YEHEZKIEL 7:4 - Tanou Moonsoi Timugon

⁴ Kalo malubatan Aku rirun kapoam makaasi' rirun. Ukumin Tokou ra binaal muno ondo' makauyuyu' no, maa' raginio makapandai kou ra Aku noyo Tuhan.”

YEHEZKIEL 7:4 ပူးပေါင်းရင်းမြစ်များ

JIRIMIA 13:14

Mopongo raginio pagingkuon Ku ilo ra rondo' am bokon, koson ra rarapu' pagingkuon. Koon raginio pamakuan Kuno ra ulun matutuo am mamulok ra kolondo' ampun. Pusoon Ku ilo ra kolondo' togom kapoam makaasi'.”

JIRIMIA 16:18

Balasin Ku tula am kalaatan nilo ra ukuman induo ruli', sabap ra jinaka' nilo pagun Kutu ra masuang sinungkalalaing. Sinungkalalaing raginio kalo maminawo koson ra baangkai. Sinosok nilo pagun Kutu ra tuhan-tuhan ondo' kalo motopot.”

JIRIMIA 25:14

Balasin Ku binaal ru ulun Babilonia; uliponon ilo ru raja'-raja' maayo am masuang bansa'.’ ”

YEHEZKIEL 11:21

Kaa' mangukum Aku ra ulun ondo' masaga' sumamba ra sinungkalalaing ondo' malaat am makauyuyu'. Mangukum Aku risilo sabap ra binaal nilono.” Koon raginio noyo ragu ru Tuhan Raja'.

YEHEZKIEL 12:20

Bandar-bandar ondo' raino nososok ra ulun mangapuso, am pagun no masauk ra tana' kaagisan. Paat raginio noyo bagu no makaliman ilo ra Aku noyo Tuhan.”

YEHEZKIEL 16:43

Nalilianan mu ati kulaan pinamakuan Kuno rirun paat ra okou boborok ayuk poyo, am napasingkual kou ra sangit Kuno ra ngaangai' binaal muno. Ginio sabap no ra musiti' kou mansaan ra ukuman no. Kua kia pansawa' kou poyo malupus nambaal ra ngaangai' baal ra bokon ondo' makauyuyu' no?” Tuhan Raja' minindagu noyo.

YEHEZKIEL 22:31

Ginio ra pinaabus Ku sangit Kuno risilo. Koson ra apui, mamuso Aku risilo sabap ra binaal nilo.” Tuhan Raja' nakaindagu noyo.

YEHEZKIEL 23:31

Minaya' kou ra binaal ru maayo muno; ginio ra musiti' kou manginum intor ra sangkir ondo' sinuangan ra ukuman.”

YEHEZKIEL 23:49

Koson boo ra akau ruo, alii ra Ogola am Ogoliba, ukumin Ku sabap ra nantalan kau ra inan am siminamba ra sinungkalalaing. Bagu no makapandai kau ra Aku noyo Tuhan Raja'.”

YEHEZKIEL 24:14

Aku, Tuhan Raja' nakaindagu noyo. Nasaboi paat nano ra Aku mimbuor. Kalo malilianan Ku tula muno kapoam makaasi' rirun. Ukumin kou sabap ra binaal Muno.” Tuhan Raja' nakaindagu noyo.

YEHEZKIEL 33:29

Paat ra Aku mangukum ra ulun no sabap ra tula nilo, am mampasauk ra pagun no kolondo' tutuu' am masiluk, bagu no makapandai ilo ra Aku noyo Tuhan.”

YEHEZKIEL 5:11

“Aku noyo i Aki Kapuuno' ondo' maayag, Tuhan Raja', am gitio no ragu Kutu: Sabap ra jinamalan mu Baloi Kuno ra baal malaat am makauyuyu', umokon Tokou ra kalo makaasi'.

YEHEZKIEL 6:14

Iou, paakangon Ku kalindu' Kuno am tutukon ku pagun nilo saboi masauk ra kolondo' tutuu' am masiluk, intor ra tana' kaagisan giu' ra rabugus saboi ra bandar Ribla giu' ra ralayo. Ngaangai' intok ondo' inayanan ru ulun ru Israil, pusoon. Bagu no moonong ulun makapandai ra Aku noyo Tuhan.”

YEHEZKIEL 6:7

Ulun ondo' potoyon giu' ra ati pana intok, am ilo ondo' maayag mangiou ra Aku noyo Tuhan.

YEHEZKIEL 7:27

Raja' mangulir; anak ungkuyon ru raja' kolondo' boo kalansanan, am mamagun monontol ra malaa'. Ukumin Takamin mogondo' ra ngaangai' binaal min. Mangakim Aku ramuyun koson ra Aku nangakim noyo ra ulun ra bokon. Bagu no makapandai kau ra Aku noyo Tuhan.”

YEHEZKIEL 7:3

Okou Israil, raino nasaboi noyo kapusaan muno! Makaliman kou ra poros ru sangit Kuno, sabap ra mangakim Aku ra binaal muno. Mambalos Aku ra paliso muno ondo' makauyuyu' no.

YEHEZKIEL 7:9

Kalo malubatan Aku ramuyun kapoam makaasi' ramuyun. Mangukum Aku ramuyun ra binaal min ondo' makauyuyu', maa' raginio makapandai kau ra Aku noyo Tuhan am Aku noyo ondo' mangukum ramuyun.”

YEHEZKIEL 8:18

Makaliman ilo ra kinoporos ru sangit Kuno. Kalo palabuson Ku ilo kapoam makaasi' risilo. Gumolok ilo toojo makiasi' Raki', kaa' kalo rongogon Ku ilo.”

YEHEZKIEL 9:10

Kaa' kalo makaasi' Aku risilo. Mogondo' pamakuan Kuno risilo koson ra pinamakuan nilo ra ulun bokon.”

GOSIA 12:2

Ngaangai' ondo' binaal ru ulun ru Israil intor ra susuab ti saboi ra mamai' ngaangai' no kolondo' onong, kaa' niayuk paliso no mamuso koson ra angin sirangon. Abau am kalaatan gumaai-gaai ra gino po ngai' nilo. Nambaal ilo ra nabantuan ra Asyur am niayuk nagibit ra umau giu' ra Misir koson ra tatandu' ru pabukatan.”

GOSIA 9:7

Orou pangukuman nakasaboi noyo, orou koson mangapu ra pambalos. Makapandai boo Israil paat baal ragitio masauk. Kamin, “Nabi ti sasambungon. Ulun sinusub ri Aki Kapuuno' ti mantuyang.” Masisang kau kaga' raki' sabap ra tula min maayo kaga'.

AMOS 7:8

Nangkuot Io raki', “Amos, atan kia nakito muno?” Taam aku, “Rondo' kalat panuku' ondo' maawar ra mabanis.” Io pana mindagu boo, “Namakai Aku ra kalat panuku' ondo' maawar ra mabanis ti koson manulu' ra ulun Kuno koson ra timbok ondo' kalo mabanis. Kalo boo kulawon Ku guang Kuno; ukumin Ku ilo.

JAKARIA 11:6

Indagu Tuhan, “Kalo makaasi' Aku ra osoi pana ra tana' ti. Aku galama' mampataak ra ngaangai' ulun ra ralalom kalindu' ru ulun manguasa' risilo. Ulun-ulun manguasa' no mamuso ra tana' ti, am kalo bayagon Ku io intor ra kuasa' nilo.”

IBRANI 10:30

Sabap ra napandayan takau noyo osoi minindagu, “Aku no mambalos risilo am mangukum risilo.” Mindagu Io niayuk, “Mangakim Tuhan no ra ulun Nano.”