1 Korintus 1:10 - En Taar Weru a nunuwu' é Tontemboan

¹⁰ Poo-poowku! Pekiupusenku ang karapi i ngaran i Apo'ta Yesus Kristus, wosama' kamu im baya esa nunuwu'. Tioo awéan papetanéan an uner iow, aweso taré kamu meesa en até wo esa em bewerot.

1 Korintus 1:10 ပူးပေါင်းရင်းမြစ်များ

Matius 9:16

Ra'ica wana esa tou en tumampal ing kaéng weru ang karai matu'a. Ampa'paan sa eng kaéng weru itu sumusut, ro'na kumésé' ing karai itu wo makawangkero eng késé'na.

Markus 2:21

Ra'ica wana esa tou en tumampal ing kaéng weru ang karai matu'a. Ampa'paan sa eng kaéng weru itu sumusut, ro'na kumésé' ing karai matu'a wo makawangkero eng késé'na.

Markus 3:24

Sa awéan esa kakolanoan meréndé-réndéran, eng kakolanoan itu ra'ica kawisa tumang.

Yohanes 10:19

Kelinga é tou Yahudi si Yesus kumua in taniitu, séra meindo-indoano roma'. Kelian ai séra makua,

Yohanes 17:23

Yaku meesa wo iséra wo si Amang meesa wo Yaku, wosama' séra wutu-wutul meesa. Sa séra wutu-wutul meesa, kakailekan oka é tou ra'ica maéman ang kayo'baan sapaoka si Amango e mutusai Yaku wo ka'i si Amango si mengaupus iséra, kaputé si Amang mengaupus Yaku.

Yohanes 7:43

Wo sé tou itu tumo'tolo meindo-indoan roma' in andumoro' i Yesus.

Yohanes 9:16

Wo icua é piraan tou Farisi walina, “Si tou mengaéma' in itu, ra'ica asi Amang Kasuruan owo, ampa'paan sia ra'ica makiit in atoran in endo Sabat.” Taan icua é tou walina, “Si tou anio' ra'ica tou iméma' ing kamesé-meséaan. Ampa'paan sé tou iméma' ing kamesé-meséaan ra'ica kaémaan éra en tuus kakaya'kaan tanu siitu.” Wo iséra wo iséra ra'io mengkakiitan.

Kisah Para Rasul 4:32

Pakasa sé tou maéman meesa en até wo esa wewerot, ra'ica wana mandé esake' tou eng kumua sapaoka en anuna, anunake' in esa. Anaé, eng kasiyaan éra anu éra im baya.

Roma 1:13

Poo-poow esa paémanen, icasalé'ku wosama' kailekan iow sapaoka aku mawasa-wasao woo masalé' maangé meta'up wo icamu, taan akar intarépé' awéané' en sumépe'd. Icasalé'ku, wosama' en tawoienku an uner iow ka'i awéan wuéna, tanu en tawoienku an uner é tou ra'ica Yahudi an tampa walina awéano wuéna.

Roma 12:1

Poo-poowku an esa paémanen! Ampa'paan si Amang Kasuruan itumuru'o ing kaupusan-Na ai cita, ampa'paano in itu sina'uenku kamu wosama' kamu méé in owak iow tanu raragés menonou, si le'nas wo ka'i si méma' in até-Na arui. Siituo em pengaapo' iow si mauli-ulit.

Roma 12:16

Menonouo mangé kamu meesa en até wo esa wewerot a si esa wo si esa. Tioo kamu mengarangka' in owak, taan mekarapio mangé wo sé tou ipawawa-wawa'. Wo tioo maanggap in owak iow si pinter keli!

Roma 15:30

Poo-poowku an esa paémanen, ampa'paan kita maémano a si Apo'ta Yesus Kristus, siituo e mangémai e Roh Le'nas matawoi an atéta akar kita ro'na meupu-upusan si esa wo si esa. Anaé, pekiupusenku ai camu wosama' kamu uli-ulit rumaméji mewali-wali wo yaku en sumombayang a si Amang Kasuruan toronaku.

Roma 16:17

Poo-poowku, sina'uenku kamu, mareti-retio mangé a sé tou sé masalé' mengaéma' ing kapetanéan, wo sé masalé' mengasélé'kow im paémanen é tou a si Amang Kasuruan. Séra mengasusui in sususuien sé membalinaan wo in sususuien wutul sé kinéréano miow. Anaé, tumayango mangé ai séra.

1 Korintus 1:11

Poo-poowku, yaku kumua tanu siitu ampa'paan awéan sé tou am pamalé i Kloe cumua mai a yaku sapaoka an uner iow awéan sé meindo-indoan roma'.

1 Korintus 11:18

Kataré-taré em pinalingaku asé tou sapaoka an tutuw iow mengali'us i maapo' a si Amang Kasuruan, awéan kaperéndéran an uner iow akar kamu metané-tanéo. Wo sé pinalingaku itu werotenku awéan em butulna.

1 Korintus 12:25

Wo in taniitu sé an owakta itu ra'ica wana eng katerian, aweso taré séra membém-béan rékén esa wo sé walina.

1 Korintus 3:3

ampa'paan akar intarépé' kamu makiité' im pakawerot ing kayo'baan. Icuaku in taniitu, ampa'paan an uner iow awéané' sé kokanat wo meindo-indoan roma'. En itu mamuali tuus sapaoka kamu makiité' im pakawerot ing kayo'baan wo menonou asalo makiit ing kasalé'an in tou.

1 Korintus 4:16

Ampa'paan in ituo pangilekenku ai camu wosama' kamu menonou kumiit tanu ing katouanku.

2 Korintus 10:1

Awéan ai camu makua sapaoka aku toloindé' en tumegor sa ang karapi miow, taan branike' tumegor sa mentayangan wo icamu. Ampa'paan in ituo ita'néiku ai camu ang karapi i ngaran i Kristus si ko'kos en até wo sama' en até,

2 Korintus 13:11

Anaé é poo-poow, maaru-aruio mangé, wutuleno em peri miow si suméa'. Terimano mangé pakasa en sina'uku! Meesao mangé en até wo em bewerot iow wo menonouo mangé ang kaeluran. Si Amang Kasuruan, pelemboian in upus wo ing kaeluran, mewali-wali oka wo icamu!

2 Korintus 13:9

Arui kami sa kamu keter, mandé ka'i kami ra'ica keter. Isombayang ami wosama' kamu maréng sumawel menonou wutul.

2 Korintus 5:20

Anaé, icamio sé a yutus i Kristus. Sa kami sumina'u icamu, en itu meputéo si Amang Kasuruan sumina'u. Wo ang karapi i ngaran i Kristus, uli-ulit pekiupusen ami, wosama' icamu meeluran wo si Amang Kasuruan.

2 Korintus 6:1

Ampa'paan kami matawoi mewali-wali wo si Amang Kasuruan, pekiupusen ami imauli-ulit ai camu wosama' tioo paepesen iow im beren en upus aitambér i Amang Kasuruan si tinerimao miow itu.

Galatia 4:12

Éi poo-poow, yaku tou Yahudi taan aku mamualio kaputé miow tou ra'ica Yahudi, ampa'paan aku ra'io pakawa'kesen in ukum Torat. Anaé, pekiupusenku ai camu wosama' kiitan iow em peri ing katouanku si ra'io ka'i pakawa'kesen in ukum Torat. Wo indior kamu ra'ica maéma' ing kaséaan sapa-sapa a yaku.

Filipi 1:27

Anaé, em penting keli kamu musti menonou kumiit in sapa sé aisusui an Abar Kaaruien andumoro' i Kristus. Wo in taniitu, aku maai meta'up wo icamu kuma'pa ra'ica, kailekanku oka sapaoka kamu enté' makatulung an esa wasa wo rumaméji mewali-wali an esa até torona im paémanen ampa'paan makiit in Abar Kaaruien.

Filipi 3:16

Em penting keli kita menonou kiit asé sapa sé kinéréantao akar intarépé'.

1 Tesalonika 5:13

Pengasiriin angé sumama-sama' séra ang karapi ing kaupusan ampa'paano in tawoien éra. Wo kamu ka'i musti menonou angé mensan-samaan wo sé tou walina.

2 Tesalonika 2:1

Poo-poow, en andumoro' i Apo'ta Yesus Kristus maai sumawel wo andumoro' in li'usen-Na kita mewali-wali wo Sia, pangileken ami ai camu,

1 Timotius 5:21

Timotius, iwééku en tawoien anio' ai co an dior i Amang Kasuruan wo si Kristus Yesus wo sé malaékat sé sinisir-Nao. Pangilekenku ai co wosama' émaano waya sé aicuaku anio' an jamaat wo ra'ica marapit.

2 Timotius 4:1

Si Kristus Yesus maai oka sumawel wo Sia mai kumawasa tanu Kolano. Siao e makim sé tou menonoué' wo sé tou imatéo. Ampa'paano in itu intarépé' an dior i Amang Kasuruan wo si Kristus Yesus, uli-ulit icuaku ai co é Timotius wosama':

1 Petrus 2:11

Poo-poow sé icaupusku, icamu anio' sakéi wo imanangkéi ang kayo'baan anio'. Anaé, sina'uenku kamu wosama' tumayang angé asé kasalé-salé'an in owak sé ra'ica loor sé mapetokol an até weresi miow.

1 Petrus 5:10

Taan eng kawenduan si pendamen iow itu ra'ica uré. Kekawus in itu, émaan oka i Amang Kasuruan em paémanen iow makaleke-lekep wo émaan-Na oka en até miow makaketer wo émaan-Na ka'i kamu mauli-ulit maéman ai Sia. Ampa'paan Sia itu Amang Kasuruan si palemboian waya ing kamang aitambér wo itumowao icamu maéman a si Kristus, wosama' kamu kumiit mendam i rarayo wo en sisiri'-Na akar ing kauré-uré.