1 Korintus 10:15 - En Taar Weru a nunuwu' é Tontemboan

¹⁵ Ipakuaku andumoro' sé anio' ai camu ampa'paan kailekanku sapaoka kamu tou awéan kapinteran. Anaé, camu oka in esa e merot sé ipakuaku anio' wutul kuma'pa ra'ica.

1 Korintus 10:15 ပူးပေါင်းရင်းမြစ်များ

1 Korintus 10:14

Ampa'paan in ituo é poo-poow sé icaupusku, kamu tioo mengaapo' a sé opo-opo'.

1 Korintus 10:16

An tutuw kita melep in anggor am perjamuan le'nas wo kumua i makapulu'sama' a si Amang Kasuruan, eng kaangéanna, kita imeesao wo si Kristus am papaté-Na. Wo an tutuw kita kuman i roti si aite'bi-te'bi', eng kaangéanna, kita meesao ang karapi in owak i Kristus.

1 Korintus 11:13

Kamu in esao e merot! Patus réén sa si wéwéné masombayang a si Amang Kasuruan ra'ica mekakungkung in do'kos?

1 Korintus 14:20

Poo-poow! Tioo em pakawerot iow tanuoka sé toyaangé' teké', wo mamualio toyaang teké' andumoro' ing kaléwo'an. Taan em pakawerot iow musti mamuali tanu in tou wangkoo.

1 Korintus 4:10

Ampa'paan kami makua andumoro' i Kristus, paweroten é tou ing kayo'baan tanu tou bodok, taan kamu tirayo sapaoka kamu itu tou pinter ampa'paan maéman a si Kristus. Kami ka'i paweroten é tou ing kayo'baan tanu tou ra'ica keter em paémanen taan kamu marayo in owak sapaoka kamu ketero em paémanen. Kami pengawawa' é tou ing kayo'baan taan kamu iparayo-rayo é tou keli.

1 Korintus 6:5

Awéan esa em buéienku ai camu e méma' icamu malawi': Ra'ica réén wana tou mandé esake' ai camu si awéan kapinteran e ro'na murus ing kaperéndéran é poo-poowna esa paémanen?

1 Korintus 8:1

Poo-poowku, intarépé' icasalé'ku icua ai camu andumoro' ing kakanen iparagés a sé opo-opo'. Awéan sé tou makua in tana'i: “Kita im baya sé maéman makaileko andumoro' in itu.” Eng kakailekan tanu siitu mengaéma' icamu makatirayo, taan en upus ro'na méé ing kaketeran a sé tou walina.

1 Tesalonika 5:21

Taan ujin iow in sumama-sama' em pakasa in itu. Sa en itu uli-ulit asi Casuruan owo, terimano mangé wo kiiteno mangé i mauli-ulit.