1 Korintus 1:30 - En Taar Weru a nunuwu' é Tontemboan

³⁰ Si Amang Kasuruan in esa e méma' camu meesa ang karapi i Kristus Yesus. Wo si Kristus Yesuso e méma' cita mapinter, wo ampa'paano Sia ka'i kita nianggap wutul i Amang Kasuruan. Niéma ka'i Yesus kita mamuali tou le'nas wo ka'i tinu'bus-Na kita ang kamesé-meséaanta.

1 Korintus 1:30 ပူးပေါင်းရင်းမြစ်များ

Matius 1:21

Sia makéré oka esa toyaang tuama wo ngarananmu si toyaang itu ‘Yesus’, ampa'paan Sia oka en lumowir sé tou-Na ang kamesé-meséaan éra.”

Lukas 11:49

Ampa'paan in ituo, indior maké ing kapinteran-Na si Amang Kasuruan kumua in tana'i, “Yutus-Ku oka sé nabi wo sé ruru'du'an-Ku mangé a sé tou Israel. Sé sangaperua ai séra okoien oka wo sé sangaperua ka'i patén oka.”

Lukas 21:15

Ampa'paan, émaan-Ku oka kamu pinter manuwu' wosama' kamu ra'ica kasunduran wo ra'ica ro'na icélong é kaséké' miow.

Yohanes 1:18

Ra'ica wana tou en sumangkumo suméré si Amang Kasuruan, wayake' si Toyaang-Na Esa-esa. Sia meputé wo si Amang wo susut keli ai Sia. Siao en cumua ai cita andumoro' si séi si Amang Kasuruan itu.

Yohanes 14:6

Wo icua i Yesus, “Yakuo en lalan maangé a si Amang Kasuruan, Yaku ka'i si mengakua in sususuien wutul andumoro' i Amang Kasuruan, wo Yaku ka'i si mengawéé mai ing katouan akar ing kauré-uré. Ra'ica wana esake' tou e maai a si Amang sa ra'ica ipakawali-Ku.

Yohanes 17:26

Aicua-Kuo ai séra si séi si Amang en ulitna, wo ipengua-ngua-Ku oka melala'us andumoro si Amang. Wo in taniitu séra maupus oka sé tou walina tanu si Amang mengaupus Yaku wo Yaku meesa wo iséra.”

Yohanes 17:8

ampa'paan en taar sé aicua i Amang a Yaku aicua-Kuo waya ai séra wo tinerimao éra. Wo wutu-wutul kakailekan éra, Yaku mai asi Amang owo wo pinercaya éra, si Amango e mutuso mai Yaku.

Yohanes 8:12

Kekawus in itu, icua i Yesus sumawel a sé tou keli in tana'i, “Yakuo en sendot ing kayo'baan. Si séi eng kumiit Yaku, sia itu ra'io menonou ang kariréimbengan, taan sia menonou an sendot si méma' isia menonou akar ing kauré-uré.”

Kisah Para Rasul 26:18

e mangé muka' im bewerot éra wosama' séra ra'io ka'i menonou ang kariréimbengan taan menonou ang kasendotan, wo ka'i séra ra'io pakakawasan i kikiiten é sétang taan pakakawasan i Amang Kasuruan. Wo in taniitu ampa'paan séra maéman a Yaku, eng kamesé-meséaan éra makéré oka kaampungan wo makéré oka ka'i bagéan si aitantuo i Amang Kasuruan a sé tou sé line'nas-Na.’

Roma 1:17

Ampa'paan asi Abar Kaaruien itu, si Amang Kasuruan tumuru'o tumambisa sé tou nianggap-Na wutul. En lalanna musti maéman a si Kristus, ra'ica wana walina. En itu tanu in aipatic ang Kitap Le'nas in tana'i, “Si tou nianggap wutul i Amang Kasuruan ampa'paano im paémanenna, sia menonou oka!”

Roma 11:36

Ampa'paan si Amang Kasuruano e méma' im baya-waya, wo pakasa en itu Siake' en tumu'tul. Pakasa en itu niéma'-Na wosama' Sia irayo. Anaé, irayoo wo siriino mangé Sia akar ing kauré-uré! Ulit.

Roma 12:5

Taniitu ka'i wo icita. Mandé kita in tou kelian, taan imamualio esa owak ampa'paan imeesao ang karapi i Kristus. Wo kita awéan ubungan si esa wo si esa, ampa'paan esa owak.

Roma 16:11

Icuao ka'i mangé en siri'ku a si Herodion kaputéku tou Yahudi. Icuao ka'i mangé en siri'ku a sé tou maéman a si Casuruan sé am balé i Narkisus.

Roma 16:7

Icuao ka'i mangé en siri'ku a si Andronikus wo si Yunias sé poo-poowku tou Yahudi kaputéku. Séra in dua maémano a si Yesus Kristus an tutuw aku ra'ipé' maéman. Séra in dua uli-ulit katuusan an uner é ruru'du'an i Apo' Yesus wo sumangkumo a yuntep am bui mewali-wali wo yaku.

Roma 4:25

Sia itu aisarakano a sé tou wo pinaté éra en tumu'bus ing kamesé-meséaanta. Taan Sia tinou sumawel i Amang Kasuruan wosama' kita ro'na makéré ing kaampungan wo kita nianggap wutul i Amang Kasuruan.

Roma 4:6

En sususuien itu tanu si aicua i colano Daud indior. Aicuana, pakakamangen sé tou nianggap wutul i Amang Kasuruan ampa'paan im paémanenna, ra'ica ampa'paan im pengaémaanna. En aicuana tana'i,

Roma 5:19

Anaé, ampa'paano si esa tou ra'ica le'tek a si Amang Kasuruan, pakasa en tou imamualio tou ang kamesé-meséaan, taniitu ka'i ampa'paano i esa Tou si le'tek a si Amang Kasuruan, pakasa en tou nianggap wutul i Amang Kasuruan an dior-Na.

Roma 5:21

Anaé, kita musti maté ampa'paan kita mengaéma' ing kamesé-meséaan. Taan si Amang Kasuruan itumambéro mai in upus-Na ai cita ampa'paano i Yesus Kristus Apo'ta akar kita nianggap wutul i Amang Kasuruan wo makéré ing katouan akar ing kauré-uré.

Roma 8:1

Intarépé', kita sé meesao ang karapi i Kristus Yesus ra'io ka'i ukumen i Amang Kasuruan.

Roma 8:23

Wo ra'ica sé niéma' i Amang Kasuruan ituke' sé mangimbulu, icita in esa ka'i mangimbulu an untep in atéta. En ulitna kita sé tumerimao i Roh Le'nas si wéwéé kataré-taré i Amang Kasuruan. Taan intarépé' kita mangento-ngento'pé' in oras i Amang Kasuruan imekar icita ang kawasa ing kamesé-meséaan wo ing kawenduan wo mai mangkai icita mamuali toya-toyaang-Na.

Roma 8:9

Taan, kamu ra'io menonou mengakiit ing kasalé'an in owak, taan mengakiit ing kasalé'an i Roh i Amang Kasuruan, ampa'paan e Roh i Amang Kasuruan uli-ulit mento' an owak iow. Sa e Roh i Kristus ra'ica menonou an owak i esa tou, sia ra'ica anu i Kristus.

1 Korintus 1:2

En surat anio' aipaticku ai camu jamaat i Amang Kasuruan ang Korintus sé line'naso i Amang Kasuruan ampa'paan imeesao ang karapi i Kristus Yesus, wo ka'i tinowao i Amang Kasuruan e mamuali tou le'nas mewali-wali wo sé pakasa in tou maéman am pakasa in tampa, sé maapo' a si Yesus Kristus, si Apo'ta im baya.

1 Korintus 1:24

Taan sé tou tinowao i Amang Kasuruan, tou Yahudi kuma'pa ra'ica Yahudi, séra ro'na makailek andumoro' ing kawasa i Amang Kasuruan wo eng kapinteran-Na, asi abar i Kristus itu.

1 Korintus 12:18

Taan si esa wo si esa sé an owak winéano i Amang Kasuruan tampa an owak, kumiit ing kasalé'an-Na.

1 Korintus 12:27

Kamu im baya tanu owak i Kristus wo icamuo si esa wo si esa sé an owak-Na itu.

1 Korintus 12:8

A si esa tou winéanai kamang aitambér i Roh e manuwu' mapaké ing kapinteran asi Amang Kasuruan owo. Wo a si Roh meputé ka'i, sé tou walina winéanai kamang aitambér i Roh e manuwu' mapaké ing keli eng kakailekan.

1 Korintus 4:15

Yaku anio' tanu amang iow, ampa'paan yakuo eng kataré-taré mai sumusui in Abar Kaaruien andumoro' i Yesus Kristus ai camu. Mandé ka'i mariwu-riwuo eng kakeli sé masusui ai camu andumoro' i Kristus, si amang iow wayake' in esa.

1 Korintus 6:11

Indior awéan piraan tou an uner iow makaperi tanu siitu ka'i. Taan intarépé' eng kamesé-meséaan iow wineresio i Amang Kasuruan. Kamu niéma'-Nao le'nas wo nianggap-Nao wutul an dior-Na ampa'paan kamu maémano a si Apo' Yesus Kristus wo ka'i ampa'paan ing kawasa i Roh i Amang Kasuruanta.

2 Korintus 12:2

Katuusanku si esa tou maéman a si Kristus, sia tumarépé'anke'mai icaangkai angé asi salé' katelu an sorga sangapulu' epat ngata'un ilumangkoio. Ra'ica kailekanku en owakna wutu-wutul icaangkai angé kuma'pa en itu asalo ipapaturu'an, si Amang Kasuruanke' e makailek.

2 Korintus 4:6

Indior si Amang Kasuruan icumua in tana'i, “Asi kariréimbengan mantangai en sendot.” Intarépé' Siao ka'i iméma' in sendot-Na matélang an untep in atéta. Ampa'paano in sendot-Na si an untep in atéta, ro'na kailekanta eng kawangko' i Amang Kasuruan si masendot ang gio i Kristus.

Galatia 1:4

Kumiit ing kasalé'an i Amang Kasuruan Amangta, si Yesus si sumarakano in owak-Na en tumu'bus ing kamesé-meséaanta wosama' kita icawekar asi kaléwo'an si awéan ang kayo'baan intarépé'.

Galatia 3:13

Si Kristus itumu'buso icita asi kutuk in ukum Torat. Ampa'paan tutuw Sia aisalip, tinanggong-Nao eng kutuk itu sawel icita. Awéan en aipatic, “Si tou niukum im patén wo airantong ang kayu salip, sia itu kaputé i makéré in ukuman patén i Amang Kasuruan.”

Efesus 1:10

Em pawasa-wasan-Na itu tana'i: Sa imayo en témpona, si Kristus mamuali oka kapala si mengaesa im pakasa sé an sorga wo sé ang kayo'baan.

Efesus 1:14

E Roh Le'nas ituo e imamuali jaminanta sapaoka ulit terimanta oka waya sé aijanjio i Amang Kasuruan a sé tou-Na. An tutuw itu iwekar-Na oka kita asé pakasa ing kaléwo'an ing kayo'baan anio'. Anaé, mayoo irayota si Amang Kasuruan ampa'paan ing kawangko'-Na.

Efesus 1:7

Ampa'paano in enda' i Yesus Kristus wo ampa'paan kita meesao ang karapi-Na, icita tinu'buso, eng kaangéanna kita niampungano ang kamesé-meséaanta. Wo siituo en upus wangko' si aitambér i Amang Kasuruan ai cita.

Efesus 2:10

Ampa'paan si Amang Kasuruan in esa si iméma' icita mamuali tou weru an tutuwta maéman a si Kristus Yesus wo meesa wo Sia. Kita niéma'-Na tou weru wosama' émaanta sapa-sapake' sé loor sé aitantu-Nao tumo'tolke' mai indior wosama' émaanta waya sé loor.

Efesus 4:30

Tioo pengaémaan iow si Roh Le'nas i Amang Kasuruan itu masusa. Ampa'paan si Roh Le'nas itu mamuali tuus sapaoka icamu itu anu i Amang Kasuruan akar asi endo Sia maai sumawel en lumowir icamu.

Efesus 5:26

Niéma'-Na en itu wosama' Sia lume'nas sé jamaat kekawus éra wineresi-Na in dano wo in Taar,

Filipi 3:9

wo meesa ang karapi-Na. Anaé, aku ra'ica nianggap wutul i Amang Kasuruan ampa'paan i rumaméji makiit in ukum Torat, taan aku nianggap wutul ampa'paan maéman a si Kristus. Ampa'paan sé tou nianggap wutul i Amang Kasuruan kiit im paémanen éra.

Kolose 1:14

Ampa'paano si Toyaang-Na itu akar kita tinu'buso, eng kaangéanna eng kamesé-meséaanta niampungano i Amang Kasuruan.

Kolose 3:16

Wo iwayao e nunuwu' i Kristus kasake' an até miow ang karapi i mawuta-wuta akar kamu si esa wo si esa ro'na mensun-susuian wo mensin-sina'uan ang karapi wuta ing kapinteran asi Amang Kasuruan owo. Wo icantaro mangé e mazmur, kakantaren rarayoan wo kakantaren rohani wo mawéé mangé i makapulu'sama' a si Amang Kasuruan si lumembo mai an até miow.

1 Tesalonika 5:23

Pangileken ami a si Amang Kasuruan wosama' émaan-Na eng katouan iow male'nas. Siao ka'i méma' icita menonou ang kaeluran. Pangileken ami ka'i téiran-Na mai en owak, en até wo e mu'kur iow wosama' an tutuw si Apo'ta Yesus Kristus maai sumawel, kamu ra'ica wana kaséaan ampa'paan kamu ra'ica iméma' ing kameséaan sapa-sapa.

Titus 2:14

Aiwéé-Nao en owak-Na mamuali raragés en tumu'bus waya ing kaléwo-léwo'anta wo émaan-Na kita mamuali tou-Na le'nas wo re'dem mengaéma' in loor.

Ibrani 9:12

Si Kristus muntep asi Kamar Lume'na-le'nas an ténda pengaapo'an makasake' torona ing kauré-uré. An tutuw itu Sia ra'ica maali in enda' i mémbé' tuama kuma'pa in enda' i ana' i sapi, taan em pinaali-Na enda'-Na in esa en tumu'bus ing kamesé-meséaanta akar ing kauré-uré.

Yakobus 1:5

Sa awéan esaan ai camu mendam wayapé' im pira eng kapinteran asi Amang Kasuruan owo, aweso taré sia mangilek angé a si Amang Kasuruan. Wo énan-Na oka mai em pinangilek itu. Ampa'paan si Amang Kasuruan mengawéé a sé im pakasa in tou ang karapi ing kasamaan in até, ra'ica mengaimbo'.

1 Petrus 1:2

Icamu sinisir i Amang Kasuruan, Amangta, tumo'tolke' mai indior kumiit im pawasa-wasan-Na. Wo kamu niéma' i Roh Le'nas mamuali le'nas wosama' kamu le'tek maéma' ing kasalé'an i Yesus Kristus wo eng kamesé-meséaan iow ka'i weresin-Na ang karapi in enda'-Na. Pekiupusenku a si Amang Kasuruan wosama' émaan-Na mai eng katouan iow elu-elur wo méé mai ing kamang si kumeli-keli ai camu.

2 Petrus 1:1

En surat anio' a yaku owo, Simon Petrus. Yaku anio' ata wo ruru'du'an i Yesus Kristus. Ipaticku en surat anio' ai camu sé maémano a si Yesus Kristus kaputé ami. Si Yesus Kristus itu Amang Kasuruan wo Lumolowirta. Sia iméma' icamu maéman ampa'paan si pengaémaan-Na wutul wo ra'ica marapit.

1 Yohanes 5:6

Si Yesus Kristus imayo ang kayo'baan ang karapi in dano ipabaptis-Na wo in enda' im papaté-Na. Sia maai ra'ica ang karapi in danoke', taan ang karapi in dano wo in enda'. Wo e Roh i Casuruan in esa e méé kasairian sapaoka pakasa en itu wutul.

Wahyu 14:4

Séra itu sé tou menonou le'nas, tanuoka sé tuama si ra'ipé' kawisa tumekel ang karapi é wéwéné ampa'paan séra miara ing kale'nasan. Sé tou itu uli-ulit makiit si Toyaang i Domba am bisa-wisake' en angéan-Na. Séra itu sé tinu'buso an uner é tou e mamuali raragés kataré a si Amang Kasuruan wo a si Toyaang i Domba.

Wahyu 5:9

Wo séra kumantar esa kakantaren weru tana'i: “Icoo em patus tumerima ing gulungan kitap itu, wo muka' in ségél-ségélna. Ampa'paan Ko sumangkumo pinaté, wo ang karapi in enda'-Mu, tinu'bus-Muo séra torona i Amang Kasuruan, séra itu mai am pakasa in suku, i nunuwu', i negara wo im bangsa.