1 Korintus 1:5 - En Taar Weru a nunuwu' é Tontemboan

⁵ Ampa'paan kamu mamualio anu i Kristus, akar kamu imasiya'o am baya-waya tanu mai sé anio': makawoo maroma' i nunuwu' loor wo kelian eng kailekan andumoro' im paémanen a si Kristus.

1 Korintus 1:5 ပူးပေါင်းရင်းမြစ်များ

Kisah Para Rasul 2:4

Wo séra im baya wuta i Roh Le'nas wo tumo'tolo maroma' i nunuwu'-nunuwu' walina tanu si aiwéé i Roh Le'nas ai séra en icua.

Roma 11:12

Anaé, ampa'paano ing kameséaan é tou Israel, eng kasiwakana sé bangsa walina makéré ing kamang asi Amang Kasuruan owo. Lébé-lébépé' ka'i sa sé bangsa Israel itu meelurano sumawel wo Sia, sé bangsa walina tantu makéré oka ing kamang ilumébé-lébé mai ai Sia.

Roma 15:14

Poo-poowku an esa paémanen, uli-ulit percayanku sapaoka kamu iméma'o ing keli kalooran. Kamu ka'i kelio eng kakailekan andumoro' in sususuien i Amang Kasuruan, wo makawoo mensin-sina'uan si esa wo si esa.

Roma 15:4

Pakasa en aipatic ang Kitap Le'nas indior en sumusui ai cita. Wo pakasa en sususuien an untepna aiwéé e méma' icita talesen wo méé ing kaketeran im paémanen, wosama' kita tatapke' i maarap a si Amang Kasuruan.

1 Korintus 12:10

Wo a si tou walina winéanai i Roh, kamang aitambér e mengaéma' ing kakaya'kaan, a sé tou walina winéan-Na mai kamang aitambér eng kumua in Taar i Amang Kasuruan. A sé tou walina ka'i winéan-Na mai kamang aitambér e makailek si wisa en taar aicua i Roh i Amang Kasuruan wo si wisa en aicua i roh léwo'. Awéan ka'i sé winéan-Na mai kamang aitambér e maroma' i nunuwu' i roh, wo sé walina ka'i winéan-Na mai kamang aitambér e makawoo in tumutur ing kaangéan i nunuwu' i roh itu.

1 Korintus 12:8

A si esa tou winéanai kamang aitambér i Roh e manuwu' mapaké ing kapinteran asi Amang Kasuruan owo. Wo a si Roh meputé ka'i, sé tou walina winéanai kamang aitambér i Roh e manuwu' mapaké ing keli eng kakailekan.

1 Korintus 13:2

Mandé ka'i aku tinambéranai ing kamang eng kumua in taar i Amang Kasuruan, makailek im pakasa sé paene-enep, makaanuo waya ing kakailekan, wo makaanu im paémanen lumeke-lekep e ro'na méra ing kuntung, taan sa aku ra'ica mengaupus sé tou walina, yaku uli-ulit ra'ica wana torona.

1 Korintus 13:8

En upus itu awéan akar ing kauré-uré. Taan eng kamang tatambér e makua in taar i Amang Kasuruan icatala oka. Wo eng kamang tatambér maroma' i nunuwu' i roh catala oka. Wo sé kakailekan catala oka.

1 Korintus 14:26

Anaé é poo-poow, sapa eng kaangéan im pakasa in itu? An tutuw iow mali'us mewali-wali i maapo', awéan sé tou makantar ing kakantaren marayo si Amang Kasuruan, awéan sé tou masusui, awéan sé tou makua i nunuwu' i Amang Kasuruan, awéan sé tou maroma' mapaké i nunuwu' i roh, wo awéan ka'i sé matutur ing kaangéan i nunuwu' i roh itu. Musti émaan iow pakasa en itu en sumusui wo torona ing kalooran iow im baya.

1 Korintus 8:11

Wo ampa'paan ing kakailekan iow, iméma'o si tou ra'ipé' keter em paémanen itu icasélé'kow, en ulitna si Kristus imaté torona ka'i sia.

2 Korintus 4:6

Indior si Amang Kasuruan icumua in tana'i, “Asi kariréimbengan mantangai en sendot.” Intarépé' Siao ka'i iméma' in sendot-Na matélang an untep in atéta. Ampa'paano in sendot-Na si an untep in atéta, ro'na kailekanta eng kawangko' i Amang Kasuruan si masendot ang gio i Kristus.

2 Korintus 6:10

Mandé en até ami wendu, taan kami mengaru-ngarui. Kami kaséréan lengéi, taan keliano sé tou niéma' ami imasiya'. Kami anio' kaséréan ra'ica makaanu in sapa-sapa, taan en ulitna kami makaanuo im baya-waya.

2 Korintus 8:7

Kamu siya' am baya-waya: siya' am paémanen, siya' a roroma', siya' ang kakailekan, siya' am pakasa in tawoien, wo siya' ang kaupusan iow ai cami. Ampa'paan in itu, lébé loor ka'i kamu siya' andumoro' i mengawéé ipatawang a sé tou walina.

2 Korintus 9:11

Wo in taniitu émaan-Na oka kamu masiya' am baya-waya akar kamu meméé-méé ang karapi in lekep en até. Wo sé peméé-méé miow méma' oka keli en tou an Yerusalem kumua i makapulu'sama' a si Amang Kasuruan an tutuw ami maali mangé si aiwéé miow itu ai séra.

Efesus 1:17

Wo pekiupusenku a si Amang Kasuruan, Amang i Apo'ta Yesus Kristus, si Amang iparayo-rayo wo pasiri-siriin, wosama' iwéé-Na mai e roh kapinteran wo tumuru' in andumoro' Sia wosama' Sia wutu-wutul katuusan iow.

Efesus 2:7

Niéma' i Amang Kasuruan pakasa en itu wosama' asi témpo maai sa, ituru'-Na oka eng kawangko' in upus-Na si mawuta-wuta kiit ing kasamaan-Na ai cita sé meesao ang karapi i Kristus Yesus.

Efesus 3:8

An uner im pakasa é tou le'nas, yakuo si wawa' keli, taan ampa'paan in upus aitambérai itu, yaku sinisiro eng kumua a sé tou ra'ica Yahudi andumoro' ing kawangko' i Kristus si ra'io ka'i cakua,

Efesus 6:19

Wo ipengasombayang angé ka'i aku, wosama' an tutuwku i rumoma' wéan i Amang Kasuruan aku nunuwu' isumoma, akar ra'io wana eng kaindé'anku ing kumua in Abar Kaaruien en andumoro' i Yesus Kristus. En Abar Kaaruien itu indior ra'ipé' aicua a sé pakasa en tou, taan intarépé' aicuao ai séra.

Filipi 1:9

Wo si anioo en sombayangku, wosama' en upus iow a si Amang Kasuruan wo sé kakélé tou makaawes, wo makaawes ka'i eng kakailekan wutul andumoro' si wisa si wutul wo si wisa si ra'ica wutul,

Kolose 2:3

Wo si Kristus ituo e ro'na muka' im pawero-werotenta akar kita ro'na makailek pakasa ing kapinteran asi Amang Kasuruan owo wo makailek sé indior ipaene-enep-Napé'.

Kolose 3:10

Wo kamu intarépé' winéano ing katouan weru, wo em peri miow pemeru-merun i Amang Kasuruan si méma' icamu kiit ing gambar-Na, wosama' kamu wutu-wutul makatuus Sia.

Yakobus 3:13

Sa an esaan ai camu awéan kapinteran asi Amang Kasuruan owo wo keli eng kakailekan, musti ituru'na ang karapi i menonou in loor. Sia musti méma' in loor ang karapi ing kako'kosan in até si mai ang kapinteran i Casuruan owo.

2 Petrus 3:18

Taan aweso taré kamu makaawes mendam ing kamang aitambér i Amang Kasuruan, wo makalébéo makatuus si Yesus Kristus, Apo' wo si Lumolowirta. Ai Siake' pakasa e rarayo wo en sisiri' intarépé' akar ing kauré-uré. Ulit.