1 Korintus 1:13 - En Taar Weru a nunuwu' é Tontemboan

¹³ Wuéienku ai camu, ro'na réén si Kristus pengawéténgen? Tantu ra'ica? Wo ka'i andumoro'ku, yaku réén en aisalip en lumowir icamu? Ra'ica? Wo an tutuw iow nibaptis, maké réén i ngaranku? Tantu ra'ica?

1 Korintus 1:13 ပူးပေါင်းရင်းမြစ်များ

Matius 28:19

Ampa'paano in itu, mangém am pakasa im bangsa, wo émaano mangé séra mamuali murit-Ku. Baptiseno mangé séra ang karapi ngaran i Amang, i Toyaang wo i Roh Le'nas.

Matius 3:6

Séra mai mangaku ing kamesé-meséaan éra, wo baptisen i Yohanes séra an doyongan Yordan.

Kisah Para Rasul 10:48

Wo iru'du' i Petrus séra baptisen ang karapi i ngaran Yesus Kristus. Kekawus in itu pangileken éra si Petrus mento' ang karapi éra mandé wayake' im pira ngando.

Kisah Para Rasul 19:5

Kelinga in itu, wo séra baptisen ang karapi ngaran i Apo' Yesus.

Kisah Para Rasul 2:38

Isowat i Petrus ai séra, “Mape'diso wo terimano em baptisan a ngaran i Yesus Kristus wosama' eng kamesé-meséaan iow ampungan oka. Wo in taniitu teriman oka miow en tatambér-Na, siituo si Roh Le'nas.

Kisah Para Rasul 8:16

Mandé esake' asé tou Samaria itu, ra'ipé' wana si tumerimao i Roh Le'nas, ampa'paan sé tou itu baptisené' ang karapi i ngaran i Apo' Yesus.

Roma 14:9

Si Kristus imatéo wo itumou sumawel, wosama' Sia mamuali Kasuruan é pakasa in tou sé menonoué' wo sé imatéo.

1 Korintus 1:15

Wo in taniitu ra'ica wana tou an uner iow e ro'na kumua sapaoka sia nibaptisku maké i ngaranku e mamuali mengakiit yaku.

1 Korintus 10:2

Séra im baya nibaptis an untep ing kambung wo an untep in ta'sic, akar séra mamuali makiit si Musa.

2 Korintus 11:4

Ampa'paan kamu pakasérén talesenke' tumerima si esa tou mai wo masusui ai camu andumoro' in sususuien si ra'ica meputé wo sé ipasusui ami andumoro' i Yesus. Wo kamu ka'i tumerima i roh si ra'ica meputé wo i Roh Le'nas kuma'pa Abar Kaaruien si wutu-wutul ra'ica meputé wo in abar kaaruien si sumangkumo tinerima miow ai cami.

Galatia 1:7

En ulitna ra'ica wana lalan walina e makéré ing kalowiran. Taan kamu tinawéro é tou sé mengalicoko icamu ang karapi in sususuien andumoro' in abar sé mengasélé'kow. Em peangé-angén éra en sumali'si' in Abar Kaaruien andumoro' i Yesus Kristus si pakua ami.

Efesus 4:5

Kita ka'i makaanu esa Kasuruan, esa em paémanen, esa em baptisan,

Titus 2:14

Aiwéé-Nao en owak-Na mamuali raragés en tumu'bus waya ing kaléwo-léwo'anta wo émaan-Na kita mamuali tou-Na le'nas wo re'dem mengaéma' in loor.