YEHEZKIEL 9:9 - Tanou Moonsoi Timugon

⁹ Taam i Aki Kapuuno', “Mamagun ru Israil am Jiuda nambaal ra tula ondo' maayo kaga'. Namatoi ilo giu' ra titikop ru pagun, am sinosok Jirusalim ra kalaatan. Minindagu ilo ra Aku, Tuhan, nangiruan noyo ra pagun nilo, am kalo makakito Aku risilo.

YEHEZKIEL 9:9 ပူးပေါင်းရင်းမြစ်များ

2 RAJA'-RAJA' 21:16

Namatoi Raja' Manasi ra masuang kaga' ulun ondo' kolondo' sala saboi raraa' nalayak giu' ra ralan-ralan giu' ra Jirusalim. Suai ra binaal raginio, Raja' Manasi niayuk nangkinibit ra mamagun ru Jiuda siminamba ra sinungkalalaing, saboi ilo makatula ra Tuhan.

2 RAJA'-RAJA' 24:4

mulu' poyo ra namatayan ra ngaangai' ru ulun ondo' kolondo' tula. Kalo makapangampun Tuhan ra Raja' Manasi sabap ra binaal nano.

AYUP 22:13

Kaa' mangkuot kou, ‘Nakapandai kia i Aki Kapuuno'? Giu' Io ra sapapa' ru gaun am kalo makapangakim ritakau.’

MAZMUR 10:11

Pangkaraan ru ulun malaat, “I Aki Kapuuno' kalo mampalio! Kinorom ri Aki Kapuuno' mato Nano am kalo makakito ramon!”

MAZMUR 94:7

Mindagu ilo, “Kalo makito akai ru Tuhan; i Aki Kapuuno' ru ulun ru Israil kalo makakito ra binaal mai.”

JISAYA 1:4

Aibui boo ramuyun, alii ra bansa' ra makatula, alii ra ulun ondo' mapuka' am malaat! Tula mino napatibusu ramuyun! Inimpayan min Tuhan, i Aki Kapuuno' ondo' matulai, i Aki Kapuuno' ru Israil am tinatang min Io.

JISAYA 29:15

Aibui boo ra ulun mompogogot mapasibuni ra pangatangan nilono intor ra Tuhan! Kalinuos nilo ayuk mimbuor am indoson kolondo' makakito kapoam makapandai ra atan baalon nilono.

JISAYA 47:10

Malimanan muno moonsoi ralalom ru kalaatan muno; indoson muno kolondo' sangulun pana makapandai. Kapintaran am kaintutunan muno mapalayau rirun. Indoson muno kolondo' mokogondo' rirun.

JIRIMIA 2:34

Bayang min natatakan ra raraa' ru ulun musikin am ulun kolondo' sala, sala' ka raraa' ru ulun mantakou ondo' narakop. Kabalu' pana raginio,

JIRIMIA 22:17

Kaa' okou ondo' maguyum ayuk ra ampos galama'; mamatoi kou ra ulun ondo' kolondo' sala, am mangimbolo' ra mamagun muno ra malaat kaga'. Ginio noyo ragu ru Tuhan.

SULABOI 1:5

Pantula' nakasugut sabap nakapanguasa' ra Jirusalim; Tuhan nambaal riso naimbolo' sabap ra masuang kaga' tula nano. Mamagun nano rinakop am inibit ru pantula'.

YEHEZKIEL 7:23

Titikop pagun mataliajou; pagun natikop ra pampatayan, am bandar-bandar nototop ra kalaatan.

YEHEZKIEL 8:12

Pangkuot boo i Aki Kapuuno' raki', “Okou ulun mapandai matoi, nakito mu kia atan ondo' tatanga' baalon ru tingganai ru Israil ra sininok? Ilo ngaangai' sumambayang giu' ra ralalom ru lamin ondo' nososok ra sinungkalalaing am sasaban ra kalo makito Ku ilo am nangiruan Aku noyo ra pagun ti.”

YEHEZKIEL 8:17

Indagu Tuhan raki', “Okou ulun mapandai matoi, nakakito kou kia raginio? Mamagun ru Jiuda kalo poyo najala' ra binaal nilo ondo' makauyuyu' kapoam kalaatan ondo' binaal nilo ra titikop ru pagun ti. Inambai nilo nambaal ra ngaangai' no ragiti niayuk, ralalom ru Baloi Kuno am nampasangit poyo boo Raki'. Ilai' ati kulaan ilo magasab Raki' ra ralan ondo' makauyuyu' kaga'!

ABAKUK 1:4

Ginio ra undang-undang malawo am kolondo' onong; katimpakan kalo igondo' paugaro'. Ulun malaat masalok mangala ra ulun mabanis guang giu' ra makama; ginio ra katimpakan pinatimpurok.

JIPANYA 1:12

“Paat raginio alapon Ku lampung am uliaton bandar Jirusalim. Ukumin Ku mamagun nano ondo' najala' am mangintopot ra inan galama', am ondo' mindagu, ‘Tuhan kalo igondo' nambaal koson ragitio am raginio.’

LUKAS 11:50

Ginio boo ra ulun ra raiti' ukumin sabap ra namatayan ra ngaangai' nabi intor ra tana' ti binaal.

SAGULION 31:29

Makapandai aku ra malupus aku matoi, lumaat ilo am mangimpai ra atan ondo' nangilaan kuno. Paat ra tauli no malumpa' ilo ra karaat, sabap nangkinibit ilo ra Tuhan sumangit ra mambaal ra atan ondo' inggalarin Nano.”

SAGULION 32:5

Kaa' kalo gumagaya' kau, am kalo maaya' kau masauk ra ulun Nano; akau bansa' ondo' masaga' mamparuung am makatula.