1 Korintus 11:2 - En Taar Weru a nunuwu' é Tontemboan

² Yaku Paulus marayo icamu é jamaat ang Korintus ampa'paan kamu mena'né-na'néi im pakasa sé pengaémaanku wo ka'i kasake' tumimboi in sususuien sé pasusuiku ai camu.

1 Korintus 11:2 ပူးပေါင်းရင်းမြစ်များ

Lukas 1:6

Séra in dua mengaéma' im butul an dior i Amang Kasuruan wo wutu-wutul makiit waya im perénta wo in atoran i Amang Kasuruan.

1 Korintus 11:17

En andumoro' sé icuaku kumiit in anio', aku ra'ica rumayo icamu. Ampa'paan sa kamu mali'us i maapo', kamu ra'ica mengaéma' sé loor, taan maéma'ke' sé ra'ica loor.

1 Korintus 11:22

Ra'ica réén wana walé kamu, si pakanan wo paelepan iow? Kuma'pa masalé' réén kamu maséro' sé jamaat i Amang Kasuruan wo mapalawi' ka'i sé tou lengéi? Sapapé' en icuaku ai camu? Irayoku réén kamu? Andumoro' sé anio', aku ra'ica rumayo icamu.

1 Korintus 15:2

Sa kamu tumimboi mauli-ulit a si Abar Kaaruien si aicuakuo itu, kamu linowiro i Amang Kasuruan. Taan sa kamu ra'ica matimboi mauli-ulit asi Abar Kaaruien itu, em paémanen iow ra'ica wana torona.

1 Korintus 4:17

Ampa'paan in ituo yutusku mangé si Timotius ai camu ampa'paan sia itu niéma'kuo tanu toyaangku in esa wo icaupusku, sia ka'i le'tek a si Casuruan. Mangéna oka ita'néi sumawel ai camu andumoro' tambisa eng katouanku makiit a si Kristus Yesus. Eng katouanku itu ipenusu-nusuikuo a sé jamaat am pakasa in tampa.

1 Korintus 7:17

Aweso taré si esa wo si esa tou melur ing katouan in esa tanu si aitantuo i Amang Kasuruan ai sia, si katouanna maéman a si Kristus an tutuw tinowa i Amang Kasuruan. Si anioo em pasusuiku am pakasa in jamaat.

1 Tesalonika 1:6

Wo kamu mengakiito im peri ami wo im peri i Apo' Yesus. Mandé awéan tou maokoi camu, émaan i Roh Le'nas kamu kasake' tumerima in arui en taar i Casuruan.

1 Tesalonika 3:6

Intarépé' si Timotius imaréngo mai ai cami wo icuana ai cami en abar in andumoro' icamu an Tesalonika wo iméma'o icami arui. Aisisilna sapaoka kamu kasake' maéman a si Yesus wo meupu-upusan. Aicuana ka'i sa kamu makata'néi icami, en até miow arui. Wo kamu masalé' meta'up sumawel wo icami, puté ka'i wo icami masalé' meta'up wo icamu.

2 Tesalonika 2:15

Ampa'paan ito é poo-poow, male'te-le'teko am paémanen wo timboien sumama-sama' en sususuien si aisusuio ami ai camu ang karapi in surat kuma'pa sé nuwu' sé lininga miow ai cami.

2 Tesalonika 3:6

Poo-poow, peréntan ami kamu maké ing kawasa i Apo' Yesus Kristus, wosama' tumayango mangé kamu asé poo-poow sé ra'ica kiim tumawoi wo sé ra'ica makiit in sususuien si aiwééo ami ai camu.