1 Korintus 11:32 - En Taar Weru a nunuwu' é Tontemboan

³² Taan sa kita ukumen i Amang Kasuruan, em peangé-angénna en sumusui ai cita e méma' im butul, wosama' kita ra'ica makéré in ukuman akar ing kauré-uré an tutuw Sia mukum sé tou ang kayo'baan sé ra'ica makatuus Sia.

1 Korintus 11:32 ပူးပေါင်းရင်းမြစ်များ

Roma 3:19

Taan intarépé' kailekanta sapaoka pakasa sé aipatic an ukum Torat, torona é tou sé menonou pakakawasan in ukum Torat. Wo in taniitu ra'ica wana mandé esake' tou e ro'na méé alasan sapaoka en owakna wutul, anaé pakasa en tou ang kayo'baan meséa' an dior i Amang Kasuruan.

Roma 5:16

Wo em buéna ing kamang aitambér i Amang Kasuruan itu ra'ica puté wo ing kasiwakan ing kamesé-meséaan niéma' i Adam. Ampa'paan ing kameséaan i esa tou, akar pakasa en tou meséa'o akar patus makéré ukuman asi Amang Kasuruan. Taan ampa'paan ing kaupusan i Amang Kasuruan akar sé tou maéma' ing kamesé-meséaan ro'na anggapen-Na wutul an dior-Na.

1 Korintus 1:20

Sa taniitu, sapa en torona é tou awéan kapinteran? Wo sapa en toronana sé tou makailek wutul in Torat? Wo sapa en torona sé tou pandéi ang kayo'baan anio' sé masalé' masundur i nunuwu' é tou walina? En ulitna aituru'o i Amang Kasuruan sapaoka eng kapinteran é tou pandéi itu ra'ica wana torona.

1 Korintus 1:21

Ampa'paan mandé tambisa eng kapinteran é tou ang kayo'baan, ra'ica makawoo makatuus si Amang Kasuruan sa asalo maké ing kapinteran in esa. Taan ampa'paan ing kapinteran i Amang Kasuruan, pinusé'-Nao en lumowir sé tou maéman ai Sia kumiit in abar ipakua-kua ami. En abar itu, paanggapen é tou ra'ica maéman a si Yesus, abar ra'ica wana torona.

1 Korintus 11:30

Ampa'paano in itu, kelian tou an jamaat iow sumakit wo lembi wo awéan ka'i sé imaté.

1 Korintus 11:31

Taan sa niujita owo en owakta, kita ra'ica ukumen i Amang Kasuruan.

1 Korintus 11:33

Ampa'paan in ituo é poo-poowku maéman, sa kamu mali'usai eng kuman am perjamuan, musti entoon owo sé walina wo kamu kuman mewali-wali.

1 Timotius 1:20

An uner éra awéan si Himeneus wo si Aleksander. Séra in dua itu aisarakankuo a si kikiiten é sétang. Niéma'ku in taniitu wosama' séra mape'dis e maojat i ngaran i Amang Kasuruan.

1 Yohanes 5:19

Kailekanta sa kita anio' asi Amang Kasuruan owo, wo pakasa sé ang kayo'baan anio' pakakawasaan i kikiiten é sétang.

Wahyu 3:19

Sé tou sé icaupus-Ku, sérao sé romaan-Ku wo samboken-Ku. Ampa'paan in itu maincaya'o mangé sumawel wo mape'diso.