YEHEZKIEL 7:8 - Tanou Moonsoi Timugon

⁸ Sangkinolor poyo am makaliman kau ra kinoporos ru sangit Kuno. Mangakim Aku ramuyun, am mambalos Aku ramuyun ra ngaangai' paliso min ra makauyuyu' no.

YEHEZKIEL 7:8 ပူးပေါင်းရင်းမြစ်များ

2 TUNUNG RU BANSA' ISRAIL 34:21

“Ongoi no pakipinson ra Tuhan ra bala kuno am ra bala ru ngaangai' mamagun ondo' lakat poyo soroi giu' ra Israil am Jiuda, intor ra pangilaan ru kitab ti. Sumangit Tuhan ritakau sabap ra kinamatuaan takau kalo giminagaya' ra ragu ru Tuhan am kalo nambaal ra atan ondo' tinulisan ra ralalom ru kitab ti.”

MAZMUR 79:6

Sangiti' noyo bansa'-bansa' ondo' kalo sumamba Rirun; ulun ondo' kalo makiasi' Rirun,

JISAYA 42:25

Ginio ra pinoloso No itakau mampaliman ra sangit Nano, am maimbolo' ra kalaatan ru pangayawan. Koson ra apui, sangit Nano monolob ra titikop ru Israil, kaa' kalo maratian takau atan ondo' nasauk no; kalo migigila' takau intor ra nailian no.

JIRIMIA 36:31

Okou ukumin Ku, papag muno, am pagawai-pagawai muno, sabap ra tula min ngaangai'. Kolondo' osoi pana, okou, mamagun ru Jirusalim kapoam Jiuda, ondo' mampalio ra pinakara' Kuno. Ginio ra, porotongon Ku karaat ondo' pinololob Kuno ramuyun ngaangai'.”

JIRIMIA 7:20

Ginio ra Aku, Tuhan Raja' mampalumpa' ra sangit Kuno ra bibilak ra Baloi ru Tuhan, ra ulun am bibiag, am niayuk ra puun tataun am ampos ru tana' ti. Sangit Kuno bibilak koson ra apui ondo' kalo malasa'.

SULABOI 2:17

Pupus no nambaal Tuhan ra atan ondo' inatang Nano; Pusoon No itakau ra kolondo' guang makaasi' koson ra ondo' pinakara' Nano ritakau ragili. Pinamanang No ra pantula' takau, am maansukan ilo sabap ra naratuan takau.

SULABOI 2:4

Patumaan no panah ra tampilon takau ilain koson itakau ti pantula' Nano; Potoyon No ngaangai' ulun ondo' nasauk ra kasagaan am mapabansuk ra guang takau. Giu' ra bandar Jirusalim makaliman takau ra apui ru sangit Nano.

SULABOI 4:11

Pinaabus ru Tuhan sangit Nano am monolob ra bandar Sion saboi napuso.

YEHEZKIEL 11:21

Kaa' mangukum Aku ra ulun ondo' masaga' sumamba ra sinungkalalaing ondo' malaat am makauyuyu'. Mangukum Aku risilo sabap ra binaal nilono.” Koon raginio noyo ragu ru Tuhan Raja'.

YEHEZKIEL 14:19

Amon ru porotongon Ku maruol tumapik ra pagun ti, ulun am poyo bibiag matoi sabap ra Aku sumangit.

YEHEZKIEL 16:43

Nalilianan mu ati kulaan pinamakuan Kuno rirun paat ra okou boborok ayuk poyo, am napasingkual kou ra sangit Kuno ra ngaangai' binaal muno. Ginio sabap no ra musiti' kou mansaan ra ukuman no. Kua kia pansawa' kou poyo malupus nambaal ra ngaangai' baal ra bokon ondo' makauyuyu' no?” Tuhan Raja' minindagu noyo.

YEHEZKIEL 16:59

Indagu Tuhan Raja', “Kalo namimii' pamakuan Kuno rirun, sabap ra liminungkang kou ra bantu'-bantu' muno am niayuk inanggal mu nabantuan ondo' binaal Kuno rirun.

YEHEZKIEL 18:30

“Raino Aku, Tuhan Raja' mambala' ramuyun, ulun kau ru Israil, ra mangakim Aku ra moonong ulun sumugut ra binaal nano. Talikur no intor ra kalaatan ondo' tatanga' min baalon no, am pai' polosoo' tula min mamuso ramuyun.

YEHEZKIEL 20:13

Kaa' giu' ra tana' kaagisan no pana minanggal ilo Raki'. Minanggal ilo ra ukum Kuno am nangimpai ra susuban Kuno, ondo' mangani' ra kaayagan ra osoi ayuk gumagaya' raginio. Totopot nilo jinamol orou Sabat. Nakatampos Aku no koson mompoloso risilo makaliman ra ngaangai' kinoporos ru sangit Kuno giu' ra tana' kaagisan no am masaga' Aku mamuso risilo.

YEHEZKIEL 20:21

“Kaa' ilo ondo' mangamulok pana minanggal Raki'. Inanggal nilo susuban Kuno am nangimpai ra susuban Kuno ondo' nangani' ra kaayagan ra osoi ayuk ondo' gumagaya' raginio. Jinamalan nilo orou Sabat. Nakatampos Aku noyo koson mompoloso risilo makaliman ra ngaangai' kinoporos ru sangit Kuno giu' ra tana' kaagisan no am masaga' Aku mamatoi risilo ngaangai'.

YEHEZKIEL 20:33

“Sabap ra Aku, Tuhan Raja', i Aki Kapuuno' ondo' maayag, mampakara' Aku ramuyun ra sabap ru sangit Kuno, mamarinta Aku ramuyun ra mokotog am malasang. Makaliman kau ra kuasa' am sangit Kuno paat ra Aku manimung am magibit ramuyun sumaguli' intor ra pagun-pagun intok akau pinantutuliar.

YEHEZKIEL 20:8

Kaa' inanggal nilo Aku am marara' rumongog ra ragu Kuno. Kalo namatir ilo ra sinungkalalaing ondo' makauyuyu' no, kapoam lumonggo' sumamba ra sinungkalalaing ru ulun ru Misir. Paat ra ilo lakat poyo soroi ra Misir, nakatampos Aku noyo mompoloso risilo makaliman ra ngaangai' kinoporos ru sangit Kuno.

YEHEZKIEL 22:31

Ginio ra pinaabus Ku sangit Kuno risilo. Koson ra apui, mamuso Aku risilo sabap ra binaal nilo.” Tuhan Raja' nakaindagu noyo.

YEHEZKIEL 24:14

Aku, Tuhan Raja' nakaindagu noyo. Nasaboi paat nano ra Aku mimbuor. Kalo malilianan Ku tula muno kapoam makaasi' rirun. Ukumin kou sabap ra binaal Muno.” Tuhan Raja' nakaindagu noyo.

YEHEZKIEL 30:15

am mamuso ra kalangkayaan nano. Paabuson Ku sangit Kuno ra Pilusium, bandar kaikangan ru Misir.

YEHEZKIEL 33:20

Kabalu' pana raginio Israil lakat poyo mindagu ra binaal Kuno kalo matimpok. Ginio ra akimin Ku ilo sumugut ra binaal nilo.”

YEHEZKIEL 6:12

Ilo ondo' maalur matiu' ru maruol am matoi; ilo ondo' mamaar matoi ralalom pangayawan; osoi ayuk ondo' lakat poyo maayag am mamimio matoi ra bitilan. Makaliman ilo ra ruol ru sangit Kuno.

YEHEZKIEL 7:27

Raja' mangulir; anak ungkuyon ru raja' kolondo' boo kalansanan, am mamagun monontol ra malaa'. Ukumin Takamin mogondo' ra ngaangai' binaal min. Mangakim Aku ramuyun koson ra Aku nangakim noyo ra ulun ra bokon. Bagu no makapandai kau ra Aku noyo Tuhan.”

YEHEZKIEL 7:9

Kalo malubatan Aku ramuyun kapoam makaasi' ramuyun. Mangukum Aku ramuyun ra binaal min ondo' makauyuyu', maa' raginio makapandai kau ra Aku noyo Tuhan am Aku noyo ondo' mangukum ramuyun.”

YEHEZKIEL 9:10

Kaa' kalo makaasi' Aku risilo. Mogondo' pamakuan Kuno risilo koson ra pinamakuan nilo ra ulun bokon.”

YEHEZKIEL 9:8

Tatanga' pamatayan no masauk, soroi aku ra giu' misangulun. Igulatur aku liliwa' nampiau, “Iou Tuhan Raja', siminangit kou kia kaga' ra Jirusalim saboi masaga' Kou mamatoi ra moonong ulun ondo' lakat poyo naayag giu' ra Israil?”

DANIL 9:11

Ngaangai' ulun ru Israil minanggal ra ukum Muno am marara' rumongog Rirun. Makatula akai noyo Rirun, ginio ra nangukum Kou ramon ra pagulasan ondo' tinulisan ralalom ru Ukum ri Musa, ulipon Muno.

DANIL 9:27

Mambaal raja' no ra nabantuan ondo' mapiot ra masuang ulun buoi tulu' ngambilor. Malintanga' paat no, langgain ru raja' ngaangai' taak simbalui am pataakon. Rondo' ondo' sabiton ra ‘Karaat Ondo' Moporos’ pabantaan boo giu' ra Baloi ru Tuhan, am magulayun ra giu' no saboi ra ulun ondo' napabanta' no makatuum ra kapusaan ondo' inaru' noyo ri Aki Kapuuno' riso.”

GOSIA 12:3

Tuhan mokoondo' ra panguwan ra ulun ru Jiuda; am mangukum Io ra ulun ru Israil niayuk sabap ra paliso nilo. Mambalos Io ra binaal nilo.

GOSIA 5:10

Indagu Tuhan, “Sumangit Aku sabap ra tingganai-tingganai ru Jiuda namulunsar ra Israil am nampagaau ra tana' nano. Ginio ra palumpaan Ku ukuman risilo koson ra timug ru rosob.

NAGUM 1:6

Osoi kia tumaan paat ra Tuhan sumangit? Kolondo' osoi pana makalabus intor ra sangit Nano. Paabuson No sangit Nano ondo' bibilak, saboi batu maumok am masauk ra kaau giu' ra saang Nano.

PINAINTALANG 14:10

Ginio pinawar No noyo ra sangkir ru sangit Nano am sanganu pana kalo tigowon No! Ngaangai' ondo' manginum no imboloon ralalom ru apui am balirang giu' ra saang ru malaikat-malaikat mapasau no am ra Anak Domba no.