1 Korintus 11:23 - En Taar Weru a nunuwu' é Tontemboan

²³ Aisusuikuo ai camu indior andumoro' ing kaangéan im Perjamuan Le'nas. Wo sapa sé aisusuiku itu tinerimaku asi Apo' Yesus. An tutuw i Apo' Yesus wo sé murit-Na makan mewali-wali asi wengi Sia isarakan, indon-Na e roti,

1 Korintus 11:23 ပူးပေါင်းရင်းမြစ်များ

Matius 26:17

Asi endo kataré in endo wangko' Roti Ra'ica Rinagian, sé murit i Yesus mai ai Sia wo mamuéi, “Guru, am bisa réén en icasalé' i Guru tu'tulan ami ing kakanen Paska torona i Guru?”

Matius 26:2

“Kailekan iow, en endo wangko' Paska waya oka i rua ngando wo si Toyaang i Tou isarakan oka in salipen.”

Matius 26:34

Wo icua i Yesus ai sia, “En ulitna icua-Ku ai co é Petrus, asi wengi anio', ra'ipé' kumukuk karua si co'ko', ko isumangkalo Yaku makatelu.”

Matius 28:20

Wo susuiano mangé séra wosama' émaan éra waya sé aiperénta-Ku ai camu. Pena'né-na'néieno mangé, Yaku kasake' ang karapi miow akar ing kaka'puan ing kayo'baan.”

Lukas 22:17

Wo si Yesus mindo esa paelepan, tuasan-Nao in anggor wo Sia kumua i makapulu'sama' a si Amang Kasuruan wo kumua a sé murit-Na, “Indono em paelepan anio' wo kamu im baya melepo mio' mensan-sawelan!

Kisah Para Rasul 20:7

Asi endo kataré in duminggu itu, cami wo sé tou maéman walina mai mali'us mewali-wali e méma' im perjamuan. Am bitu si Paulus uré-uréan manuwu' a sé tou maéman akar ing katoora im bengi, ampa'paan asi mando mai sia suméngkot.

1 Korintus 10:16

An tutuw kita melep in anggor am perjamuan le'nas wo kumua i makapulu'sama' a si Amang Kasuruan, eng kaangéanna, kita imeesao wo si Kristus am papaté-Na. Wo an tutuw kita kuman i roti si aite'bi-te'bi', eng kaangéanna, kita meesao ang karapi in owak i Kristus.

1 Korintus 15:3

Aicuakuo ai camu en abar si kumataré-taré, abar sé tinerimaku in esa, sapaoka si Kristus matéo wosama' eng kamesé-meséaanta tu'busen-Na, tanu si aipatic ang Kitap Le'nas.

Galatia 1:1

En surat anio' a yaku owo Paulus. Yaku mamuali ruru'du'an, ra'ica airu'du' é tou wo ra'ica ka'i niangkai i esa tou. Taan aku mamuali ruru'du'an ampa'paan i Yesus Kristus wo si Amang Kasuruan, Amangta, si tumou sumawel si Yesus an uner é tou imaté.

Kolose 3:24

Weroten sumama-sama', sapaoka teriman oka miow em bagéan asi Casuruan owo, si aitu'tul-Nao ai camu. Siituo en laasa iwéé-Na oka ai camu. Ampa'paan en ulitna, kamu ang karoro'an i maselewir a si Tuang iow, Siao si Kristus.

1 Tesalonika 4:2

Kailekano miow sé aisusuio ami ai camu maké ing kawasa i Apo' Yesus.