YEHEZKIEL 8:12 - Tanou Moonsoi Timugon

¹² Pangkuot boo i Aki Kapuuno' raki', “Okou ulun mapandai matoi, nakito mu kia atan ondo' tatanga' baalon ru tingganai ru Israil ra sininok? Ilo ngaangai' sumambayang giu' ra ralalom ru lamin ondo' nososok ra sinungkalalaing am sasaban ra kalo makito Ku ilo am nangiruan Aku noyo ra pagun ti.”

YEHEZKIEL 8:12 ပူးပေါင်းရင်းမြစ်များ

2 RAJA'-RAJA' 17:9

Nambaal ilo ra baal-baal ondo' ininggalaran ru Tuhan, i Aki Kapuuno' nilo. Nambaal ilo ra intok-intok sambaan giu' ra ngaangai' ru bandar nilo, intor ra kampung ondo' boborok kaga' saboi ra bandar ondo' maayo kaga'.

MAZMUR 10:11

Pangkaraan ru ulun malaat, “I Aki Kapuuno' kalo mampalio! Kinorom ri Aki Kapuuno' mato Nano am kalo makakito ramon!”

MAZMUR 14:1

Ra tingganai santimungan maririmbai. Mazmur ri Daut. Ulun budu mindagu ralalom ru guang, “Kolondo' i Aki Kapuuno'.” Ngaangai' ilo malaat am masaga' ilo mambaal ra malaat; Kolondo' sangulun pana mambaal ra moonsoi.

MAZMUR 73:11

Mindagu ilo, “Kalo makapandai i Aki Kapuuno' ra atan ondo' binaal takau; Io Ondo' Masawat kaga' kalo makapandai ra atan ondo' binaal takau.”

JISAYA 29:15

Aibui boo ra ulun mompogogot mapasibuni ra pangatangan nilono intor ra Tuhan! Kalinuos nilo ayuk mimbuor am indoson kolondo' makakito kapoam makapandai ra atan baalon nilono.

JISAYA 47:10

Malimanan muno moonsoi ralalom ru kalaatan muno; indoson muno kolondo' sangulun pana makapandai. Kapintaran am kaintutunan muno mapalayau rirun. Indoson muno kolondo' mokogondo' rirun.

YEHEZKIEL 14:1

Kukula' ngaulun tingganai ru ulun ru Israil minatong nangkuot raki' intor ra kasagaan ru Tuhan.

YEHEZKIEL 20:1

Paat ra orou koopor, sila' kalimo, ralalom bilor katulu' bulintok akai ralalom pamatiran, kukula' ngaulun tingganai ru mamagun Israil minatong pangkuot raki' intor ra kasagaan ri Aki Kapuuno'. Nanturung ilo ra saang kuno.

YEHEZKIEL 8:11

Tulu' ngoopor ngaulun tingganai ru Israil soroi ra giu', nakaaya' i Jaajanya anak ri Sapan. Moonong ulun nampaguut ra rondo' pambulian ra baa ondo' malisun kaga'.

YEHEZKIEL 8:13

Indagu boo Tuhan raki', “Makakito kou risilo mambaal ra baal-baal ondo' makauyuyu' poyo intor raginio.”

YEHEZKIEL 8:15

Pangkuot Io, “Okou ulun mapandai matoi, nakakito kou kia raginio? Makakito kou poyo ra baal-baal ondo' makauyuyu' poyo.”

YEHEZKIEL 8:17

Indagu Tuhan raki', “Okou ulun mapandai matoi, nakakito kou kia raginio? Mamagun ru Jiuda kalo poyo najala' ra binaal nilo ondo' makauyuyu' kapoam kalaatan ondo' binaal nilo ra titikop ru pagun ti. Inambai nilo nambaal ra ngaangai' no ragiti niayuk, ralalom ru Baloi Kuno am nampasangit poyo boo Raki'. Ilai' ati kulaan ilo magasab Raki' ra ralan ondo' makauyuyu' kaga'!

YEHEZKIEL 9:9

Taam i Aki Kapuuno', “Mamagun ru Israil am Jiuda nambaal ra tula ondo' maayo kaga'. Namatoi ilo giu' ra titikop ru pagun, am sinosok Jirusalim ra kalaatan. Minindagu ilo ra Aku, Tuhan, nangiruan noyo ra pagun nilo, am kalo makakito Aku risilo.

JIPANYA 1:12

“Paat raginio alapon Ku lampung am uliaton bandar Jirusalim. Ukumin Ku mamagun nano ondo' najala' am mangintopot ra inan galama', am ondo' mindagu, ‘Tuhan kalo igondo' nambaal koson ragitio am raginio.’

IPISUS 5:12

Paat ra ngaangai' no pabalaan, bagu no makito paliso nilo ra sotopot no. (Manabit ayuk ra baal ondo' nakasibuni nilai no pana am makauyuyu' toojo.)

SAGULION 27:15

“ ‘Kaulas noyo ulun ondo' mambaal ra sinungkalalaing intor ra batu, tataun, kapoam basi', am sumamba raginio ra sinokon. Masisang Tuhan ra sumamba ra sinungkalalaing.’ “Ngaangai' ulun tumaam ra, ‘Amin!’