1 Korintus 1:15 - En Taar Weru a nunuwu' é Tontemboan

¹⁵ Wo in taniitu ra'ica wana tou an uner iow e ro'na kumua sapaoka sia nibaptisku maké i ngaranku e mamuali mengakiit yaku.

1 Korintus 1:15 ပူးပေါင်းရင်းမြစ်များ

Matius 28:19

Ampa'paano in itu, mangém am pakasa im bangsa, wo émaano mangé séra mamuali murit-Ku. Baptiseno mangé séra ang karapi ngaran i Amang, i Toyaang wo i Roh Le'nas.

Matius 3:6

Séra mai mangaku ing kamesé-meséaan éra, wo baptisen i Yohanes séra an doyongan Yordan.

Yohanes 7:18

Si tou makua mapakéke' im bewerotna in esa, sia maéré-éréke' ing kasiri'an in owakna in esa. Taan si tou si mengaéré ing kasiri'an torona Sia si mutusai si tou itu, tantu sia makua im butul wo ra'ica mengatowo.

1 Korintus 1:14

Yaku kumua i makapulu'sama' a si Amang Kasuruan, ampa'paan an uner iow ra'ica wana tou sé nibaptisku, aluar i Krispus wo si Gayus.

1 Korintus 1:16

Intarépé' kinata'néiankuo sapaoka pakasa en tou am pamalé i Stefanus yaku e maptis. Aluar iséra ra'- io kata'néianku sa awéané' tou walina e nibaptisku.

2 Korintus 11:2

Kamu icae'bowku tanuoka si Amang Kasuruan manganat icamu. Kamu tanuoka si esa mangala'un si ra'ipé' sumangkum ako tumekel ang karapi i tuama, si aijanjikuo icawéng wo si esa tuama, siao si Kristus.