YEHEZKIEL 9:2 - Tanou Moonsoi Timugon

² Pulusat ru onom ngaulun ungkuyon minatong intor ra tampilon ra liwar ru kulobon garabang Baloi ru Tuhan, am sigagama' nagibit ra kinandoi. Minaya' risilo sangulun ondo' nambayang ra linon am nagibit ra kuliamos koson manulis. Ilo ngaangai' minatong am minigor mamaar ra altar gangsa'.

YEHEZKIEL 9:2 ပူးပေါင်းရင်းမြစ်များ

2 RAJA'-RAJA' 15:35

kaa' intok-intok sambaan ra sinungkalalaing kalo linunsai. Mamagun lakat poyo mampataak ra taak simbalui am monolob ra kaminyan ra giu' no. Raja' Jotam noyo nambaal ra Kulobon Garabang Ralayo giu' ra Baloi ru Tuhan.

2 TUNUNG RU BANSA' ISRAIL 27:3

Nambaal Raja' Jotam ra Kulobon Garabang Ralayo Baloi ru Tuhan, am namuna' io ra timbok ru bandar giu' ra tampilon Jirusalim ondo' sabiton ra Opil.

2 TUNUNG RU BANSA' ISRAIL 4:1

Nanusub Raja' Salomo ra ulun mambaal rondo' altar gangsa' gayo no 9 ngamito am sawat no 4.5 ngamito.

KAINGKUALAN 40:29

am giu' no, ra saang ru tabir no, pabantaa' no altar panalaban ra taak simbalui. Rasawat ru altar no papataak io ra taak simbalui koson mapabansuk ra guang ru Tuhan, am taak simbalui koson maringkuanang ra Tuhan, koson ra nanusuban ru Tuhan.

JIRIMIA 1:15

sabap ra mampiau Aku ra ngaangai' bansa' giu' ra tampilon ralayo matong. Raja'-raja' nilo manirong ra panturungan ru raja' giu' ra kulobon-kulobon garabang ru Jirusalim am giu' ra liliut ru timbok no, am niayuk giu' ra liliut ru bandar-bandar ra bokon giu' ra Jiuda.

JIRIMIA 25:9

‘Mampiau Aku ra ngaangai' bansa' intor ra ralayo, am niayuk ulipon Kuno, Raja' Nibukadnijar intor ra Babilonia. Susubon Ku ilo maa' raginio mamulunsar ra Jiuda am mamagun nano am niayuk mamulunsar ra ngaangai' bansa' ra liliut nano. Pusoon Ku mamagun ru Jiuda mababaya' ra bansa'-bansa' giu' ra liliut nano, am mompoloso risilo matutuk ra sabubuoi no. Osoi ayuk ondo' makakito risilo makatigog am malaa'. Aku, Tuhan, nakaindagu noyo.

JIRIMIA 26:10

Paat ra tingganai-tingganai ru Jiuda nokorongog ra atan ondo' nasauk, nagindibok ilo miningkual intor ra istana am ongoi ra Baloi ru Tuhan, am panturung giu' ra Kulobon Garabang Bagu.

JIRIMIA 4:6

Panulu' no ra ralan mongoi ra Sion! Ribaki' bayago' inan! Pai' kalibut! Tatanga' Tuhan maparatong ra karaat am kapusaan maayo intor ra ralayo.

YEHEZKIEL 10:2

Indagu i Aki Kapuuno' ra ulun ondo' nambayang ra linon no, “Ongoi no ra lolot ru luda'-luda' ragana' ru kirub-kirub no am alapo' sogonggom baa ru apui ra kalindu' muno. Patauko' boo baa no giu' ra rasawat ru titikop bandar.” Inilayan ku io minugar.

YEHEZKIEL 8:3

Pinatutui No rondo' ondo' natilu ra kalindu' am takupo' abuk kuno. Ralalom ru pinaintalang no Ambiluo ri Aki Kapuuno' nangkayang raki' ra masawat am nagibit raki' ra Baloi ru Tuhan giu' ra Jirusalim, giu' ra kulobon subalan giu' ra liliut ra ralalom ondo' tampilon ra ralayo. Giu' no soroi sinungkalalaing ondo' napasingkual ra sangit ri Aki Kapuuno'.

YEHEZKIEL 9:11

Kopongo raginio ulun ondo' nambayang ra linon no siminaguli' am nambala' ra Tuhan, “Binaal ku noyo susuban Muno.”

YEHEZKIEL 9:3

Sinda ondo' manguliat, tatandu' ru ratangan ri Aki Kapuuno' ru Israil, mininsawat boo intor ra kirub-kirub am mininsir intor ra intok nano am mongoi ra kulobon subalan ra Baloi ru Tuhan. Nampiau Tuhan ra ulun ondo' nambayang ra linon no, am indagu,

DANIL 10:5

Tungar aku am nakakito ra sangulun ondo' nambayang ra bayang linon am abot ondo' binaal intor ra mas kopoyo.

DANIL 12:6

Sangulun no nangkuot ra malaikat ondo' minigor giu' ra ralayo ru sungoi, “Kula' kia buoi ru kasaukan-kasaukan ondo' makaimuag no masauk ra kalo poyo pupusin?”

IMAMAT 16:4

Musiti' i Arun manutun ra aturan ragitilo. Kalo poyo mumpos i Arun ra Lamin Matulai Kaga', musiti' io mariu' am mambayang ra bayang ru imam; sukub, saluar mariwa', abot am serban, ondo' ngaangai' no binaal intor ra konoon linon.

AMOS 9:1

Nakito ku Tuhan minigor ra sapapa' ru altar. Nangani' Io ra susuban ragitio, “Lambaa' kapuoro' toojo ulu ru lugu' giu' ra Baloi Kuno maa' raginio titikop ru langgar mapuyu'. Popolo' ulu-ulu ru lugu' no am polosoo' ngaangai' no maratu' ra rasawat ru ulu ru ulun. Ulun ondo' kalo matoi potoyon Ku ralalom pangayawan. Kolondo' sangulun pana makapagiru' koson mamayag ra inan.

PINAINTALANG 15:6

Ingkual tulu' malaikat nagibit ra tulu' kapaganan malaat. Binayang nilo konoon linon kopoyo am manguliat am kubab nilono inangkupan ra mas.