YEHEZKIEL 8:18 - Tanou Moonsoi Timugon

¹⁸ Makaliman ilo ra kinoporos ru sangit Kuno. Kalo palabuson Ku ilo kapoam makaasi' risilo. Gumolok ilo toojo makiasi' Raki', kaa' kalo rongogon Ku ilo.”

YEHEZKIEL 8:18 ပူးပေါင်းရင်းမြစ်များ

MIKA 3:4

Nasaboi noyo paat ra akau mampiau ra Tuhan, kaa' kalo tumaam Io. Kalo mangiou Io ra pakiasian min, sabap nambaal kau noyo ra kalaatan.

JIRIMIA 11:11

Ginio ra, Aku, Tuhan, nampakara' risilo ra porotongon Ku karaat risilo am kalo makapagiru' ilo intor raginio. Amon ru gumolok ilo makiindangan Raki', marara' Aku mangkirongog risilo.

JISAYA 1:15

Bulintok ra akau mapatunui ra longon koson makiasi', kalo ilain Takamin. Kabalu' pana masalok kau makiasi', kalo rongogon Ku, sabap ra kalindu' mino masalok mampatoi.

JAKARIA 7:13

Kalo tinaam Ku pakiasian nilo sabap marara' ilo rumongog paat ra Aku mindagu.

LUKAS 13:25

Mingkakat boo tatangan ra baloi no am angabin no kulobon. Migor kau ra liwar am manitik ra kulobon liliwa' mindagu, ‘Tuan, ukabi' ramon kulobon ti!’ Taam ru tuan no, ‘Kalo makapandai aku ati intor min!’

YEHEZKIEL 9:10

Kaa' kalo makaasi' Aku risilo. Mogondo' pamakuan Kuno risilo koson ra pinamakuan nilo ra ulun bokon.”

AMSAL 1:28

Bulintok raginio mampiau kau raki', kaa' kalo taamon takamin. Maguyum kau raki' ra ati-ati ayuk kaa' kalo matuum min aku.

NAGUM 1:2

Tuhan i Aki Kapuuno' kalo masaga' ra mokoondo' pagilou, ulun ondo' manggal Riso maaru' makaalap ra ukuman. Ra sumangit kaga', mansuli' Io ra pantula' Nano.

YEHEZKIEL 24:13

Okou Jirusalim, jinamol kou ru binaal muno ra mantalan ra inan. Kabalu' pana kuminam Aku mampapasau rirun, kaa' magulayun kou majamol. Kalo mapasau kou saguli' saboi ra okou makaliman ra ngaangai' kinoporos ru sangit Kuno.

YEHEZKIEL 16:42

Aku pana mokororo' am sangit Kuno sumalui. Kalo boo sumangit kapoam maingot Aku.

YEHEZKIEL 9:5

Norongog ku i Aki Kapuuno' minindagu ra ungkuyon-ungkuyon ra bokon, “Baya' kano riso mongoi ra titikop ru bandar am potoyo' moonong ulun. Pai' labusi' sangulun pana. Pai' pakaasi' ra osoi pana.

JIRIMIA 14:12

Kabalu' pana mampali ilo, marara' Aku mampalio ra golok nilo ra makiindangan; am kabalu' pana mampataak ilo ra taak simbalui koson mapabansuk ra guang Kuno am taak simbalui koson paringkuanangan Raki', kalo maansayan Aku risilo. Kaa' pusoon Ku ilo ra pangayawan, bitilan am maruol tumapik.”

JISAYA 59:2

Sabap ra kalaatan mino ra Io pana kalo mangkirongog bulintok ra akau makiasi' Riso. Tula-tula mino napatuliar ramuyun intor ri Aki Kapuuno'.

JISAYA 59:1

Pai' karaa' ra Tuhan no malawo kaga' koson mamayag ramuyun, kapoam barat kaga' koson mangkirongog ra pampiawan mino.

JIRIMIA 23:39

anamon Ku ilo, am patirin ilo ra maalur, ilo am poyo bandar ondo' tinaakan Ku risilo am kinamatuaan nilo.

JIRIMIA 44:3

Kapusaan raginio nasauk sabap ra mamagun nano nambaal noyo ra malaat am napasingkual ra sangit Kuno. Nampataak ilo ra taak simbalui ra dewa-dewa, am siminamba ra dewa ondo' kalo igondo' sinamba nilo, akau kapoam kinamatuaan min.

JIRIMIA 44:6

Ginio sabap no ra sangit am lasu' ru guang Kuno nakalumpa' ra bandar-bandar Jiuda am ralan-ralan giu' ra Jirusalim. Solobon Ku ngaangai' no saboi masauk ra nalunsai am intok ondo' makalalaa' saboi raino.

SULABOI 1:5

Pantula' nakasugut sabap nakapanguasa' ra Jirusalim; Tuhan nambaal riso naimbolo' sabap ra masuang kaga' tula nano. Mamagun nano rinakop am inibit ru pantula'.

SULABOI 2:17

Pupus no nambaal Tuhan ra atan ondo' inatang Nano; Pusoon No itakau ra kolondo' guang makaasi' koson ra ondo' pinakara' Nano ritakau ragili. Pinamanang No ra pantula' takau, am maansukan ilo sabap ra naratuan takau.

YEHEZKIEL 23:25

Sabap ra sumangit Aku rirun, polosoon Ku ilo malaat pamakuan rirun. Binsilon nilo arung am talingo muno, am niayuk mamatoi ra anak-anak muno ra ungkuyon am ruandu'. Totopot ilo mamparakop am monolob ra anak-anak muno ra biag-biag.

JAKARIA 1:2

Tuhan Ondo' Maayo Kaga' Kuasa' nangani' ra susuban ri Jakaria koson mampasaboi ra tanou ti ra ulun Nano, “Aku, Tuhan siminangit kaga' ra kinamatuaan min.

1 SAMUIL 8:18

Paat raginio mambutok kau sabap ra raja' mino, raja' ondo' pinili' mino galama'. Kaa' kalo lioon ru Tuhan butok mino.”