YEHEZKIEL 7:7 - Tanou Moonsoi Timugon

⁷ Akau mamagun ru pagun ti, ngaangai' no pupusin noyo ramuyun. Kalo boo mambaal kau ra pangiantakan giu' ra intok sambaan giu' ra rasawat ru gunung; jajajou no ayuk mailian min.

YEHEZKIEL 7:7 ပူးပေါင်းရင်းမြစ်များ

KASAUKAN 19:15

Paat tumawang, rinondom ru karuruo malaikat no nangulisok ri Lot mataki' mugar, konilo, “Ribaki', ugar no mabaya' ra andu' muno am karuruo anak ruandu' muno intor ragiti maa' ra akau makapagiru' no kalo matoi paat bandar ti pusoon.”

KASAUKAN 19:24

Pulalii' ru Tuhan napatuun ra rasam makabalirang ondo' makaapui ra bandar Sodom am Gomora.

JISAYA 13:22

Bolos ru uku' kataunan am taani mamintanou ra manara-manara am istana-istana. Bulintok ru Babil magagai mamaar noyo, am bulintok no kalo boo kabuoyon.

JISAYA 16:10

Ragino kolondo' osoi-osoi pana maansukan ra tana' ondo' malabung no. Kolondo' osoi-osoi pana magitatapap ra longon kapoam marimbai ra umo-umo ru anggur. Kolondo' boo mamaga' ra kawa' ru anggur. Puau ra kaansukan limininos noyo.

JISAYA 17:14

Bulintok mamai' lumaat ilo, kaa' suabon no lumiot ilo. Ginio noyo pangaruan ra moonong ulun ondo' mampagaau ra pagun takano.

JISAYA 22:5

Gitio noyo bulintok maajag-ajag, kaalaan, am sasou giu' ra Limayak Pinaintalang. Tuhan Raja' Ondo' Maayo Kaga' Kuasa' naparatong ra karaat raginio. Timbok-timbok ru bandar takano nangaaba', am tangi' ru ulun makiindangan mamintanou giu' ra bulur-bulur.

JIRIMIA 20:7

Iou Tuhan, rinuung Mu aku, am naruung aku. Maikang Kou intor raki' am nangala raki'. Iniis aku ru moonong ulun, inasaban intor ra susuab ti saboi ra mamai'.

JIRIMIA 50:27

Potoyo' ngaangai' saujor nilo! Simbaluyo' ilo ngaangai'! Aibui boo ra mamagun ru Babilonia! Nasaboi paat no ra ilo ukumin!” (

YEHEZKIEL 12:28

Ginio ra balai' ilo ra Aku, Tuhan Raja' minindagu: Ngaangai' ondo' raguon Kuno musiti' masauk, ra kalo boo paginjul-ginjul. Aku, Tuhan Raja' nakaindagu noyo!”

YEHEZKIEL 30:3

Orou no mamaar noyo, paat Tuhan mimbuor. Orou raginio molondom am mapagon ra tayar ru bansa'-bansa'.

YEHEZKIEL 7:12

Paat nano mamaar noyo toojo, orou nano mamaar noyo, paat mambali mantalan kolondo' boo arati', sabap ra ukuman ri Aki Kapuuno' lumumpa' ra moonong ulun.

JOIL 1:15

Orou ru Tuhan mamaar noyo, paat ra Ondo' Maayo Kaga' Kuasa', mamparatong ra katutukan. Mapara' boo makalalaa' orou raginio!

AMOS 4:13

Sotopot no, i Aki Kapuuno' ondo' nambaal ra kagunungan; Io niayuk nampasauk ra angin. Pinabala' No inatangan Nano ra ulun. Kinulau No matawang masauk molondom; giu' ra rasawat ru tampak-tampak ru tana' mugar Io, Tuhan i Aki Kapuuno' Ondo' Maayo Kaga' Kuasa', ginio noyo inggalan Nano.

1 PITRUS 4:17

Maar noyo masuku' paat ri Aki Kapuuno' mangakim ra ulun ru tana' ti, am Ulun Nano akimin No galing. Amon ru itakau noyo talimpuunan Nano, atan masauk ra tauli no risilo ondo' kalo nangintopot ra Tanou Moonsoi intor ri Aki Kapuuno' i?