1 Korintus 11:16 - En Taar Weru a nunuwu' é Tontemboan

¹⁶ Taan sa awéan tou sumangkal sapa sé aicuaku anio', sia kuananku in tana'i: kami wo sé jamaat i Amang Kasuruan am bisa-wisa makaanu ing kanaramen tanu si aicuaku itu. Ra'ica wana walina.

1 Korintus 11:16 ပူးပေါင်းရင်းမြစ်များ

Kisah Para Rasul 21:21

Taan pinalinga érao ka'i andumoro' sé ipasusuimu a sé pakasa é tou Yahudi sé maento' an uner é bangsa walina, sapaoka séra nomoo makiit in ukum Torat. Wo aicuamu kiné, sapaoka sé toyaang nomoo sunaten wo ka'i nomoo menonou makiit ing kanaramenta.

Kisah Para Rasul 21:24

Walimu mangé séra wo émaano mangé eng kanaramen meresi in owak, ico mewali-wali wo iséra. Wérano en ongkos i mapala'ngas im buuk éra. Wo in taniitu, pakasa en tou ro'na makailek sapaoka pakasa en abar sé pinalinga éra andumoro' ico, ra'ica wutul, ampa'paan ico in esa kumiit in ukum Torat.

1 Korintus 11:15

Taan sa si wéwéné makawuuk lambot, sia makéré oka irarayo wo in sisiri'. Ampa'paan em buukna aiwéé i Amang Kasuruan em pakungkung in do'kos.

1 Korintus 16:1

Intarépé', en icuaku andumoro' in doit pali'usen si casalé' miow iwéé a sé tou le'nas an Yerusalem. Icasalé'ku wosama' kamu kumiit sapa sé aituru'kuo a sé jamaat ang Galatia.

1 Korintus 4:5

Ampa'paan in tuo tioo kamu mario-rior en tumantu si esa tou meséa' kuma'pa ra'ica, sa ra'ipé' an témpona. Entoon akar si Apo' Yesus maai sumawel. Sia oka e muka' im pakasa sé pakaenep é tou ang kariréimbengan wo Sia oka ka'i en tumuru' pakasa em pawasa-wasan é tou an até. Asi témpo itu oka ka'i si Amang Kasuruan méé mai i rarayo a sé tou asi esa wo si esa sé patus tumerima i rarayo.

1 Korintus 7:17

Aweso taré si esa wo si esa tou melur ing katouan in esa tanu si aitantuo i Amang Kasuruan ai sia, si katouanna maéman a si Kristus an tutuw tinowa i Amang Kasuruan. Si anioo em pasusuiku am pakasa in jamaat.

1 Korintus 9:1

Poo-poow, yaku anio' tou ra'ica pakakawasaan é tou walina. Yaku ruru'du'an i Yesus, ampa'paan aku isuméréo in owak i Yesus Apo'ta, wo ka'i ampa'paan icamu ituo em buéna im pinatawoiku torona i Casuruan.

1 Korintus 9:6

Kuma'pa wayake' réén yaku wo si Barnabas e musti mangéré sé paperlun ami susur in endo?

1 Tesalonika 2:14

Poo-poow! Kamu niokoio é tou esa suku wo icamu an Tesalonika. Wo in taniitu kamu meputéo wo sé tou Yahudi an Yudea sé maémano a si Apo' Yesus Kristus, séra niokoi ka'i é tou éra in esa.