1 Korintus 1:2 - En Taar Weru a nunuwu' é Tontemboan

² En surat anio' aipaticku ai camu jamaat i Amang Kasuruan ang Korintus sé line'naso i Amang Kasuruan ampa'paan imeesao ang karapi i Kristus Yesus, wo ka'i tinowao i Amang Kasuruan e mamuali tou le'nas mewali-wali wo sé pakasa in tou maéman am pakasa in tampa, sé maapo' a si Yesus Kristus, si Apo'ta im baya.

1 Korintus 1:2 ပူးပေါင်းရင်းမြစ်များ

Kisah Para Rasul 10:36

Siituo en Taar aicua i Amang Kasuruan a sé tou Israel. Icua-Na en Abar Kaaruien andumoro' si Yesus Kristus si maali mai ing kaeluran ai séra e méma' in ubungan éra wo si Amang Kasuruan maloor. Si Yesus Kristuso si Casuruan é pakasa sé tou.

Kisah Para Rasul 15:9

Si Amang Kasuruan ka'i ra'ica masisir in tou, tou Yahudi kuma'pa tou ra'ica Yahudi. Line'nas-Nao en até éra ampa'paan maémano a si Yesus.

Kisah Para Rasul 18:1

Kekawus in itu, si Paulus tumela'u in Atena wo mangé ang Korintus.

Kisah Para Rasul 22:16

Wo intarépé', nomoo menguré-ngurépé'! Tumulungo wo iwééo mangé en owakmu baptisen wo mangilek angé a si Casuruan wosama' ampungan-Na eng kamesé-meséaanmu.’

Kisah Para Rasul 26:18

e mangé muka' im bewerot éra wosama' séra ra'io ka'i menonou ang kariréimbengan taan menonou ang kasendotan, wo ka'i séra ra'io pakakawasan i kikiiten é sétang taan pakakawasan i Amang Kasuruan. Wo in taniitu ampa'paan séra maéman a Yaku, eng kamesé-meséaan éra makéré oka kaampungan wo makéré oka ka'i bagéan si aitantuo i Amang Kasuruan a sé tou sé line'nas-Na.’

Kisah Para Rasul 9:13

Isowat i Ananias, “O Tuang, pinalingakuo asé tou keli andumoro' sia. Keliano sé tou le'nas-Mu an Yerusalem sé niokoina.

Kisah Para Rasul 9:14

Wo intarépé' sia imayo am bia'i. Sia imakéréo surat kawasa asé kikiiten é imam an Yerusalem, en tumangka' sé tou maéman a si Apo' Yesus am bia'i.”

Kisah Para Rasul 9:21

Wo pakasa é tou sé iluminga si Saulus mangaya-ngaya'ka' wo kumua, “Ra'ica réén sia si mengapaté sé tou maéman a si Yesus an Yerusalem? Ra'ica réén sia mai en tumangka' sé tou maéman a si Yesus wo paalin a sé kikiiten é imam?”

Roma 1:7

Ampa'paan in ituo, ipaticku en surat anio' ai camu im baya sé maento' a Roma sé icaupus i Amang Kasuruan, sé tinowa-Nao e mamuali tou le'nas. Pekiupusenku woo a si Amang Kasuruan, Amangta wo a si Apo' Yesus Kristus en tumambérai ing kamang wo ing kaeluran ai camu.

Roma 10:12

E nunuwu' i Amang Kasuruan itu torona im pakasa é tou, ampa'paan sé tou Yahudi wo sé tou walina puté waya. Si Casuruan wayake' in esa, Sia itu Kasuruan é pakasa sé tou. Wo pakasa en tou sé mekiupus ai Sia kamangen-Na oka ang karapi i lumébé-lébé.

Roma 3:22

sapaoka sé tou ro'na nianggap wutul i Amang Kasuruan, ampa'paan maéman a si Yesus Kristus. Niéma' i Amang Kasuruan in taniitu torona im pakasa é tou maéman a si Yesus Kristus. Ampa'paan pakasa en tou puté waya an dior i Amang Kasuruan.

Roma 8:28

Kailekanta intarépé' sapaoka si Amang Kasuruan mengatu'tul im baya-waya, wosama' méé ing kalooran a sé tou sé menga- upus Sia, sé tinowa-Na iciit im pawasa-wasa-Na.

1 Korintus 1:30

Si Amang Kasuruan in esa e méma' camu meesa ang karapi i Kristus Yesus. Wo si Kristus Yesuso e méma' cita mapinter, wo ampa'paano Sia ka'i kita nianggap wutul i Amang Kasuruan. Niéma ka'i Yesus kita mamuali tou le'nas wo ka'i tinu'bus-Na kita ang kamesé-meséaanta.

1 Korintus 10:32

Kamu musti menonou tanu siitu akar ra'ica émaan iow sé tou walina méma' ing kameséaan, sia tou Yahudi, tou ra'ica Yahudi, kuma'pa sé tou maéman a si Kristus an jamaat-jamaat i Amang Kasuruan.

1 Korintus 12:27

Kamu im baya tanu owak i Kristus wo icamuo si esa wo si esa sé an owak-Na itu.

1 Korintus 8:6

Taan ai cita anio', si Amang Kasuruan itu wayake' in esa, Siao si Amang si méma' im baya-waya. Torona Siake' kita menonou. Wo ka'i si Casuruan waya in esa, Siao si Yesus Kristus. Ampa'paano Sia em baya-waya niéma' wo ampa'paano Sia kita menonou.

2 Korintus 1:1

En surat anio' a yaku owo, Paulus si mamuali ruru'du'an i Yesus Kristus kumiit ing kasalé'an i Amang Kasuruan. En surat anio' aipaticku mewali-wali wo si Timotius poowta an esa paémanen. En surat anio' aicirim ami a sé jamaat i Amang Kasuruan ang Korintus, wo ka'i a sé tou le'nas an Akhaya.

2 Korintus 4:5

En Abar si pakua ami ra'ica andumoro' in owak ami in esa. En Abar itu andumoro' i Yesus Kristus si Apo' é pakasa in tou. Wo icami asaloke' imamuali tanu ata en sumelewir icamu kumiit ing kasalé'an i Yesus.

Galatia 1:2

Aicirimku en surat anio' a sé jamaat ang Galatia. Yaku wo pakasa sé poo-poow maéman am bia'i ka'i méé in siri' ai camu.

Efesus 5:26

Niéma'-Na en itu wosama' Sia lume'nas sé jamaat kekawus éra wineresi-Na in dano wo in Taar,

1 Tesalonika 1:1

Siri'ku Paulus wo sé kara-karapiku si Silas wo si Timotius. En surat anio' aicirim ami ai camu jamaat an Tesalonika, sé maéman a si Amang Kasuruan wo a si Apo' Yesus Kristus. Pangileken ami a si Amang Kasuruan wosama' kamu tambéran-Na mai ing kamang wo méma' ing katouan iow elur.

1 Tesalonika 4:7

Kita tinowao i Amang Kasuruan e menonou ang kale'nasan wo ra'ica mengaéma' in andumoro' sé cabul sé karican oka mai.

2 Tesalonika 1:1

Siri' a yaku owo, Paulus wo sé kara-karapiku si Silas wo si Timotius. En surat anio' aicirim ami ai camu jamaat an Tesalonika. Kamu sé maéman a si Amang Kasuruan Amangta wo a si Apo' Yesus Kristus.

1 Timotius 2:8

Ampa'paano in itu, icasalé'ku wosama' am bisa-wisake' sé tuama mengasombayang angé ang karapi in até weresi a si Casuruan, ra'ica ang karapi in e'bow wo meindoan roma'.

1 Timotius 3:15

sa aku icasomoi maai, en suratku anio' icateka' owo mangé ai co. Wo asi suratku anio', ro'nao kakailekanmu musti tumambisa eng katouan é tou maéman sé imuntepo am pamalé i Amang Kasuruan. Séra itu mamuali tuura wo totombol an esa walé. Tanu siituo sé jamaat-Na musti menonou, tanu tuura wo totombol in sususuien wutul itu.

2 Timotius 1:9

Aiwéé-Nao eng kalowiran ai cita wo tinowa-Na kita wosama' menonou le'nas kumiit ing kasalé'an-Na. Niéma'-Na waya en itu ra'ica ampa'paan kita maéma' ing kaloo-looran, taan ampa'paan pinewasa-Nao indior. An tutuw eng kayo'baan anio' ra'ipé' niéma'-Na, Sia mawasao tumambérai in upus-Na ai cita in tou ampa'paan i Kristus Yesus.

2 Timotius 2:19

Taan em patuuran niéma' i Amang Kasuruan ulit keter. Em patuuran itu aipatic in tana'i, “Katuusan i Casuruan sé tou-Na” wo “Si séike' mangé sé maapo' a si Casuruan, mentoo mengéma-ngéma' in léwo'.”

2 Timotius 2:22

Ampa'paan ituo, tumayango mangé ko asé kasalé-salé'an sé manaram pengaémaan é tou wo'bas. Taan ko rumaméji mangé mengaéma' in tana'i: Ra'ica mengarapit, lume'tek angé a si Casuruan, mengaupus angé sé kakélé in tou wo menonou angé elur wo sé kakélé tou. Émaano mangé waya en itu mewali-wali wo sé pakasa in tou sé maémano a si Casuruan ang karapi in até weresi.

Ibrani 10:10

Ampa'paan ing kasalé'an i Amang Kasuruan tanu siitu, kita line'naso torona ing kauré-uré an tutuw i Yesus Kristus rumagés in owak-Na wayake' i makasa.

Ibrani 13:12

Siituo imangémai si Yesus mawendu wo imaté ang kesot im papalen wangker ing kota Yerusalem e meresi ing kamesé-meséaan é tou ang karapi in enda'-Na in esa.

Ibrani 2:11

Si Yesus si lume'nas sé tou sé iméma' ing kamesé-meséaan éra wo sé tou sé line'nas-Nao makaanu esa Amang. Ampa'paan in itu si Yesus ra'ica malawi' mengatuul iséra poo-poow-Na.

Yudas 1:1

Siri' a yaku owo, Yudas. Yaku anio' ata i Yesus Kristus si mepoow wo si Yakobus. En surat anio' aicirim a sé tou sé tinowa i Amang Kasuruan sé icaupus-Na keli wo ka'i sé pakatéiran-Na e mamuali tou i Yesus Kristus.

Wahyu 19:16

An juba-Na wo am parangkéi-Na pinatican esa ngaran tana'i, “Kolano im pakasa é kolano wo Kasuruan im pakasa é kasuruan.”