1 Korintus 12:12 - En Taar Weru a nunuwu' é Tontemboan

¹² Si Kristus ro'na yandé tanu in owak. En owak wayake' in esa taan sé an owak kelian. Pakasa sé an owak itu membam-balinaan taan en owak wayake' in esa.

1 Korintus 12:12 ပူးပေါင်းရင်းမြစ်များ

1 Korintus 10:17

Ampa'paan e roti wayake' in esa wo kita im baya icumano asi roti esa itu wo kita sé kelian anio' imamualio esa owak.

1 Korintus 12:20

Wutul kelian membam-balinaan sé an owak, taan en owak wayake' in esa.

1 Korintus 12:27

Kamu im baya tanu owak i Kristus wo icamuo si esa wo si esa sé an owak-Na itu.

1 Korintus 12:7

Kita esa wo si esa winéano mai kamang aitambér i Roh e méma' sapa sé awéan en torona a sé pakasa in tou.

Galatia 3:16

Taniitu ka'i wo im pakasa in janji i Amang Kasuruan si aicuao a si Abraham wo a si taranakna. An tutuw en janji-Na itu niéma', ra'ica aicua “a sé tarana-taranakmu” en tumuru' a sé tou keli, taan aicua “a si taranakmu” si tumuru' asi esa tou, Siao si Kristus.

Efesus 1:23

Sé jamaat ayandé tanu in owak i Kristus. Siao e méma' sé jamaat makaleke-lekep, meputé Sia en lumekep im baya-waya sé awéan am bisa-wisa.

Efesus 4:12

Sé kamang itu aiwéé i Kristus wosama' sé tou le'nas makawoo mengaéma' in tawoien torona i Amang Kasuruan, wo tanu in owak i Kristus, kita ro'na makaketer am paémanen,

Efesus 4:4

Kita sé maémano a si Kristus imamualio esa owak wo makaanu esa Roh, wo ka'i makaanu esa paarapen. Em paarapen itu aiwéé i Amang Kasuruan an tutuwta tinowa-Na e maéman.

Efesus 5:23

Ampa'paan si tuama icumawéngo mamuali kapala i wéwéné kinawéngna, wo puté si Kristus mamuali kapala é jamaat. Siao en lumowir sé jamaat, si mamuali owak-Na.

Efesus 5:30

ampa'paan kita anio' anggota-anggota in owak i Kristus.

Kolose 1:18

Siao si capala matu'tul sé jamaat, kaputé in do'kos si makakawasa in owak. Anaé, Siao en lébé penting wo im baya-waya, ampa'paan Siao si luluna, si kataré-taré tinou sumawel an uner é tou imatéo.

Kolose 1:24

Intarépé' aku arui ampa'paan ro'na mendamai ing kawenduan torona ing kalooran iow. Wo eng kawenduan anio' musti pendamen in owakku tanu in lumekep ing kawenduan si musti wuléngen woo i Kristus torona in owak-Na siituo sé jamaat-Na.

Kolose 2:19

En ulitna si tou tanu siitu ra'ica mengamangén asi Kristus si capala é pakasa in tou. Si Kristus itu tanu ro'kos si mengatu'tul waya in owak sé pineesa i no'at wo im buku-wuku, wosama' en owak-Na makaketer kumiit ing kasalé'an i Amang Kasuruan.

Kolose 3:15

Iwayao mio' en até wo em pemero-meroten iow kawasan ing kaeluran si aiwéé mai i Kristus. Ampa'paan si Amang Kasuruan tumowao icamu mamuali tanuoka esa owak wosama' kamu si esa wo si esa menonou ang kaeluran. Wo ka'i mengawéé mangé i makapulu'sama' a si Amang Kasuruan.