1 Korintus 11:6 - En Taar Weru a nunuwu' é Tontemboan

⁶ Sa si esa wéwéné ra'ica kiim kumungkung in do'kos, aweso taré guntingenna em buukna. Taan sa em buukna kinunting kuma'pa lina'ngaso, en itu mapalawi'o isia. Anaé, aweso taré sia maké im pakungkung in do'kos.

1 Korintus 11:6 ပူးပေါင်းရင်းမြစ်များ

Kisah Para Rasul 18:18

Si Paulus mento'pé' ka'i piraan ngando ang Korintus. Wo sia mekiupus en tumela'u sé poo-poow maéman am bitu wo suméngkot angé an sangkum in Siria mewali-wali wo si Priskila wo si Akwila. Ra'ipé' mangé am bitu, si Paulus kumunting im buukna akar i mala'ngas ang kota Kengkera. Sia méma' in taniitu e mamuali tuus in janjina indior a si Amang Kasuruan, niéma'nao.

1 Korintus 11:5

Wo sa si esa wéwéné masombayang kuma'pa makua in taar i Amang Kasuruan wo ra'ica kumungkung in do'kos, sia isuméroo si penanaanna si capalana. Ampa'paan si wéwéné ra'ica makakungkung in do'kos sia imapalawi'o in owakna in esa tanu sé wéwéné lina'ngas em buukna.

1 Korintus 11:7

Sé tuama ra'ica sangali kumungkung in do'kos, ampa'paan sé tuama itu mengaturu' im peri wo ing kawangko' i Amang Kasuruan. Taan sé wéwéné makungkung in do'kos, ampa'paan sia maturu' ing kawangko'an é tuama.