1 Korintus 12:10 - En Taar Weru a nunuwu' é Tontemboan

¹⁰ Wo a si tou walina winéanai i Roh, kamang aitambér e mengaéma' ing kakaya'kaan, a sé tou walina winéan-Na mai kamang aitambér eng kumua in Taar i Amang Kasuruan. A sé tou walina ka'i winéan-Na mai kamang aitambér e makailek si wisa en taar aicua i Roh i Amang Kasuruan wo si wisa en aicua i roh léwo'. Awéan ka'i sé winéan-Na mai kamang aitambér e maroma' i nunuwu' i roh, wo sé walina ka'i winéan-Na mai kamang aitambér e makawoo in tumutur ing kaangéan i nunuwu' i roh itu.

1 Korintus 12:10 ပူးပေါင်းရင်းမြစ်များ

Markus 16:17

Sia'io en tuusna sé tou maéman a Yaku: Séra musér oka sé sétang maké i ngaran-Ku, rumoma' oka maké i nunuwu' walina si ra'ipé' sumangkum ako kailekan éra.

Markus 16:20

Kumawus ako in itu, sé murit i Yesus mangé am bisa-wisa wo mangé kumua in Abar Kaaruien andumoro' i Yesus Kristus, wo si Casuruan tumawoi mewali-wali wo tumawang iséra akar ro'na méma' in tuu-tuus kakaya'kaan, en tumuru' sapaoka en taar aicua éra itu ulit.

Lukas 24:49

Wo iwéé-Ku oka ai camu e Roh Le'nas si aijanjio i Amang-Ku indior. Taan kamu musti mento' owo ang kota anio' akar kamu wutan ing kawasa i Roh Le'nas asi Amang Kasuruan owo.”

Yohanes 14:12

En ulitna icua-Ku mangé ai camu, si séike' si maéman a Yaku, émaanna oka ka'i en tuu-tuus kakaya'kaan si meputé wo sé niéma'-Ku. Wo ka'i ro'na kaémaan-Na sé tuu-tuus kakaya'kaan sé wangko' mai wo sé niéma'-Ku itu, ampa'paan Aku maangém a si Amang-Ku.

Yohanes 16:13

Taan sa Sia maai, Siao e Roh si tumuru' in sususuien wutul i Amang Kasuruan, isusui-Na oka ai camu akar kailekan iow pakasa sé sususuien wutul andumoro' i Amang Kasuruan. Ampa'paan Sia ra'ica kawisa mengaroma' makiit im bewerot-Na in esa, taan Sia maroma' kumiit sapa sé lininga-Na. Wo icua-Na oka ka'i ai camu andumoro' in sapa sé mamuali sa.

Kisah Para Rasul 1:8

Taan an tutuw i Roh Le'nas tumumpa mai ai camu, kamu makéré oka kawasa. Wo kamu mamuali oka sairi andumoro' Yaku an Yerusalem, am pakasa in Yudea wo an Samaria wo akar an tempok ing kayo'baan.”

Kisah Para Rasul 11:27

Asi témpo itu, awéan piraan nabi an Yerusalem owo mai an Antiokhia.

Kisah Para Rasul 11:28

Esaan ai séra si makangaran Agabus pinaké i Roh Le'nas. Sia tumulung wo kumua, “Mai oka en témpona am pakasa ing kayo'baan tenan oka ing kaareman wangko'.” Wo eng kamamualian itu mamuali ka'i an jaman i Klaudius.

Kisah Para Rasul 19:6

Wo an tutuw i Paulus maro ing kama an dangka' in do'kos éra, e Roh Le'nas tumumpa mai ai séra. Wo séra tumo'tolo maroma' a nunuwu' i roh wo ipakua éra en taar i Amang Kasuruan a sé tou am bitu.

Kisah Para Rasul 5:3

Wo icua i Petrus, “Ananias, kéitu réén en atému kinawasa i kikiiten é sétang? Ico tumowoo a si Roh Le'nas wo tinangmuke' si sangaperua im bééna in tana' itu.

Roma 12:6

Taniituo ka'i kita makaanu membam-balinaan kamang si aitambér i Amang Kasuruan iciit in upus aitambér-Na ai cita. Sa eng kamang aitambér-Na ai cita itu e makua i nunuwu'-Na a sé tou, musti icuata en Taar-Na itu kiit im paémanenta ai Sia.

Roma 15:19

wo en tuu-tuus kakaya'kaan sé niéma'ku maké ing kawasa i Roh Le'nas. En Abar Kaaruien andumoro' i Yesus Kristus itu aicuakuo waya a sé tou, tumo'tolai an Yerusalem akar an Ilirikum.

1 Korintus 11:4

Sa si esa tuama masombayang kuma'pa makua in taar i Amang Kasuruan an dior é tou keli wo makungkung in do'kos, sia suméroo si Kristus si capalana.

1 Korintus 13:8

En upus itu awéan akar ing kauré-uré. Taan eng kamang tatambér e makua in taar i Amang Kasuruan icatala oka. Wo eng kamang tatambér maroma' i nunuwu' i roh catala oka. Wo sé kakailekan catala oka.

1 Korintus 14:13

Ampa'paan in ituo, si tou maroma' mapaké i nunuwu' i Roh, sia musti sumombayang a si Amang Kasuruan wosama' sia ro'na tambéranai ing kamang makua ing kaangéan i nunuwu' i Roh itu.

1 Korintus 14:39

Ampa'paano in itu é poo-poowku, rumaméjio mauli-ulit wosama' kamu ro'na tambéranai ing kamang makua i nunuwu' i Amang Kasuruan, wo tioo pengapéron sé tou tinambéranai ing kamang maroma' i nunuwu' i roh.

Galatia 3:5

Si Amang Kasuruan mééo mai i Roh Le'nas-Na ai camu ang karapi i mawuta-wuta, wo iméma'o ing kakaya'kaan an uner iow. Niéma' réén i Amang Kasuruan en itu ampa'paan kamu mengaéma' in ukum Torat? Tantu ra'ica. Taan ampa'paan kamu iluminga in Abar Kaaruien wo maéman a si Kristus.

1 Tesalonika 5:20

Wo tioo pengaepesen iow im beren e nunuwu' i Casuruan sé aicuao é nabi ai camu.

Ibrani 2:4

Wo eng kasairian é tou itu kineter i Amang Kasuruan, ampa'paan séra winéan-Na kawooan iméma' in tuu-tuus wo membam-balinaan kakaya'kaan wo kawasa-kawasa wangko' wo mengawéténg in tatambér si aiwéé i Roh Le'nas kumiit ing kasalé'an i Amang Kasuruan in esa.

1 Yohanes 4:1

Poo-poow sé icaupusku, ra'ica toro percayan iow sé im pakasa in tou sé mangaku sa séra awéan Roh i Amang Kasuruan. Taan aweso taré ujin owo mio' séra wosama' ro'na kakailekan sa e Roh ai séra itu uli-ulit asi Amang Kasuruan owo. Ampa'paan kelian nabi ra'ica wutul imapaturu'o wo isumeraro ang kayo'baan anio'.

Wahyu 2:2

Kailekan-Ku sapa sé niéma' miow, kamu tumawoio mai in uter ang kerapi ing kale'tekan. Kailekan-Ku ka'i kamu ra'ica talesen makaséré sé tou léwo'. Tini'tiro miow sé tou sé makua sapaoka séra ruru'du'an, taan en ulitna ra'ica tanu siitu, wo kinailekano miow séra itu kotowo.