1 Korintus 11:20 - En Taar Weru a nunuwu' é Tontemboan

²⁰ Taan an tutuw iow mali'us wo méma' im Perjamuan, sé niéma' miow itu ra'ica patus patuulen Perjamuan i Casuruan.

1 Korintus 11:20 ပူးပေါင်းရင်းမြစ်များ

Kisah Para Rasul 2:42

Séra mengali'us mewali-wali wo le'tek mengalinga sé ruru'du'an mengasusui in andumoro' i Yesus. Wo séra tatap mengaéma' im perjamuan wo mengasombayang.

Kisah Para Rasul 2:46

Wo susur in endo séra le'tek mewali-wali wo meesa en até mengali'us ang am Balé Le'nas. Séra mengaéma' im perjamuan mewali-wali ang karapi in arui wo lekep en até si pagilir am balé-walé.

1 Korintus 11:17

En andumoro' sé icuaku kumiit in anio', aku ra'ica rumayo icamu. Ampa'paan sa kamu mali'us i maapo', kamu ra'ica mengaéma' sé loor, taan maéma'ke' sé ra'ica loor.

1 Korintus 11:19

Wutul musti awéan papetanéan an uner iow, wosama' kaséréan oka sa si séi ai camu sé wutu-wutul le'tek maéman a si Amang Kasuruan.

1 Korintus 11:21

Ampa'paan an tutuw ing kuman, si esa wo si esa tou meri-rioran mindo ing kakanen in esa, akar awéan sé maarem wo awéan sé imalangu.

Ibrani 10:25

Tioo kita tumayang am pengali'usan i mengaapo', tanu ing kanaramen im paémaan é piraan tou. Taan mayoo taré kita mare'de-re'dem mengali'us mewali-wali i maapo' wosama' membém-béan angé ing kaketeran am paémanen, ampa'paan kailekanta en endo si Apo' Yesus maai sumawel makatawio.

2 Petrus 2:13

Wo sé guru ra'ica wutul itu makéré oka ing kawenduan tanu pepe'dis asi kaléwo-léwo'an sé niéma' éra. Mandé ka'i endo, icasalé' éra mengaéma' sé andumoro' ing kasalé'an in owak éra in esa sé ra'ica wutul. Séra itu tanuoka noo wo seringa sa séra lumukut kuman mewali-wali wo icamu, ampa'paan em peri éra karican oka mai.

Yudas 1:12

An tutuw iow iméma' im pésta ing kuman en tuma'néi ing kaupusan i Amang Kasuruan, sé tou itu mapalawi-lawi'ke' taré. Em pakakan éra longi' wo asaloke' mengawerot ing katoronaan in owak in esa. Séra tanu in seringa am pésta miow. Séra tanuoka ing kambung pera ipawali-wali in deges taan ra'ica méé mai in uran. Séra ka'i tanuoka sé tuura ing kayu sé ra'ica mengawua' an orasna i mua', sé tuura itu makémbut ang karapi in a'mu-a'mutna wo makape'de-pe'del.