1 Korintus 10:18 - En Taar Weru a nunuwu' é Tontemboan

¹⁸ Tanu siitu ka'i sé tou Israel indior. An tutuw éra maali raragés am pawetaan i raragés, séra makéré im bagéan ing kuman i raragés itu. Wo séra sé icuman itu, imeesao ang karapi im pawetaan i raragés itu.

1 Korintus 10:18 ပူးပေါင်းရင်းမြစ်များ

Roma 1:3

En Abar Kaaruien itu andumoro' i Toyaang-Na, si Apo'ta Yesus Kristus. Sa sérén eng katouan tanu in tou, Sia itu taranak i colano Daud,

Roma 4:1

Anaé, kita ro'na kumua andumoro' i Abraham si apo'ta tou Yahudi tumambisa réén sia nianggap wutul i Amang Kasuruan?

Roma 4:12

Si Abraham ka'i mamuali amang é tou sé sinunato. Sia imamuali amang éra ra'ica ampa'paan séra mengakiit in atoran-atoran sunat, taan ampa'paan séra maéman a si Amang Kasuruan, meputé si Abraham imaémano an tutuw sia ra'ipé' sinunat.

1 Korintus 9:13

Tantu kailekano miow, sa sé tou maselewir am Balé Le'nas, séra makéré im paperlun ang katouan éra susur in endo am Balé Le'nas itu. Wo sé tou maselewir am pawetaan i raragés, séra ka'i makéré im bagéan in sama'na i binatang si airagés itu.

Galatia 6:16

Wo si séike' sé menonou mengakiit sapa sé ipakuaku itu, isombayangku sa woo ro'na si Amang Kasuruan méé mai ing kaeluran wo tumuru' ing kaupusan-Na ai séra. Sé tou menonou tanu siitu sérao sé wutu-wutul tou i Amang Kasuruan mandé ka'i séra tou Yahudi kuma'pa tou ra'ica Yahudi.

Ibrani 13:10

Kita awéano paragésan e méé i raragés a si Amang Kasuruan. Taan sé imam é tou Israel sé maselewir an ténda paapo'an ra'ica toro kuman i raragés si aiweta' am bawo im paragésan itu.