1 Korintus 10:7 - En Taar Weru a nunuwu' é Tontemboan

⁷ wo ka'i wosama' kita ra'ica mamuali tou maapo' a sé opo-opo', kaputé im paémaan é piraan tou ai séra. En itu meputé si aipatic ang Kitap Le'nas tana'i, “Si bangsa itu lumukut eng kuman wo melep mewali-wali, wo makatulung maéngké maapo' marayo sé opo-opo'.”

1 Korintus 10:7 ပူးပေါင်းရင်းမြစ်များ

Kisah Para Rasul 15:20

Taan, lébé loor sa ipaticta surat wo iwéé ai séra, wosama' séra ra'ica toro kuman ing kakanen najis sé ayumpero a sé opo-opo', ra'ica toro kuman in sama'na é binatang sé pinaté ampa'paan kiniselan eng kolot, kuma'pa kuman in enda', wo ka'i ra'ica toro mengabersina.

1 Korintus 10:14

Ampa'paan in ituo é poo-poow sé icaupusku, kamu tioo mengaapo' a sé opo-opo'.

1 Korintus 5:11

Em paangé-angénku, tioo mengakarapi wo sé tou sé mengakua sapaoka sia itu poowta an esa paémanen taan em pengaémaanna cabul, rakus, mengaapo' a sé opo-opo', mengawuruk i ngaran é tou walina, lalangun kuma'pa mengauwak. Kumanke' mako mewali-wali wo sia ra'ica toro.

1 Korintus 6:9

Ra'ipé' réén kailekan iow sapaoka sé tou mengaéma' sé ra'ica wutul séra ra'ica mamuali tou i Amang Kasuruan ang Kakolanoan-Na? Ampa'paan in itu tioo kamu kauwakan. Sé tou cabul, maapo' a sé opo-opo', sé tou mabersina wo si ra'ica penanaanna, mengacabul wo sé kakélé tuama,

1 Korintus 8:7

Mandé ka'i in taniitu, ra'ica pakasa in tou makailek andumoro' in itu. Awéan tou indior mengaapo' a sé opo-opo', taan intarépé' maémano a si Yesus Kristus. Ampa'paan in ituo akar intarépé' séra makapendamé' sapaoka eng kakanen sé airagéso a sé opo-opo' itu, kakanen torona é opo-opo'. Anaé, sa séra kuman ing kakanen itu séra makapendam méma'o ing kamesé-meséaan, ampa'paan em paémanen éra ra'ipé' keter.

1 Yohanes 5:21

Toya-toyaang sé icaupusku, kamu musti mareti-reti, oréoka kamu maapo' a sé opo-opo'.