YEHEZKIEL 9:8 - Tanou Moonsoi Timugon

⁸ Tatanga' pamatayan no masauk, soroi aku ra giu' misangulun. Igulatur aku liliwa' nampiau, “Iou Tuhan Raja', siminangit kou kia kaga' ra Jirusalim saboi masaga' Kou mamatoi ra moonong ulun ondo' lakat poyo naayag giu' ra Israil?”

YEHEZKIEL 9:8 ပူးပေါင်းရင်းမြစ်များ

KASAUKAN 18:23

Inggaar i Abragam ra Tuhan am pangkuot, “Motopot kia ra pusoon Mu ulun kolondo' sala mabaya' ra ulun makasala?

1 TUNUNG RU BANSA' ISRAIL 21:16

Nakito ru Raja' Daut malaikat no minigor ra pangkilolot ru limbowon am tana' ti, liliwa' nampaguut ra ilang ondo' pinaakang, nakatampos koson mamuso ra Jirusalim. Raja' Daut am tingganai-tingganai pana ondo' nambayang ra karung koson tatandu' pansagulian, kiminuku' nokosonor ra tana'.

IJRA 9:5

Paat ra taak simbalui ra mamai' no tumalimpuun pataakon, ingkakat aku intor ra intok nanturungan kuno ra mangiluk guang am nambayang ra naririlak, igulatur aku boo am kakato' kalindu' ra Tuhan, i Aki Kapuuno' kuno.

JIRIMIA 14:13

Aku pana mindagu, “Iou Tuhan Raja', nakapandai Kou ra nabi-nabi nambala' ra mamagun ra kolondo' pangayawan kapoam bitilan, sabap ra nambantu' Kou ra giti ra pagun ti masalok makakaansayan.”

JIRIMIA 14:19

Iou Tuhan, inimpayan Mu noyo kia toojo Jiuda? Masisang Kou kia ra mamagun ru Sion? Kua lambaa' Mu akai ra najanjayan kaga' saboi kalo boo mapali' akai? Papalo mai ayuk maguyum ra kaansayan; malansan akai ra kapalian, kaa' ondo' soroi kalaatan ayuk.

JIRIMIA 4:10

Kopongo raginio indagu aku, “Iou Tuhan Raja', totopot Kou namparuung ra mamagun ru Jirusalim! Minindagu Kou ra mokoondo' kaansayan, kaa' raino painawo nilono mololob.”

YEHEZKIEL 11:13

Tatanga' aku mindagu ra ragu manala', pulali' ri Pilatia naratu' am patoi. Igulatur aku liliwa' nampiau, “Pai', Tuhan Raja'! Masaga' kou kia mampaluus ra ulun ondo' lakat poyo soroi giu' ra Israil?”

YEHEZKIEL 4:14

Kaa' taam aku, “Pai' koon raginio, iou Tuhan Raja'! Kalo igondo' aku pampajaka' ra inan. Intor ra boborok kalo igondo' aku pangakan ra kual intor bibiag ondo' matoi toojo, kapoam kual intor ra bibiag ondo' sinaam ru bibiag masigo. Kalo igondo' aku pangakan ra akanon ondo' karaan ra ampangara'.”

YEHEZKIEL 7:8

Sangkinolor poyo am makaliman kau ra kinoporos ru sangit Kuno. Mangakim Aku ramuyun, am mambalos Aku ramuyun ra ngaangai' paliso min ra makauyuyu' no.

UNTABAN 14:5

Kubu boo i Musa am i Arun ra saang ru ngaangai' ulun no.

UNTABAN 16:4

Paat ra norongog ri Musa ragu raginio, kubu io ra tana' am pakiasi' ra Tuhan.

UNTABAN 16:45

“Lugut intor ra ngaangai' ulun ti sabap ra masaga' Aku mamatoi risilo ra intok raginio niayuk!” Kubu ilo ruo,

SAGULION 9:18

Kopongo raginio igondo' poyo kubu samba aku ra saang ru Tuhan buoi apat ngoopor ngoorou am apat ngoopor ngorondom, am kalo nangakan kapoam nanginum ra atan pana. Binaal kuno koson raginio sabap ra akau makatula noyo ra Tuhan am nangkinibit Riso siminangit.

JOSUA 7:6

Rinilak ri Josua am tingganai-tingganai ru Israil bayang sabap ra mangiluk guang, am kubu ra saang ru Kaban Nabantuan ru Tuhan saboi palunggai'. Pinatauk nilo niayuk kaau ra rasawat ru ulu koson mapakito ra kangilukan nilo.