1 Korintus 10:1 - En Taar Weru a nunuwu' é Tontemboan

¹ Poo-poow sé maéman, ita'néiku sumawel ai camu sapa e mamuali a sé apo-apo'ta an tutuw séra icumiit si Musa. An tutuw itu séra im baya pakaloindongen ing kambung wo séra im baya maya' lumewet in Ta'sic Réindang.

1 Korintus 10:1 ပူးပေါင်းရင်းမြစ်များ

Yohanes 4:20

Sé apo-apo' ami tou Samaria, indior mengaapo' a si Amang Kasuruan am bawo ing kuntung anio', taan ipakua é tou Yahudi an Yerusalemke' en tampa é tou mengaapo' a si Amang Kasuruan.”

Roma 1:13

Poo-poow esa paémanen, icasalé'ku wosama' kailekan iow sapaoka aku mawasa-wasao woo masalé' maangé meta'up wo icamu, taan akar intarépé' awéané' en sumépe'd. Icasalé'ku, wosama' en tawoienku an uner iow ka'i awéan wuéna, tanu en tawoienku an uner é tou ra'ica Yahudi an tampa walina awéano wuéna.

Roma 11:21

Ampa'paan sa ra'ica icaupus-Na sé panga-pangana aseli, Sia ka'i ra'ica mengaupus icamu.

Roma 4:11

Anaé, an tutuw i Abraham ra'ipé' sinunat, sia maémano a si Amang Kasuruan. En sunat itu asalo tuus sapaoka si Abraham tinerima i Amang Kasuruan wo nianggap-Na wutul ampa'paan maéman ai Sia. Anaé, si Abraham tinerima i Amang Kasuruan an tutuw sia ra'ipé' sinunat. Ampa'paan in ituo sia mamuali amang im pakasa é tou maéman mandé ka'i sé tou maéman itu ra'ica sinunat. Wo ampa'paano im paémanen éra, séra nianggap wutul i Amang Kasuruan.

1 Korintus 12:1

Poo-poow, intarépé' icasalé'ku kumua andumoro' ing kamang sé aitambér i Roh Le'nas. Icasalé'ku kailekan iow ang karapi im butul sé andumoro' in itu.

1 Korintus 14:38

Taan sa awéan sé ra'ica kiim tumerima sapa sé ipakuaku anio', sia ka'i ra'io sangali wéan iow rékén.

Galatia 3:29

Wo sa kamu anu i Kristus, kamu ka'i taranak i Abraham wo teriman oka miow sapa si aijanjio i Amang Kasuruan a si Abraham.

Ibrani 11:29

Ampa'paan sé tou Israel awéan paémanen, séra lumewet in Ta'sic Réindang tanuoka malewet an tana' pera. Taan sé tou Mesir ituminep an ta'sic an tutuw éra ka'i imepé' lumewet.