1 Korintus 10:13 - En Taar Weru a nunuwu' é Tontemboan

¹³ Sé pangepé'an pinendam iow itu, pangepé'an sé manaramo pengasangkumen é tou. Wo si Amang Kasuruan kasake' le'tek an janji-Na, anaé kamu ra'ica iwaya-Na asé pangépé'an sé ra'ica kawooan iow mamuléng. Taan tutuw iow pinangepé'an, kamu wéan-Na oka lalan akar kamu makawoo sumaru im pangepé'an.

1 Korintus 10:13 ပူးပေါင်းရင်းမြစ်များ

Matius 6:13

Wo tioo woo iwali kami muntep am pangepé'an, taan iwekaro mai kami ang kawasa i léwo'. [Ampa'paan si Amango e makaanu ing kakolanoan wo ing kawasa, wo iparangka-rangka' akar ing kauré-uré. Ulit.’]

Lukas 11:4

Wo ampunganai eng kamesé-meséaan ami, ampa'paan kami ka'i mawéé ing kaampungan a si tou si méma' ing kameséaan ai cami. Wo ra'ica toro iwali kami muntep am pangepé'an.’ ”

Lukas 16:26

Wo ka'i am paawuun ami wo ico, awéan eng kumawu', esa pokal rarem wo welar keli, anaé sé tou am bia'i sé masalé' mio' am bitu kuma'pa sé tou am bitu sé masalé' mai am bia'i ra'ica calewet.’

Lukas 22:46

Wo icua-Na ai séra, “Kéitu réén kamu asaloke' i makatekel? Tumooro wo sumombayango wosama' kamu ra'ica makéré im pangepé'an.”

Kisah Para Rasul 27:44

Wo sé walina mekiit ang karapi i maké papang kuma'pa barang walina sé materi-terio ang kapal. Wo in taniitu séra im baya ro'na malowir akar ang katanaan.

1 Korintus 1:9

Si Amang Kasuruan le'tek. Tinowa-Nao kamu e meesa ang karapi i Toyaang-Na, si Yesus Kristus Apo'ta.

2 Korintus 1:10

Siao en lumowir icami asi papaté si kaindéén itu. Wo Siao ka'i en lumowir icami asi endo maai sa, ampa'paan ai Siake' em paarapan ami.

1 Tesalonika 5:24

Si Amang Kasuruano en itumowa icamu. Sia itu le'tek, tantu émaan-Na oka pakasa sé aicua-Nao ai cita.

2 Tesalonika 3:3

Taan si Casuruan itu le'tek. Keteran-Na oka mai en até miow wo téiran-Na oka kamu ang kaléwo-léwo'an.

2 Timotius 4:18

Iwekar-Na oka ka'i aku asé tou sé mawasa-wasa in léwo' e méma' yaku icawangkur. Lowiren-Na oka ka'i aku akar muntep an sorga, asi tampa Sia Makakawasa tanu Kolano. Siao em patus iparayo-rayo wo pasiri-siriin akar ing kauré-uré! Ulit.

Ibrani 10:23

Mayoo timboianta mauli-ulit em paémanen itu, tioo marua-rua wasa. Ampa'paan si Amang Kasuruan le'tek asi sapa sé aijanji-Na.

Ibrani 11:11

Ampa'paan si Abraham awéan paémanen akar si Sara ro'na maowa-owak mandé ka'i sia matu'ao wo ra'io toro ka'i makéré toyaang. En itu imamuali ampa'paan si Abraham maéman sapaoka émaan oka i Amang Kasuruan sapa sé aijanji-Na.

Ibrani 12:4

Ampa'paan kamu ra'ipé' sumangkum ako masundur ing kamesé-meséaan akar tumiis en enda' kaputé in sinangkumai i Yesus.

Ibrani 6:18

Anaé, si Amang Kasuruan imééo in janji wo in sumpa-Na. Sé rua itu ra'ica kawisa maroba, ampa'paan si Amang Kasuruan ra'ica kawisa tumowo. Ampa'paan in ituo, kita sé mengaéré in loindongen i Amang Kasuruan, makéré ing kaincayaan keter e mauli-ulit tumimboi im paarapen si an diorta.

1 Petrus 4:19

Wo in taniitu, sa awéan tou niokoi ampa'paan en itu kasalé'- an i Casuruan, sia musti mengéma-ngéma' im butul wo sumarakan in owakna a si Casuruan si méma' sia. Sia ro'na papercayan ampa'paan Sia mengema-ngéma' sapa si aijanji-Na.

2 Petrus 2:9

Anaé, ro'na kailekanta sapaoka si Amang Kasuruan tumawang sé tou sé masiri' Sia an tutuw séra am pangepé'an, wo sume'sek sé tou léwo' in ukumen asi endo Sia mai makim pakasa in tou.

1 Yohanes 1:9

Taan sa pangakunta eng kamesé-meséaanta ai Sia, tantu kita ampungan-Na. Sia wutu-wutul le'tek an janji-Na wo ra'ica marapit, ampa'paan in ituo ampungan-Na oka eng kamesé-meséaanta wo le'nasen-Na oka kita asé kaléwo-léwo'an sé niéma'ta.

Wahyu 19:11

Kekawus in itu sérénku en sorga makawuka', wo kaséréanku esa kawayo kulo'. An licurna awéan Tou e makalukut, ngaran-Na ‘Si Le'tek wo Si Wutul.’ Sia ra'ica marapit an tutuw i makim wo merang.

Wahyu 2:10

Tioo kamu maindé-indé' ing kawenduan si musti pendamen iow. Awéan ai camu si téndél oka i kikiiten é sétang an untep im bui em pangepé'an. Wo pendamen iow oka eng kasusaan sangapulu' ngando eng kauréna. Taan kamu musti le'tek maéman a Yaku akar i maté, wo kamu wéan-Ku oka mahkota ing katouan.

Wahyu 3:10

Kiniitano miow em peré-perénta-Ku ang karapi in talesen. Ampa'paan in itu loindongen-Ku oka kamu asi oras im pangepé'an si maai oka ang kayo'baan e mangepé' iséra sé maento' ang kayo'baan.