1 Korintus 10:25 - En Taar Weru a nunuwu' é Tontemboan

²⁵ Ro'na kanen iow sé sama'na sé ipawangkér é tou am pasar. Ra'ica sangali pangérén iow am bisa owo sé sama'na itu, pinakéo torona i raragés kuma'pa ra'ica. Kuman in sama'na tanu siitu en até weresi miow ra'ica sangali mendam i meséa'.

1 Korintus 10:25 ပူးပေါင်းရင်းမြစ်များ

Kisah Para Rasul 10:15

Taan en suara itu kumua sumawel, “Sapa sé aicua i Amang Kasuruan ro'na kanen, ra'ica toro icuamu ra'ica toro kanen.”

Roma 13:5

Ampa'paan in ituo kita musti le'tek a sé pemerénta, ra'ica asalo ampa'paan kita maindé' in ukumen, taan ka'i ampa'paan ing kasalé'an in até weresita.

Roma 14:14

Ampa'paan aku meesao ang karapi i Apo' Yesus, anaé kailekanku wo percayanku keli sapaoka ra'ica wana kakanen si ra'ica toro kanen; taan sa awéan e maanggap sapaoka awéan kakanen si ra'ica toro kanen, eng kakanen itu najis ai siake'.

1 Korintus 8:7

Mandé ka'i in taniitu, ra'ica pakasa in tou makailek andumoro' in itu. Awéan tou indior mengaapo' a sé opo-opo', taan intarépé' maémano a si Yesus Kristus. Ampa'paan in ituo akar intarépé' séra makapendamé' sapaoka eng kakanen sé airagéso a sé opo-opo' itu, kakanen torona é opo-opo'. Anaé, sa séra kuman ing kakanen itu séra makapendam méma'o ing kamesé-meséaan, ampa'paan em paémanen éra ra'ipé' keter.

1 Timotius 4:4

Ampa'paan pakasa sé niéma' i Amang Kasuruan itu loor. Pakasa sé niéma'-Na itu ra'ica wana sé ra'ica toro kanen, sa terimanta ang karapi ing kumua makapulu'sama' a si Casuruan.

Titus 1:15

A sé tou le'nas an dior i Casuruan, sapake' waya en émaanna le'nas. Taan sé tou najis wo sé ra'ica maéman a si Casuruan, em pawasan wo em pengaémaan éra ra'ica loor ampa'paan en até wo em bewerot éra najis.