1 Korintus 1:28 - En Taar Weru a nunuwu' é Tontemboan

²⁸ Si Amang Kasuruan ka'i sumisir tou sé paweroten ing kayo'baan tou wawa', sé ra'ica pasiriin wo sé ra'ica wana torona. Sinisir-Na séra e méma' sé tou paweroten ing kayo'baan tou pasiri-siriin, émaan-Na uli-ulit ra'ica wana torona.

1 Korintus 1:28 ပူးပေါင်းရင်းမြစ်များ

Roma 4:17

Ampa'paan icua i Amang Kasuruan a si Abraham in tana'i, “Aitantu-Kuo ko mamuali amang é tou keli.” Tanu siituo en janji i Amang Kasuruan a si Abraham. Wo si Abraham maéman a si Amang Kasuruan si tumou sumawel sé tou imatéo wo ka'i si méma' im baya-waya asaloke' i nunuwu'-Na pakasa waya mamuali.

1 Korintus 1:20

Sa taniitu, sapa en torona é tou awéan kapinteran? Wo sapa en toronana sé tou makailek wutul in Torat? Wo sapa en torona sé tou pandéi ang kayo'baan anio' sé masalé' masundur i nunuwu' é tou walina? En ulitna aituru'o i Amang Kasuruan sapaoka eng kapinteran é tou pandéi itu ra'ica wana torona.

1 Korintus 2:6

Mandé ka'i in taniitu, sa kami makua a sé tou sé uli-ulit maémano, kami makua andumoro' ing kapinteran. Eng kapinteran itu ra'ica asi kayo'baan owo, ra'ica ka'i asé tou owo sé makatimboi ing kakawasaan ang kayo'baan anio', si kakawasaan maka'pu oka.

2 Korintus 12:11

Yaku rumayoo in owakku in esa tanuoka sé tou bodok. Taan kamuo sé ilumesé' akar aku méma' tanu siitu. En ulitna icamuo si musti mengarayo yaku tanu siitu. Ampa'paan mandé ka'i aku anio' ipakua é tou ra'ica makailek in sapa-sapa, taan am baya-waya yaku ra'ica kaindoan é ruru'du'an wangko' itu.

2 Tesalonika 2:8

An tutuw ituo si tou luméwo-léwo' itu mai mapaturu' in owakna. Taan si tou luméwo-léwo' itu patén oka i Apo' Yesus ang karapi in aseng-Na. Wo an tutuw i Apo' Yesus maai sumawel, teri-terin-Na oka ang karapi in télang an owak-Na.

Ibrani 2:14

Sé tou patuulen i Yesus toya-toyaang itu, séra asaloke' tou si ro'na maté. Anaé, si Yesus imamuali tou wo menonou meputé wo sé tou, wosama' em papaté ro'na sangkumen-Na kaputé in tou. Wo ampa'paano im papaté-Na itu, ro'na kalan-Na si kikiiten é sétang si makakawasa im papaté.

Wahyu 18:17

Taan waya in esa jam eng kasiyaanna itu maka'pu.” Wo pakasa sé nakoda, sé anak buah ing kapal, sé panumpang, wo sé matawoi an ta'sic makatulung an tayang,