1 Korintus 10:6 - En Taar Weru a nunuwu' é Tontemboan

⁶ Pakasa sé mamualio itu mawéé tuus ai cita wosama' ra'ica toro mengasalé' sé andumoro' in léwo', kaputé im paémaan éra,

1 Korintus 10:6 ပူးပေါင်းရင်းမြစ်များ

Roma 5:14

Mandé in taniitu, pakasa en tou tumo'tolai an jaman i Adam akar an jaman i Musa, kinawasao im papaté. Mandé ka'i sé tou itu ra'ica iméma' ing kamesé-meséaan tanu si niéma' i Adam, séra ka'i kasake' i maté. Si Adam aipeputé wo Sia si maai oka sa, Sia ituo si Kristus.

1 Korintus 10:11

Pakasa sé mamuali ai séra itu, mééo tuus ai cita. Wo pakasa en itu aipatic e méé tata'néi ai cita. Ampa'paan kita intarépé' menonou an oras imatawio ing kaka'puan ing kayo'baan.

Ibrani 4:11

Ampa'paan in ituo mayoo kita rumaméji muntep an tampa pengaenaan-Na itu wosama' ra'ica wana mandé esake' ai cita si ra'ica icauntep kaputé é apo-apo'ta sé ra'ica le'tek.

Ibrani 9:24

Si Kristus ra'ica imuntep ang Kamar Lume'na-le'nas ang kayo'baan si niéma' ing kama in tou si asalo bayangan a si patron aseli si an sorga. Taan Sia muntep an sorga, wo intarépé' Sia a mangé em bitu makasaru si Amang Kasuruan torona icita.

1 Petrus 3:21

Si sonop wangko' an tutuw itu, andéan im baptisan intarépé'. Em baptisan itu pengatuus sapaoka kamu linowiro i Amang Kasuruan ampa'paano tinou-Na sumawel si Yesus Kristus. Em baptisan itu ra'ica i meresi sé kotor an owak iow, taan i mangilek a si Amang Kasuruan wosama' en até miow weresi.

2 Petrus 2:6

Tanu siitu ka'i si Amang Kasuruan imukum sé tou sé ra'ica makiit ing kasalé'an-Na ang kota Sodom wo Gomora. Eng kota éra niukum-Na in api, akar séra im baya makatunu-tunu. Niéma'-Na taniitu wosama' séra mamuali tata'néi a sé tou sa, sé ra'ica makiit ing kasalé'an-Na.

Yudas 1:7

Taniitu ka'i eng kota Sodom wo eng Gomora wo sé kota an sangkumna. Sé tou a mangé mbitu mengaéma' sé meputé wo im pinengaéma' é malaékat itu, ampa'paan séra mengabersina wo maéma' ing kasalé'an in owak sé ra'ica loor. Ampa'paan in itu séra makéré in ukuman an api si ra'ica mape'de-pe'del akar ing kauré-uré, en itu mamuali popokéi a sé pakasa in tou.