Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




YEHEZKIEL 9:4 - Tanou Moonsoi Timugon

4 “Ongoyo' titikop ru bandar Jirusalim am tatandui' rabas ru ngaangai' ulun ondo' mangiluk guang am mapagon sabap ra binaal ondo' makauyuyu' ondo' binaal giu' ra bandar no.”

အခန်းကိုကြည့်ပါ။ ကော်ပီ




YEHEZKIEL 9:4
29 ပူးပေါင်းရင်းမြစ်များ  

Kaa' indagu Tuhan, “Kalo. Amon ru potoyon kou, tulu' ngaulun am makaaya' ondo' mampatoi rirun no potoyon niayuk koson pambalos no.” Tuhan pana nangani' boo ri Kain ra tatandu' maa' raginio osoi ayuk makatuum riso kalo boo potoyon io.


“Ongoi no pakitulu' intor ra Tuhan ra tayar kuno am ra tayar ru ngaangai' mamagun ru Jiuda intor ra pangilaan ru kitab ti. Siminangit Tuhan ritakau sabap ra kinamatuaan takali kalo nambaal ra atan ondo' tinulisan ra ralalom ru kitab ti.”


Lomou kuno tumulisan koson ra sungoi, sabap ra ulun kalo gumagaya' ra Ukum Muno.


Sumangit aku toojo ra ulun malaat bulintok ra ilo manggal ra Ukum Muno.


Raraa' ra lugu' ru kulobon ru baloi masauk ra tatandu' tayar intok inayanan min. Makito Ku raraa' no, sumail Aku ramuyun, am kalo mangukum ramuyun paat ra Aku mangukum ra ulun ru Misir.


Paat ra liputon ru Tuhan titikop ru pagun ru Misir koson mamatoi ra ulun ru Misir, makito ru Tuhan raraa' ra lugu' ru kulobon am angob ru kulobon ru baloi min, sumail Io am kalo mangiou ra Malaikat ru Kapatayan mumpos ra baloi mino koson mamatoi ramuyun.


Musiti' ilo mangalap koborok ra raraa' ru bibiag no am pakupilon ra karuruo lugu' ru kulobon am ra angob ru kulobon ru baloi, intok ilo mangakan ra bibiag no.


Aku noyo i Aki Kapuuno' Ondo' Masawat Kaga' am Matulai Kaga', ondo' maayag ra sabuoi-buoi no. Mayan Aku ra intok masawat am matulai, kaa' mayan Aku niayuk mababaya' ra ulun ondo' minggana' guang am ondo' timinalikur intor ra tula, koson mapatapuli' ra ambiluo am kalansanan nilono.


Amon ru marara' kau rumongog Riso, mantangi' aku ra moopot sabap ra kalimbawan min. Mantangi' aku ra mangiluk, lomou kuno tumulisan sabap ra ulun ru Tuhan rinakop ru pantula'.


Okou ulun mapandai matoi, pampalaa no ra saang ru ulun ilain koson nangkaus guang am mangiluk kaga'.


Indagu Tuhan Raja', “Palaso' kalindu'! Kariboko' kinjang ru kalayam! Panulaboi no sabap ra ngaangai' binaal ondo' malaat am makauyuyu' ondo' binaal ru bansa' ru Israil. Matoi ilo sabap ra pangayawan, bitilan kapoam maruol tumapik.


Norongog ku i Aki Kapuuno' minindagu ra ungkuyon-ungkuyon ra bokon, “Baya' kano riso mongoi ra titikop ru bandar am potoyo' moonong ulun. Pai' labusi' sangulun pana. Pai' pakaasi' ra osoi pana.


Potoyo' ulun matutuo, buayoi, ralaa, ina' am lalaing-lalaing. Kaa' pai' guuto' sangulun pana ondo' makatatandu' ra rabas. Intarin ra giti, intor ra Baloi Kutu.” Ginio ra tinalimpuunan nilo kandoi am namatoi ra tingganai-tingganai ondo' minigor giu' ra Baloi ru Tuhan.


Manginum kau ra wain intor ra mangkuk ondo' tinotop suangi', am nagumau kau ra umau maamis owou ondo' moonsoi kaga', kaa' kalo nanulaboi kau ra naratuan ru Israil.


“Paat raginio alapon Ku lampung am uliaton bandar Jirusalim. Ukumin Ku mamagun nano ondo' najala' am mangintopot ra inan galama', am ondo' mindagu, ‘Tuhan kalo igondo' nambaal koson ragitio am raginio.’


koson ra ulun ondo' tatanga' munsag.” Indagu Tuhan, “Kalo boo polosoon Takamin malumpa' ru karaat; kalo boo polosoon Takamin asabin.


Kopongo raginio ulun ondo' malaa' ra Tuhan mindagu ra ilo galama'. Mangkirongog Tuhan am mampaguang ra ragu-ragu nilo. Giu' ra saang ru Tuhan, inggalan ru moonong ulun ondo' mangurumat Riso am malaa' Riso, tulisin ralalom ru rondo' kitab.


Koson ragitio noyo itakau tinatanduan ri Aki Kapuuno' ra Io tatangan; pinataak No Ambiluo Nano ra guang takau koson mapakalansan ra mangani' Io ritakau ra ngaangai' ondo' binantu' Nali.


Malaa' aku ra paat ra aku matong ra maagu no, tauyuon aku ri Aki Kapuuno' ra saang min, am tangiin ku ulun makatula no ondo' kalo poyo timinalikur intor ra pansasawaan am baal nilo ra majamol am makauyuyu' no.


Ondo' pupus ti poyo, pai' noyo sangulun pana pampakapagon raki', sabap ra pipilat ru inan kutu noyo mampakito ra aku ti nanginsugut toojo ri Jisus.


Pai' noyo pangiluko' Ambiluo ri Aki Kapuuno' no, sabap ra Io sumoroi ramuyun noyo tinatanduan kau ri Aki Kapuuno' ra akau ti Io no tatangan. Ambiluo raginio noyo ondo' mapakalansan ramuyun ra matong niayuk orou pampalabusan ramuyun ri Aki Kapuuno'.


Kaa' ondo' binaal ri Aki Kapuuno' no ra guang ru ulun Nano kalo maalap kauyog. Am minindagu Io noyo, “Tuhan makaulig ra osoi ulun Nano,” am poyo ra, “Osoi ayuk mangiou ra io ulun ru Tuhan, musiti' io tumalikur intor ra kasalaan nano.”


Ilai' ku boo, am makito Anak Domba no minigor ra rasawat ru Bulur Sion. Nabaya' Riso no mokoondo' 144,000 ngaulun ondo' rabas nilono tinatanduan ra inggalan Nano am inggalan ru Ama' Nano.


Kakito ku boo kurisi'-kurisi' turungan ru raja', am ulun-ulun ondo' nanturung inanian ra kuasa' mangukum. Nakito ku niayuk ambiluo ru ulun-ulun ondo' iningguluan sabap ra nangani' ilo ra kaintutunan intor i Jisus am nampatanou ra pambalaan ri Aki Kapuuno'. Ulun-ulun no kalo siminamba ra bibiag masigo kapoam sinungkalalaing no am kalo igondo' tinatanduan ra saap ru bibiag masigo no ra rabas am kalindu' nilono. Ilo naayag saguli' am namarinta ilo koson ra raja' mababaya' ri Kristus buoi saribu ngambilor.


Ilo ti binalaan ra kalo mampalunsai ra sakot, puun tataun kapoam tutuu' ra tinanom no. Mampasinduol ilo ayuk ra ulun ondo' kolondo' tatandu' ri Aki Kapuuno' ra rabas nilono.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ