1 Korintus 11:5 - En Taar Weru a nunuwu' é Tontemboan

⁵ Wo sa si esa wéwéné masombayang kuma'pa makua in taar i Amang Kasuruan wo ra'ica kumungkung in do'kos, sia isuméroo si penanaanna si capalana. Ampa'paan si wéwéné ra'ica makakungkung in do'kos sia imapalawi'o in owakna in esa tanu sé wéwéné lina'ngas em buukna.

1 Korintus 11:5 ပူးပေါင်းရင်းမြစ်များ

Lukas 2:36

Awéan ka'i am bitu esa nabi wéwéné matu'ao, e ngaranna Hana, toyaang i Fanuel an suku Asyer owo. Makakawéng ako, sia menonou mewali-wali wo si penanaanna pitu ngata'un eng kauré,

Kisah Para Rasul 2:17

‘Asi endo-endo kaka'puan, itumpa-Ku oka e Roh-Ku a sé pakasa in tou. Sé toyaang iow tuama wo wéwéné kumua oka i nunuwuun-Ku a sé tou. Sé mangalitou wo mangala'un makéré oka papaturu'an wo sé matu'a makéré oka pangipin.

Kisah Para Rasul 21:9

Sia makatoyaang epat mangala'un. Sé toyaangna itu tinambéranai kamang i Amang Kasuruan e mengakua i nunuwu'-Na.

1 Korintus 11:4

Sa si esa tuama masombayang kuma'pa makua in taar i Amang Kasuruan an dior é tou keli wo makungkung in do'kos, sia suméroo si Kristus si capalana.

1 Korintus 11:6

Sa si esa wéwéné ra'ica kiim kumungkung in do'kos, aweso taré guntingenna em buukna. Taan sa em buukna kinunting kuma'pa lina'ngaso, en itu mapalawi'o isia. Anaé, aweso taré sia maké im pakungkung in do'kos.

1 Korintus 14:34

Meputé sé pengaémaan é tou le'nas am pakasa in jamaat, si wéwéné makapeneso mio' an tutuw i mali'us mewali-wali wo sé jamaat i maapo'. Séra ra'ica winéan kaloasan e rumoma'. Séra musti kumuru' in owak, tanu si aipatic an ukum Torat.