1 Korintus 12:11 - En Taar Weru a nunuwu' é Tontemboan

¹¹ Pakasa en itu niéma' i Roh Le'nas si wayake' in esa wo si meputé. Si esa wo si esa tou winéan-Na mai kamang aitambér sé membam-balinaan kumiit ing kasalé'an i Roh.

1 Korintus 12:11 ပူးပေါင်းရင်းမြစ်များ

Matius 11:26

O Amang, siituo e iméma' in até i Amang arui.”

Matius 20:15

Si séi e méro yaku e maké in doitku in esa kumiit ing kasalé'anku? Kuma'pa panganatenmu réén ampa'paan aku tumuru' ing kalooranku a sé tou anio'?’

Yohanes 3:27

Isowat i Yohanes ai séra, “En tou ra'ica toro tumerima in sapa-sapa sa ra'ica aiwéé i Amang Kasuruan ai sia.

Yohanes 3:8

Si esa wo si esa tou si tumou asi Roh i Amang Kasuruan, ra'ica makailek tambisa e Roh-Na itu matawoi. En itu ro'na ipeputé wo in deges si mengareges am bisa-wisa wo téngéna ke' si ro'na kalingaanmu taan ra'ica kailekanmu am bisa owo en deges itu imai wo am bisa en angéanna.”

Yohanes 5:21

Si Amang tumou sumawel sé tou imaté wo émaan-Na séra menonou akar ing kauré-uré. Taniitu ka'i Aku Toyaang-Na, si séike' en icasalé'-Ku, émaan-Ku oka sia menonou akar ing kauré-uré.

Roma 12:6

Taniituo ka'i kita makaanu membam-balinaan kamang si aitambér i Amang Kasuruan iciit in upus aitambér-Na ai cita. Sa eng kamang aitambér-Na ai cita itu e makua i nunuwu'-Na a sé tou, musti icuata en Taar-Na itu kiit im paémanenta ai Sia.

Roma 9:18

Anaé, si Amang Kasuruan itumuru' ing kaupusan a si séike' sé icasalé'-Na, wo Sia ka'i méma' sé tou mamuali keté ro'kos a si séike' sé icasalé'-Na.

1 Korintus 12:18

Taan si esa wo si esa sé an owak winéano i Amang Kasuruan tampa an owak, kumiit ing kasalé'an-Na.

1 Korintus 12:4

Membam-balinaan eng kamang aitambér i Roh Le'nas, taan em pakasa itu aiwéé i esa Roh.

1 Korintus 12:6

Wo ka'i membam-balinaan em pakatawoi si tawoien asi Amang Kasuruan owo, taan wayake' in esa si Amang Kasuruan si méé mai ing kawooan a sé tou en tumawoi in itu.

1 Korintus 7:17

Aweso taré si esa wo si esa tou melur ing katouan in esa tanu si aitantuo i Amang Kasuruan ai sia, si katouanna maéman a si Kristus an tutuw tinowa i Amang Kasuruan. Si anioo em pasusuiku am pakasa in jamaat.

1 Korintus 7:7

En ulitna lébé icasalé'ku woo pakasa en tou meputé wo yaku. Taan si Amang Kasuruan itumambéro mai ing kamang a sé tou esa wo si esa ra'ica pineputé, si esa winéanai sia'i, sé walina ka'i winéanai siitu.

2 Korintus 10:13

Taan kami ra'ica tanu siitu. Ra'ica kiim ami marayo sé ang kesot in tawoien si aiwééo ai cami. Kami asalo mengarayo in tawoien si aitantuo i Amang Kasuruan ai cami. Wo kamu sé tou Korintus icauntepo an tawoien ami.

Efesus 1:11

Si Amang Kasuruan en tumu'tul im baya-waya kumiit ing kasalé'an wo im pinusé'-Na in esa. Wo ra'ipé' niéma'-Na eng kayo'baan kita sinisir-Nao, wosama' ro'na terimanta sapa sé aijanji-Nao iwéé ai cita ampa'paan kita imeesao ang karapi i Kristus.

Efesus 4:7

Mandé ka'i kita meesao, taan kita si esa wo si esa tinambérano mai membam-balinaan eng kamang kiit sapa si casalé' i Kristus.

Ibrani 2:4

Wo eng kasairian é tou itu kineter i Amang Kasuruan, ampa'paan séra winéan-Na kawooan iméma' in tuu-tuus wo membam-balinaan kakaya'kaan wo kawasa-kawasa wangko' wo mengawéténg in tatambér si aiwéé i Roh Le'nas kumiit ing kasalé'an i Amang Kasuruan in esa.

Yakobus 1:18

Kita niéma'-Na mamuali toya-toyaang-Na ang karapi in Taar wutul kumiit ing kasalé'an-Na. En itu icasalé'-Na wosama' kita mamuali wuéna kataré-taré asé im pakasa sé niéma'-Na.