ra'ipé' kailekanta tuu tambisa e mamuali ai cita sa. Taan eng kailekanta, an tutuw i Kristus maai sumawel, kita mamuali oka tanu Sia wo wutu-wutul kaséréanta oka en owak-Na.

Wahyu 22:4

Wo sérén oka éra eng gio-Na, wo an tuintung éra patican oka i ngaran-Na.